مستجدات اللغة الانجليزية و الفرنسية , تربية اسياسية

الحمدلله قسم اللغة الانجليزية كان ارتب قسم بالكليه كلها , التنظيم كان فيه جداً ممتاز ..
و اللي كانوا حاضرين مبجر شافوا انه انا اللي كنت ماسكه شغل ..
و من بعد ما حضروا بنات الاتحاد صار في عدم تنظيم .. و كان عذر البنات انه انا مو من جهه رسمية ..
فـ بنات حبيت اوضح شغلة ..

(( انا طالبة صارلي سنتين بالكلية, مو تبع الاتحاد , ولكن رئيس القسم و السكرتارية و جميع دكاترة القسم اللي درسوني اهما اللي اختاروني لارشاد الطالبات , يعني انا من القسم نفسه مالي شغل بغيري ))
انا متبنيتني قائمة المستقلة , و الله يشهد و انتوا معاي انه اليوم ما يب طاري القوائم على لساني ..
180 بنت انا وزعت الارقام بأيدي و الكل شاهد اني مالي شغل باللي قالو عني بنات الاتحاد
عموماً..

بنات اللغة الانجليزية اللي ما قدمت مقابلتها اليوم تجي باجر مو مشكلة .
بنات اللي تخصصها لغة انجليزية باجر مالها امتحان بالتجاري.
اللغة الانجليزية يوم الاربعا فقط استلام الجداول.
أتمنى من كل قلبي جميع البنات مقبولين بإذن الله .

== == == == == == == == =
بنات اللغة الفرنسية كانوا حيل حبوبين معاي
فديتهم و الله :* :*
و اعتذر منكم بالنيابة عن جميع دكاترة القسم عن التأخير اللي صار
و الحمدلله خلصتو بسرعه و ماكان في اي صعوبة بالمقابلة.
القسم اول سنه له و يديد و ان شاء الله تكون من أوائل خريجاته :*

مستجدات اللغة الفرنسية اللي ما حضرو المقابلة جداً ضروري تحضرون باجر.
بنات اللغة الفرنسية لازم تشوفون متى اختبار القدرات للغة الانجليزية لانكم مطالبين فيه.
تدخلون على موقع الهيئة و استعلام عن اختبار اللغة الانجليزية و تتأكدون
أي استفسار باجر انا ان شاء الله موجودة.

لا تنسون اللي بيحضرون المقابلة , ضرورة احضار البطاقة المدنية او اي اثبات رسمي مع صورة شخصية و استمارة المقابلة الشخصية
كل الحب و التوفيق لكم يا زميلات المستقبل