|
|
السلام عليكم..شلونكم بنات؟
بنات انا عرسي بشهر9 ومعاي عروس ثانيه انا مرت الصغير وطبيعي بدش الثانيه ..
بس خوفوني البنات قالوا لوتدشين الثانيه ماتلقين الحظور كلهم من تدش الاولى يشوفونها ويطلعون.gif "Eh S(2)")
.. وقلت للبنات عندي فكره احط لافته واكتب عليها انتظروا العروس الثانيه هناك العديد من الجوائز القيّمه
لوووووول
الزبده قالوا لي البنات طلبي انج تدشين الاولى 
وقلت لخالتي تحاجي اخته لانها رفيجة اخته وقالت لها ..وقالت اخت زوجي لا اصلا العروس الاولى مليون مره تقول لازم انا ادش الاولى وابي زوجي يدش ياخذني ونطلع بعدين تدش الثانيه تقول قلنا لها تدشين انتي وبعدين العروس الثانيه وبعدين اخواني رفضضضضضضضضت حيييل 
هني خفت زياده يعني بتدش وبيرقصون اهلها جدامها وبعدين بيدش زوجها وبيقعد معها شوي ويصورون وبعدين بيطلعون على جذي ماراح ادش الا الساعه 12 وحرام فستاني تخسرت عليه ابي الكل يشوفه ..
انا لما كنت بدش الاولى لاني ظامنه نفسي راح ادش بسرعه وراح اخلي اهلي بس يرقصون مره وحده عشان مايعطلون العروس الثانيه..والله اني ناويه جذي..
ولو نقول بتدش الاولى بعدين انا ادش يمكن ادش مبجر بس اهي تبي زوجها يدش وياخذها بعدين انا ادش
عادي اهي تدش الاولى من حقها والله بس مابي جذي يطولون علي
يااااربي بنات والله ضاق خلقي حيييل شسوي ..
الله يوفقني ويوفقها ويسعدنا..بس دلوني شسوي مابي اكبر الامور ودي ادش عليهم بهدوء وبدون مشاكل..دلوني ..
مو شي صراحه عروستين ويا بعض
تفاهمو قولي لها بعد بتدشين الاولى تنطريني ادش وراج عقب ايي ريلج ياخذج ما يصير يكون كل شي عليج وعلى ما ايي دوري الا صاير نص الليل و الاوادم كلهم مشوا انتي ما ترظينها على روحج :/
اصلا اللي عندهم عروسين حاسبين حساب هالشغلة لا تحاتين
وبعدين الناس والحضور اللي جايين عشانك اكيد بينطرونج
والحريم غرامهم المقارنة تبينهم يطلعون وما شافوج مستحيل
افرحي واستانسي والناس اللحين كلهم يجون العرس متاخر
افرحي مبروك الف مبروك
حبيبتي اي والله صاجه اكيد محد يرضاه على نفسه بس انا مالي علاقه فيها مااقدر احاجيها وانا مو من النوع اللي يناجر حتى امي تقول انتي ينوخذ حقج وتسكتين
ماادري شسوي من سمعت الخبر كتبت لكم هني ابي احد يعطيني راي يريحني..واذا احد حضر عرس مثل هالحاله يطمني تاخرت العروس الثانيه على مادشت والا لا؟؟
الله يطمنج ويبشرج بالخير ياوجه الخير .. انا والله كنت مستانسه ولاهمني شي لو معي 100عروس بس خوفوني البنات يقولون حضرنا زواجات فيها عروستين ومن تدش العروس الاولى يطلعون الناس وشلون عاد اذا العروس الاولى بتطول وبتنطر زوجها يجي ياخذها
اهتمى بنفسج وكشختج .. مع انى ما ايد عرووستين ويا بعض ..
من فترة حضرت عرس فية 3 عرايس تصورى !!!
بنات عم .. دشووا وحدة وحدة .. سبحان الله تسهلت امورهم ..
يا تدشين مبجر 9 ونص
لان شي طبيعي راح تجي ا لعروس الساعه 10 ونص
او يسون مثل عيال عمي
اثنين معاريس
حطوو كووشه فخمه على زاويه اليمين كرسي مكان للمعرس الاول ومكان الزاويه الثانيه اليسار هم بعد
بينهم فاصل اذا دشو الرياجيل يجرونه من فووق ..
دخلت العروس الاولى وبعدها بتص ساعه العروس الثانيه
لين الساعه 11 ونص دشوو المعااريس وسلامتج
عسى الله يهنيج
هذي احسن حركه .. والله يتمم عليـكم ..
بنات بدلة عروس من الاسطـووورة لا تطـووفكم wkuwaity@hotmail.com
دام بالبطاقه معروف ان عروستين اكثر العالم بيقعدون هذا اذا مو كلهم اللهم اللي مستعجل وجاي بسسسس للعروس الاولى
انتي مالج شغل الا بجمعاتج واهلج اللي جايين لج انتي ~ هذول دام جايين لج بينطرونج لو للساعه 1 فلاتشغلين بالج حبيبتي وتكشخي وتضبطي وخلي النفسيه عال العااااااااااال والله يوفقج ويهنيج مع زوجج هذا الاهم والا العرس ليله وبتعدي وان شاءالله ع خير =)
بس مودري احسها انانيه من العروس الاولى
يعني ع 10 تدش العروس الاولى
وع 10 ونص تدشين انتي
وبعدين تدش المعاريس
مودري شلون نظام العروس الاولى
والله يهينكم ثنتينكم يا رب
امبيييييييييييييييييييييييييييييييييييييييه فشلـــــــــــــــــــــــــه من صجكم كلمتوا اخت المعرس !!!
اختي حبيبتي لا تخلين اهل زوجج يااخذون فكرة مو حلوووووه عنج يقولون هذي عوووبه ومن الحين تتشرط
الناس ما يدروووون عن النوايا
بعدبن معرووووووف مرت الكبير هي الي تدش اول بعدين مرت الصغير
>> انتي مرت الصغييييير
والنااااااااااس ماراح يروحون صدقيني لا تسمعين كلام رفيجاتج لا يضيعونج
اصلا من نسمع ان في عرس عرايسهم ثنتين نتسمر بكراسينا عشااان المقارنه
" وعسى ان تكرهوا شيئا وهو خير لكم "
ارد واقوووووووووووول لا تسمعين كلام رفيجاتج خلي اهل العرس هم يتصرفووووون مو حلوه العروس تتحكم
واي تذكرت فشلــــــــه لا تجين قبل العروس الاولى بعدين يقولون عنج حياله وتصير مشاكل بينج وبين العروس الثانيه وانتي في غنا عنها
اختي لا تفكرين بهالاشياء اهم شي التوووووووفيق العرس كم ساعه وبيخلص والناس ما يعجبهم العجب
وسلامتج
<< ترا انا العروس الاولى نياهاهاهاهااااااااااااااااااااااااااااااا
امززززززززززززح فديتج
اول شي موحلوه حركتها تتحكم بالناس عيب وبعدين انتي مالج شغل خليها على ربج وتتسهل ان شاءالله
ماتدرين تتخطين لشي ويوم العرس يكون شي ثاااني تطمني ولاتحاتين وان شاءالله المعازيم ينطرونج
وتدخلين مبجر وتكونين قمر….انتم السابقون ونحن اللاحقون دعوااااتج
وبعدين ليش ماتدش هي وعقب انتي وعقب رياييلكم ويكون فيه حاجز بين الكوشتين
ربي يهنيج ماعمري شفت عرس راحو الناس عقب العروسه الاولى
اصلا ع قوله الي قبلي يصير فضول لمقارنه
وبعدين لاتطولون بالزقه 9 ونص خيزفون الاولى – ربي يهنيكم
إذا مو عاجبج نظام عرسهم و حاسه ان قصرو معاج حطي عرسج في بيتج و افتكي
و ترى الشكليات مو مهمة أهم شي التوفيق
الله يوفقج يا عروس