مرهم ميبو

بنات كلكم تعرفون مرهم ميبو للحروق والجروح بس حبيت انبه على شغله انا استخدمته على جرح كان بيدي ومخيط والجرح كان يحكني واستخدمت المرهم عليه الين فك الدكتور الغرزه المشكله ان المرهم ترك لي اثر لونه بني صح المرهم يلئم الجرح لكن يترك لون باالجرح بني ﻷن المرهم في نسبة من زيت السمسم علشان كذا حبيت انبهكم مدري انا الحاله الوحيده خخخخ واﻻ في احد منكم استخدمته وصارلها كذا مقهوره وربي احس اني جيت بكحلها عميتها

لا
ماله علاقة
الجروح تترك اثرها

بس انا عندي جروح مااتركت اثر مثل كذا صار شكله مره واضح بني صح واضح الفرق بين الجلد وبين اﻷثر
ابي اللون يرجع طبيعي انا سبق كان عندي جرح بغرزه بس ماترك لون

انا عطاني الدكتور عشان عمليت الانف لانها كانت مفتوحه استخدمته فتره ووقفته والحين رجعت الستخدمه

رونق ترى
مرات
حسب عمق الجرح وحجمه
يكون الاثر

وماتشوفين شر يارب

في مرهم اسمه
كورانتوبوكس
شغلة جذي
حق اثار الجروح
اسالي الطبيب اذا يناسبج

صح الجرح كان عميق
الشر مايجيك تسلمين فديتك على ردودك
ماعاد بسأله هاالغبي لما كان الجرح يألمني وسألته المرهم
اوكي يناسب استخدمه هز براسه ايه يناسب ياجعل راسه الكسر
ولما رجعت يقول انت حكيتي الجرح وصار كذا وانا حتى مالمسته بروح الصيدليه وبسأل عنه

الحمدالله على سلاامتج ما اتشوفيين شر.. الي اعرفه ميبو بعد الليزر ينحط بس اعتقد كلام رونق صح لان نفس الدهن والدهن يخلي الجرح يبقع بالجلد مشكوره رونق على المعلوومه

الله يسلمك ياقلبي جد بنات ابتعدوا عنه يسوي الجلد خرايط الوان
عاد حنا مايحتاج الجلد خلقه مايتحمل شي عفيه على هااﻻجانب ليت الله يعطينا مثل ماعطاهم اهب ياوجهه ههههههههه :d

بالعكس ترا اهو يستخدم حق اثار الجروح انا كان فيني حساسيه ريلي مشمخه من الحكه الدكتور عطاني ميبو صج راحت

هو كويس انا مااقولك ماينفع لكن انا اقصد الجروح المفتوحه مو الاشياء السطحيه والله يعافيك

أنا فيني جروح من عملية وقاعده استخدمه لكن جربي الكريم حق الاثار اللي قالت عنه
الأخت ناتشوو
واسم المرهم contractubex
شوفي تجارب البنات بالنت يشيل الأثر او أخذي كريم من الصيدلية فيه ماده السيلكون يخفي الأثر بعد
بس دورت هني بكذا صيدليه بالكويت ما حصلت اما بالسعوديه فيه حتى اللصقات حق الأثر
والله يشفيني ويشفيج
بتوفيق أختي ….

طيب انا مابقى كريم ماشريته خساير على الفاضي ابي شي مجرب وربي صار الجرح شكله يجيب المرض
والله يشفيك يارب ويعافيك

الله يسلمج
امين يارب
شوفي أنا المكان اللي حطيت عليه ميبو نفسج يجيب المرض وعندي موعد يوم الأحد ان شاء الله مع الطبيب
علشان يصلح لي الأثر والله يستر ،
اما ماشاء الله الجرح اللي بطني والله تغير حيل وفتح لون الاثر وانا مالي الا شهر واسبوع من عمليتي من الكريم اللي
كتب لج اسمه فوق وترا موغالي بدينار وشيء وحطيه اكثر من مره باليوم أنا احطه ٣ مرات وبالليل لما تحطين من الكريم
حطي ضمادة على الجرح وأي سؤال أنا حاضرة يا قلبي ….

تسلمين ياعسل وربي يعافيك ماقصرتي يافديتك المشكله مو باالسعر
المشكله ﻻخسرتي ومااستفدتي هنا حتى النفسيه تتعب انا غلطت استخدمته
بشتري الكريم اللي قلتي عنه وان شاء الله امورك طيبه يارب بنات ارفعوا
الموضوع علشان البنات الثانيه تنتبه وماتستخدمه يغير لون الجرح دمار وربي

يعني لو كان فيني اثر حرقة ولا شي ماينفع لها ميبو ؟؟ يزيد الاثر ؟؟
ولا قصدكم الجروح بس