مدرسة التوحيد

السلام عليكم عفية بنات الكويت انقذووني في وحده تعرف عن مدرسة التوحيد بحولي؟ أنا سجلت بنتي بالقطوف حق أولى ابتدائي وللأسف الشديد رفضوا مبدئيا بس ناويه أروح أكلم الناظرة لعل وعسى توافق وأبي أشوف التوحيد عشان ما أفلس من الأثنين رجاااااااااء حااااااااااااار تردون علي بأسرع وقت

عفيه بنات اشدعوه ولا وحدة تعرف عن المدرسة ولا حتى سمعت عنها؟ بلحق أسجل بنتي قبل لا يسكرووون ما في وقت

والله ماعندي فكره وانا نفسج احاول اسجل عيالي بالقطوف بس قالولي مافي تسجيل سكر
والتوحيد هذي شنو نظامها نفس القطوف
بس ليش ارفضوا بنت شنو السبب؟؟

التوحيد نفس منهج الحكومة بس مافي موسيقى ومادري عن مستواها إذا نفس قوة القطوف ورفضوا بنتي لأن على كلامها ما قبلوا ولا وحدة من الويتينج فقلت بسجل بنتي بثانية روضة عندهم الوكيلة قالتلي مع بداية السنه اليديدة وإنشالله تكون وحدة انسحبت ولا يرأفون بحال بنتي ويسجلونها مع أختها باولى ابتدائي والله كريم

بالتوفيق ان شاء الله
مع انا طريقه زحمه بس ماشاء الله واجد بنات امدحوها

القطوف قالو اصلا هالسنه شبه ماقبلنا يديد
اهم وفجر الصباح
اكتفو باللي انتفلو عندهم من المراحل السابقه

للاسف ماقدر افيدج ماعرف المدرسه
بس ترا المدارس العربيه تسجيلهم مبجر من شهر 12

والله ما عندي فكره بس ما حبيت اني ادش وما اعلق