|
|
ن
السلام عليكم ورحمة الله وبركاته
شخباركم كويتيات اتمنى انكم بصحه وعافيه
راح احاول اختصر الموضوع
واقول ان عندي ابن عمره اسنه يعاني من متلازمة برون بيلي (( ضمور في عضلات البطن))
وهالشي اثر على المسالك البوليه والكليتين وضخمهم :074: وهالتضخمات اثر على بطنه وضخمه بزياده
واكتشفت هالشي يوم كنت حامل فقررو لي عمليه قيصريه ومن ولدته ماشفته ولا سمعت حتى صيحته :ب1: وخبركم القيصريه مانقدر نمشي ونتحرك الا ثاني يوم
آنا ماقدرت اكمل اليوم قلت لهم بروح اشوفه ودوني بالويل جير مارضو قالو لي عالاقل قبل 24 ساعه بشوي انتظرت وآنا ابجي واحاتيه مع ان زوجي كان يطمني وقال ان بطنه مو متضخم وايد خفيف واهو حلو واينن
ورحت شفته بالعنايه واول ماشفته قلبي تقطع قطعه قطعه وآنا اشوفه بهالحاله
على السرير وعليه جهاز التنفس وموصل بأسلاك وكان بالمنطقه الخطره وكان يطالعني ويبجي بدون صوت
آنا ذيك الحزه انهرت :ب1:
وكانو يقولون لي ولدج ماراح يكمل ثلاث ايام (( اسم الله عليه ))
بعد ماتحسنت حالته والحمدلله نقلوه بقسم الحالات المستقره وشخصو مرضه ( برون بيلي سندروم) وعملو له فتحه بمنطفة المثانه عشان اسحب الابوال بعد كل كم ساعه
الحين الحمدلله ولدي كبر وصل عمر السنه
وعلى طول يرقد بالمستشفى على التهابات بالبول او جفاف الحمدلله
مسكين حتى قام يتعقد من يشوف حد لابس ابيض ومايحب حد وكل متعلق برقبتي
لكن للاسف الأطباء اهني مو مسوين له شي
ابي اعالجه بالخارج وتوه جاهز التقرير قببل يومين:ب1:
الحين سؤالي لكم
في احد منكم ولده او احد من عيلته عنده هالمتلازمه؟؟؟
وشنو حالته الحين؟؟؟
وشنو سوو له؟؟؟
وكم وصل شغل الكليه عنده؟؟؟
وكيف علاجه تم.؟؟؟؟
وآخر شي هل الحين حالته تحسنت بوايد وعند أي دكتور اتابعين عنده بالكليه وتنصحوني بأي مستشفى سواء بالخليج او بره يهتم بهذي الحالات للعلم بأني من البحرين؟؟؟
واعذروني على الإطاله ارجو انكم تتقبلون موضوعي وتساعدوني فيه
تحياتي
ندى روحي
والله ماعندي علم
بس بنت اختي عمرها 6 شهور ودايما معهآ التهاب بالبول وتترقد بالمستشفى
ولا عرفوا شنو معاها حللوها متلازمات طلعت سليمه
المشكله معهآ رعشه بالجسم تيها من وقت لوقت ،،
اختي انشاءالله بتروح لهآ
وماي زمزم مره كانو يايبينه اهلنه من العمره
يمكن عندها المثانه العصبيه
واهي منتشره بين البنات بكثره وشفت كذا حاله جذي
وماينتبهون لهالشي بسرعه
لان تلاقينهم احيانا مايقدرون يخرجون الابوال واحيانا يسربون بدون تحكم
يعني مايصير عندهم تحكم في عنلية التبول
فالام تساعد الطفله وتحط لها انبوب من مخرج البول للمثانه وتفضي
عشان تخفف الالتهابات ومايصيدها ارتجاع على الكلى وتتاثر
الله يشافيها يااااارب
مابيدنه شي الله كريم
مشكلتي دايما ضميري يأنبني واحس انا السبب في مرضه استغفر الله
انزين هذي المره بأي منطقه بالسعوديه واشلون نقدر نوصل لها