بنات انا ولدت بنص شهر3 وبنتي من الاربعين الى الحين عيونها معلقه بالليت لو بجت وشافت الليت تسكت وساعات تقعد تغاغي مع الليت واحسها ما تنتبه لي لو وقفت بينها وبين الليت يعني ما يهمها الشخص اللي قبالها لو يلعبها المهم تطالع الليت…هالشي طبيعي..ولو بحل المشكله اروح حق منو
اشتري هذا الليت الطويل الي بلوازم العائله ينور الغرفه كلها وبنفس الوقت
تكون اناره مخفيه ماتعور العين وصكي ليتات الدار
سوي جذي بكل الغرف اريح حق عينها وعينج انتي بعد
والحين بنتج عمرها 3 شهور يعني بعد شهر ان شاء الله راح تقعد عالارض
وتطالع الي جدامها ماتنسدح
حبوبه تراجعين الطبيب علشان يفحص عليها لان شي ما ينسكت عليه
مادري والله ؟؟
فحصي عليها احسن!!
الفحص احسن اكيد
ما تشوف شر
عادي حبيبتي انا بنتي تقريبا كبر بنتج وفعلا عيونها كل معلقة بالسقف ، امي تقول يشد إنتباهم الإضاءه
عااادي انا ولدي يوم كان صغير نفسهاا كذا..والحين عمره سنه ونص وذابحني على المروحه..الظاهر بيطلع مهندس كهربائي
لا وازيدج من الشعر بيت اذا يطالع التلفزيون والله لو اناديه اصارخ عنده اكلمه ماينتبه
شوفي حركي قدامهاا اي شي يطلع صوت اذا انتبهت ماعليج واذا انتي من النوع اللي يحاتي وتبين تطمنين روحي حق دكتورة اطفال
اللي اعرفه ان هالشي عادي ، انا ولدي كبر بنتج وهم يطالع الليت وايد بس الحمدلله اذا احد كلمه يطالعه ، بس بقولج شي سويلها اختبار بسيط حطي شي جدامها وحركيه شوي شوي شوفيها تتبعه بعيونها ولا لأ ، جربي حطي شي لونه يشد أسود أو أحمر أو برتقالي يعني هالألوان ، واذا مانتبهت روحي وديها طبيب عيون للإطمئنان مو ماكثر ، ولاتحاتين مافيها الا العافيه ان شاءالله ، تدرين اليهال بهالعمر كله يطالعون فوق وخصوصا الليت لأن اضاءته تشدهم
مرحبا حبوبه
لاتحاتين كل الاطفال جذي يشد انتباههم الليت
انا بنتي عمرها 4 شهور تطالع الليت وتسولف معاه وتضحك له وتطالع البرده وتضحك لها وتطالع الطوفه وتسولف معاها
ولازم تراجعين الدكتور لمزيد من الاطمئنان
والله يخليها لج يارب
انزين بغيت اسالج اختي— بنتج لما تطالع الليت تركز عليه حيل حتى وانت تسولفين معاها وتلاغبينها000 او انها تركز عليه لما ما تلقى احد يلاعبها
ولما تمرين جدامها تشوفج يعني اطالع فيج والا تركز فوق
ياليت تردين عليه بسرعة —علشان اقول لج الحل
عااااااااااااااااااااااااااااااااااااااااااااااااا دي
انا بنتي كانت اخطر كان عمرها شهرين ماتسكت الا لما تشوف التلفزيون اذا وخرتها عنه تبجي تبيه.gif "Eh S(6)")
وانا كنت اخاف على عيونها
بس الحمد لله الحين عادي عمرها 7 شهور عادي الحمد لله ماتهتم وايد
عادي انا ولدي كانوا يقولون لي اهلي بيطلع كهربائي من كثر ما عيونه طايره بالسقف واول ماادخل اي مكان على طول طير عيونه للسقف يجيك ع الليتات وكان يركز ويطالع بانتباه فوق>>> اسم الله عليه طموح
والحين ولدي الثاني عمره ثلاث شهور بس الحركه هذي مو فيه واجد يعني ع الخفيف
لاتحاتين حبيبتي عادي
عادي كل الطفال جذي اذا انتي من النوع اللي يحاتي راجعي الطبيب
ماعليها الا العافيه
بس وينج طمنينه عليج