مدرسة المعالي بتنتقل الى الفروانيه

السلام عليكم يا امهات المعالي

دريتوا ان المدرسة سنه الجاية بتنتقل الى الفروانية؟

يا امهات شراح اتسووون؟

بتخلون عيالكم فيها؟
والا بتنقلونهم مدارس ثانية؟

ارجوا منكم التفاعل لاني موعارفة شسوي

واللي بتنقل عيالها وين بتوديهم

ناطره ردكم جزاكم الله خير

اي هذا اللي عرفته اليوم

وان شاء الله بتم وياهم

لان شفت ولية امر تقول ماكو مدارس ثانيه تستقبل تقول كلهم سكروا التسجيل

وانا دوامي بجنوب السره

الباص الصبح يوديهم وانا اخذهم عقب ان شاء الله

ربي يسهل علينا

وعليكم السلام

انا سجلت عيالي اليوم

المدرسه ممتازة وحرام نغيرها

الفروانية الله يهداهم زحمة وبعيد ليش ماخلوها بجنوب السرة مثل ما قالوا

اي صوب بالفروانيه

السلام عليكم

مشكورين خواتي على ردكم لي

انا كنت مثلكم ماكنت ناويه اغير المدرسه لكن اليوم رحت المدرسه اللي بالفروانيه هو المبنى كبير لكن بعيد وايد وتعالي حق زحمة الصبح واهم شي موقعها انا ما ارتحت بصراحه يم المدرسعه جبرلت حدادين وبنجرجيه وعزابيه

لما شفت هالمنظر قلت والله لو يدخلون بناتي ببلاش ما راح احطهم فيها مادري ليش قلبي انقمت بس شفتها

روحو وشوفوها احسن قبل لا تسجلون ويمكن تعجبكم ويعجبكم موقعها الناس اذواق والله يوفق الجميع ويكون اختيارنا كلنا صح

ومكانها مو الفروانيه اللي فيها الاسوقه والعربيد لا الفروانيه السكنيه ويكون يمها صالون رجالي اسمه نص القمر واللي تروحين لها منشارع الغزالي دخلت الفروانية الاولى عند الاشارة الاولى تسوين ريتيرن جنج راجعه الغزالي مره ثانيه اول دخلة يمين وبعدين يمين وعلى ايدج اليمين يكون الصالون تكملين سيده وبتشوفينها هناك

انا من اول ما قالولي راح ننتقل على طول رحت احوس على المدارس اشوف في تسجيل ولا لأ واغلبهم مسكرين ولا ويتنج رحت قدمت اوراق ولدي قبل شهر حق مدرسه الخليج وراح اخذ موعد حق المقابله والله يسهل انشالله وعلى فكره مدرسه الخليج روعه وممتازه روحو شوفوها بس غاليه بالنسبه حق المعالي وصارله اكثر من 27سنه يعني دراستها قويه وانشالله الله يسهل على عيالكم واهي ترا تبع نفس المؤسسه الاهليه الي تابعتلها المعالي***

ريلي رفض سالفة الفروانيه من اساسها

قلت له نمرها ونشوف طريجها زحمه ولا لآ

دقدقت على المدارس مسكرين مو مدرسه ولا ثنتين ولا ثلاث

المهم اخر شي شكلي روضة الحكومه

الابو رافض الفروانيه وبباص بعد

شوفي حبيبتي وايد في مدارس حلوه وقريبه اذا تبين تسالين او تشوفينهم لا تستعيلين وتودينا حكومه خاصة الروضه الحكومه ماتفيد عيالنا بشي انا اقولج في1 – بسلوى مدرسه الغانم ثنائيه اللغه
2-مدرسه play groupفي بسلوى ويديده برميثيه
3-في مدرسه الحياه العالميه ثنائيه اللغه بالسالميه ورا جامعه الامريكيه
4-في مدرسه دسمان بشرق يمكن بدسمان نفسه مو متاكده رفيجتي مدخله ولدها فيها تقول زينه
5_الباكستانيه الي بحولي سمعت انا في اللحين تسجيل روضه روحي تاكدي
والله يسهل انشالله واشوف مدارس اكثر انشالله عزيزه وغاليه

المدرسة تروحين لها من جسر الغزالي اول اشاره اللي ادخلج على الفروانية تلفينها واول دخلة عاليمين دخليها بتشوفين صالون رجالي اسمه نص القمر تكملين سيده بتشوفينها مدرسة كبيره اسمها المنصور

بغيت أسأل ….شنو هذي المدرسه ثنائيه ولا شنو ,,,؟؟؟ …وشنو مستواها؟؟؟؟؟؟؟؟
أنا محتاجه لمدرسه أقريبه من الفروانيه…جزاكم الله خير

حبيتي ام عبود هاذي المدرسه ثنائيه اللغه نظام امريكي روعه انا ولدي فيها بس الله يسامحهم وهقونه بالمنطقه

جم رسومها ….؟؟؟.ومدرساتها أجانب ولا عرب .؟؟؟؟…
يهتمون بالدين ؟؟؟؟؟؟؟؟؟
مشكوره ..تعبتج معاي

انا ولدي اولى روضه 870 تقريبا والمدرسات عرب ويهتمون بالدين مدرسه اصراحه وايد زينه واي اسئله ثانيه انا موجوده حبيبتي