|
|
شخباركم بنات
بنات انا مشكلتي باخذ دورة علوم كمبيوتر عشان اقدر اقدم على الديوان لان شهادتي متوسط
طبعا انا اعرف الدوره كامله يعني بس يبيلي مراجعه واقدم الامتحان وخلاص بدون لا ادرس
المشكله المعهد يقولون لي لازم تدرسين تسع اشهر حتى لو تعرفينها ولا التطبيقي ماراح يصدقها لج !!!
زين ليش اضيع من عمري 9 اشهر على اشيا اعرفها اصلا !!
ابي حل ويا هالتطبيقي الي تقدر تفيدني تكفوووووووون مابي انطر تسع اشهر .gif "Eh S(4)")
.gif "Eh S(11)")
الشهادات العالمية مو أجباري تدرسينها بمعهد .. عادي ممكن تختبرينها .. لكن لازم تاخذين موعد أختبار من معهد معترف فيه عالميا ويقدم هذا النوع من الاختبارات مثل أنفوسنتر و نيوهورايزن
مثال على الشهايد العالمية :
+a
+n
icdl
وفيه شهايد عالمية أخرى ممكن تبحثين عنها
طبعاً الأمتحان عليه فلوس مثلاً لو تبين تختبرين في +a .. راح يختبرونج اختبارين وكل أختبار تدفعين عليه 60 دينار يعني مجموع الأختبارين 120 دينار .. والمهله عشان توصل الشهادة شهرين فقط .. والشهادة معترف فيها عالميا مو بس بالكويت
انتي تبين شهادة علوم كمبيوتر صح .. اللي تشمل : البرمجة والصيانة والشبكات والتصميم ومواد قيادة الحاسوب icdl
وإلا بس تبين رخصة قيادة الحاسوب icdl ?
على العموم فيه حلين :
الحل الأول : تروحين أحد المعاهد التدريبيه المعترف فيها عالميا مثال : نيوهورايزن .. وتسجلين عندهم موعد للأختبار مثلاً أختبار شهادة icdl .. وتختبرين وإذا نجحتي بالأختبار راح يسلمونج الشهادة عقب شهرين .. عقبها تقدمين طلب اختبار في التطبيقي وراح يختبرونج ويصدقون لج الشهادة إذا نجحتي .
الحل الثاني : تروحين معهد أي كلام يعني مستواه عادي .. وتقدمين عندهم دورة علوم كمبيوتر شامل .. وتتفقين مع مدير المعهد أن أغلب المواد يختبرونج فيها وتدرسين المادة اللي تحسينها صعبه .. مدير المعهد راح يخصم نص المبلغ من كل مادة أختبرتيها عنده يعني مثلا لو المادة ب 80 دينار .. راح يحسبها لج ب 40 لانج ما درستيها .. راح تخف التكاليف و راح يخف الضغط عليج
أول ما تخلصين أختبارات المواد وتخلصين دراسة أي مادة أنتي أخترتي دراستها .. ما عليج إلا تنطرين في البيت 9 شهور لين يسلمونج شهادتج .
وإذا تبين رايي .. انا انصحج بالحل الثاني .. لانج تقدرين تعيدين الأمتحان بأي وقت من دون دفع فلوس ثاني مره .. غير إن الامتحانات سهله في المعاهد العادية .. والسلبيات للأسف أنج تنطرين 9 شهور .. حتى لو كنتي خالصه اختبارات ودراسه وقاعدة بالبيت.. بينما لو أخترتي الحل الأول وهو أنج تتجهين لمعهد نيوهورايزن .. راح تبتلشين بأمتحاناتهم الصعبه .. ولو سمح الله ورسبتي بالأمتحان لازم تدفعين فلوس على كل إعادة أمتحان .. يعني راح يكلفج .. الميزة فيه أن الشهادة تاخذينها بوقت أقل وأن الشهادة معترف فيها عالمياً
اتمنى كلامي واضح ووصلت المعلومه
وعلى فكرة انا سجلت دخولي بس عشان أفيدج بالرد .. وموفقه 
بس مايصير ماكو حل الا تاخذين الدوره 9 شهور ولا مايمتحنونج التطبيقي
انتي جنج قاعده تقولين بدرس انتساب
وبمتحن بدون حضور
مايصير حبوبة لازم حضور
انا قبل جم سنه خذيت دوره ام 9 شهور بنيوهورايزون كانوا ياخذون حضور و مايرضون احد يغيب
لان التطبيقي شارط عليهم ان الطالب يحضر
و لو جكوا المعهد يحط اسامي طلبه مو حاضرين يسحبون ترخيصهم
فغصبن عليه المعه يقولج حضري ولا ماتمتحنين بالتطبيقي
بعد هذا القانون مايصير نتعداه وانا اشوف ان القانون صح
نصيحتي لج
خلج من دورات المعاهد
دشي معهد بو سنتين اذا انتي عندج ثنوي
والتطبيقي ياخذون اللي نسبتهم قليله دورات خاصه سنتين
واسمج لاتخرجتي دبلوم و عالخامسه
مو نفس ام 9 شهور بتتوظفين عالثنوي و عالسابعه وحالج حال الثنوي اللهم الا تغيير مسمى بس المعاش نفسه
الخامسه غير 5 سنين ويصير راتبج راتب جامعي لا خذيتي الرابعه ان شاء الله
ترى فرق السما عن الارض
وانتي براحتج
انا قدمت علوم كمبيوتر لو ادري جان قـدمت سكرتاريه
انا عندي شهادة ثانويه عامه ..
وباخذ دورة علوم كمبيوتر من معهد تك مارك البريطاني الاهلي .. مصدق من التطبيقي وكل شي
وانا شفت كل شي ااعرفه تقريبا غير مواد الصيانه والشبكات وقواعد البيانات مادري شنو بيكون تقريبا عنه تحديداً
فقلت بدفع لهم واخذ الشهاده وامتحن في التطبيقي بعد 9 اشهر بدون لا اداوم عندهم
بس للاسف قاعده افكر شلون بدرس وشلون بيكون الامتحان عملي ولا كتابي وشنو بيعطون بالامتحان ودي احد يفيدني !!