مساعده الله يجازيكم الجنه

السلام عليكم خواتي والامهات الغاليات

انا ولدي ان شاء الله بيروح سادس يعني المتوسط وانا صايره في حاله نفسيه موطبيعيه حيل احاتيه

وخايفه عليه من الصبيان اللي اكبر منه لان ولدي حيل مسالم ومايعرف الهواش مع الصبيان لانه حيل بيتوتي وماعنده ربع حتى تكرمون الكلام الوصخ اللي يقولونا الصبيان مايعرف شنو معناه اكيد كل ام مرت عليها هذي التجربه وابي استفيد من خبرتكم مع عيالكم

انا ودي برمضان اوديه المعاهد الدينيه علشان يكون عنده ربع ودخله تقويه للمرحله اليديد علشان يتعلم اذا تعرفون فيدوني

مشكلتي الكبيره انه ماعنده ربع بس ربعه وصديقه ابوه يعني لازم احد بعمره يستانس معاه
الحين حياته البلستيشن ولا يطلع الا معانا

الله يخليكم ساعدوني ادري اذيتكم بس مالي الا انتو

بعدين اذا تقدرين شوفي له مدرسه فيها قرايب او معارف و الانسان بطبيعته يتكيف و بيلقى له ربع بس انتي لا توترينه قبل ما يدخل المدرسه

بالتوفيق