مساعده لا تردوني- تسنين الاطفال

السلام عليكم
عندي طفله عمرها سنه وجاي اطلع اسنان والمسكينا صار عدها سماط وقوي مرات يكوم ينزف دم…..المسكينه ليلها ما اتنام لان يعورها وهي اتم اتحك فيه
عطوني كريم ما يفيد ياريت اتساعدوني بليز

حبيبتي عطيها مسكن للألم مثل تمبرا او ادول او تالينول

وفركي لثتها بالجل الخاص بالتسنين بالنعناع تلاقينه بأي صيدلية

ما تشوف شر الصغيرة

ماتشوف شر حبوبه

اعرف عندي هل سوالف بس مشكلتها الصماط غيرة الحفاض كمت البسها بامبرس وهم ما يفيد
ما اعرف اذا فهمتو علي شنو يعني صماط

ما فهمت قصدج ؟؟ شنو صماط؟؟

قصدج الأحمرار في منطقة الحفاظ

أخذي لها كريم من الصيدليه بس تأكدي مايحتوي على كرتزون

أو اذا قصدح الشقوق في منطقة الفرج أعزكم الله أخذي لها من الصيدليه الايدين الاحمر البارد وحطي لها مرتين باليوم

والله يشفيها ويعافيها

واذا تقصدين شي ثاني شرحيه لنا لوسمحتي

اي يسلمو قلب ما قصرتي
كتبلي الدكتور نوعين كريمات بس ما يفيدها

اختي ماتشوف شر بنوتج ان شاء الله ..
انا بسراحه دخلت الموضوع حابه افيدج وماابي منج الا دعوه صادقه بظهر الغيب..
انا بقولج على شغله انا مجربتها عن ثقه،مسويتلي ياها امي الله يبارك بعمرها، استخدمتها لولدي والحمدلله وماشاءالله عمره مااشتكى من اسنانه طلعت بدون مااحس فيها.
اخذي كمون مطحون بس لايكون بودره وايد عشان مايشرق فيه الطفل يعني يكون مجروش ناعم ،وخلطي معاه كميه اقل منه شويه (مره) وتكون ناعمه بعد،وحليهم بسكر نبات حسب رغبنج عسان مايكون مر ،وحطيهم بعلبه وكل يوم الصبح وبالليل اخذي بطرف اصابعج وفركي فيه لثتها من فوق ومن تحت ومن كل الاتجاهات اخذي باصابعج كذا مره وفركي لثتها وخلي تبلعه ترى مفيد للطفل ،تقدرين تستخدمينه ليما يطلعون كل اسنانها .
وماانصحج بالكريم لان موزين للاطفال ، انا ادرس بامريكا بالحضانات عندهم ممنوع استخدام الكريم المخدر.
وانا باجر بسال لج امي واذا في شي ناقص بالمقادير راح اقولج ان شاءالله .

اشتريلها جيل التسنين بس لا تستعملينه إلا للضروره القصوى و عطيها خياره بارده او جزره تعضضها

دهني لثتها بهرده بطرف صبعج كل شوي وااايد زين لان زيت السمسم يخلي اللثة تشق بسرعه وتطلع الاسنان اذا كانت قريبه

او زيت خروع بس بطرف صبعج فركيه حيل بس ديري بالج شويه مو ترسينه ترى بعدين يسوي سهال

وماتشوفون شر

حبيبتي الكريم فيه كحول وياثر على البلاعيم

دكتورة ولدي عطته تحاميل حق احتقان اللثه تريح اسمها عفاف الرومي

مشكلتي في الاحمرارالحاد في مئخرتها مو في الاسنان موضوعي انقل خلط