مدرساااااااات ساااااااااعدوني حيل محتاجتكم

بنات انا عندي مشكله حييييييييييييييييييل متعبتني
انا وحده مااااااااااااا احب الروضه نهائيا لا تقولون كلنا مانحب الروضه لا انا ما احبها لدرجة ابجي كل يوم منها والله انا كل شهر ينزل معاشي مخصوم اقل خصم 100 دينار تعبت والله احس حيل تعبت انا ما اقصد اني ما احب اداوم او اكره الاطفال انا اكره طريقة التدريس والاسلوب واسلوب المشرفه والناظره والحنه الزايده والطلبات اللي مالها اخر وكل هذا ومايبين بختصار انا ما انفع للروضه نهائيا حاولت التزم بالدوام ما قدرت انا فمكان غلط نهائيا مايناسبني ومقرره انقل او احول اداريه بقلب الدنيا بجيب اكبر واسطه وبنقل والميتين دينار اشتري فيهم راحتي
لاتظنون ان انا ما عرف اشرح لا بالعكس انا شرحي حيل يعجب الناظره والمشرفه ويقولولي اسلوبي حلو بس لو الله يفكج من الغياب مع بعض النقد اللي لازم ينقال كل مره
انا كرهت نفسي بهالوظيفه وكرهت كل شي فيها والله حتى المدرسات ما اتكلم معاهم الا للضروره
بنات انا بسالكم كثرة الغياب ممكن انهم يفصلوني انا بصراحه ما قالي احد هالكلام الا وحده ومو مقتنعه بكلامها بعرف شنو عقاب الغياب بكثره غير الخصم والتقدير
وهل ممكن انهم يعطوني اداء متدني مع ان شرحي حلو بس بسبب الغياب
بليييييييييييز بنات جاوبوني

شسالفه بنات ليه مافيه ردود معقوله كلكم مدرسات وماتعرفون عن الغياب شي

اذا شرحج حلو والاداره تمدحج طيب ليش الغياب

واذا مو حابه الروضه نفسها انتقلى روضه ثانيه وجربى

بس قبل صلى صلاة استخاره وربى ان شاء الله بيسرها لج

اما الغياب والفصل والله ما عندى فكره

الله يوفقج يارب وشفى وليدج ويعافيه ويخليه لج

مشكووره حبيبتي على ردج وعلى الدعوه الحلوه
حبيبتي المشكله مو في الروضه المشكله فيني انا ما احب وظيفتي واحسها صج مو مكاني كل واحد وميوله وانا الروضه ما احس باي ميول لها قرده يوم دخلتها كنت صغيره ومادري شسالفه

اذا انتي كارهه الوظيفه لي هالدرجه ماراح تقدرين تكملين صدقيني

وانا اهم شي عندي ارتاح بالمكان اللي اشتغل فيه اشتري راحتج

ودوري لج واسطه وحولي اداريه بس اللي اعرفه مايصير تحولين الا

بعد خدمة 10 سنوات او اداء متدني او مجلس طبي الله لايقول

هذا اللي اعرفه .. والله يريح بالج وقلبج يارب

اليماني اذا انتي تسألين عن الغياب كوسيله عشان يفصلونج من الروضه

فهالشي مو بصالحج لانه بينحط في ملفج وبيكون معاج وين مارحتي حتى لو في وزارة ثانيه

واعتقد الغياب له شغل بالاداء المتدني ,, والاداء المتدني ما يخص بس الشرح ,, يخص كل شي تتعلق فيه الوظيفه

اذا انتي مو حابه المكان تلاحقي عمرج وكافي شقا وروحي دوريلج على مكان ثاني والله يعينج

حبيبتي قصب السكر انا ما اسال عشان ابيهم يفصلوني انا خايفه انهم يفصلوني
ومشكوره حبيبتي فوفووا على ردج وانا ناويه احول للسراج المنير او اداريه وحده من الثنتين

يا اختي اهم شئ بالحياة القناعة واذا انت مومقتنعه بهذه الوظيفة ليش اصلا فكرتي فيها وكلفت على نفسج ودرستيها انصحج الناس مو لاقيه وظايف اقعدي بروضتج واجتهدي وقللي من الغياب لان الاطفال اماااااانه وانت مسئولة والراتب ما يهم او الفصل اللي يهم ضمير الانسان مرتاح والا لا وارجوا تقبل نصيحتي لاني احبك بالله .

مشكوره حبيبتي روضتي حلوه عالمرور والرد انتي قلتي شغله مهمه ان اهم شي القناعه وانا وحده وحده ماني قادره اتقبل دوامي وعارفه عدل ان الفلوس مو اهم شي والدليل اني قاعده افكر انقل اداريه مو هامتني الميتين اهم شي عندي اني اكون مقتنعه بدوامي ومتقبلته عشان اقدر اخلص واعطي اكثر
وبالنسبه لاختيار التخصص كنت حزتها صغيره ومو فاهمه معنى الوظيفه عدل
وعارفه ان الاطفال امانه وعشان جذيه ابي انقل لاني صج مو قادره اعطيهم والسبب الرئيسي مثل ما قلتي اني مو مقتنعه ولا متقبله دوامي
ومشكوووووووره ياقلبي على مرورج

الدوام مو عشان نحب ومانحب
المحبة تجي مع الوقت
اهم شي نحلل فلوسنا الي ناخذها من الدوام
وليدج مريض عسى ربي يشافيه
ولازم تفكرين انه ماتدخلين على عيالج مال حرام
لازم تداومين حتى لو كارهه
منو فينا مو كاره ؟
لايكون عبالج حياتنا جنة
والله انا اليوم داومت وانا شوي وابجي
وكل يوم على هالمنوال
مشاكل الحياة ماتنتهي
والصحة ماش
بس صابرين كود نحلل فلوسنا
ونحلل انفسنا جدام ربنا
لا الناظرة ولا المشرفة محاسبين معاي بقبري
ترى الله يحاسبج بعدين
الاطفال مالهم ذنب
لاتزعلين مني بس ترى الغياب كاارثة ويدل على ضعف الشخصية والتهاون والتخاذل
الغياب هروب وللأسف الكل عباله بيحل المشكلة بمشكلة

[size="6"]

والله مادري ماعرف بس متعاطفه معاج حيل انا بعد كارهه الروضة بس اداوم غصبن علي ماكو بديل

الله يعينج ويعين كل مدرسة روضة

يا حبيبتي انتي انا ما اتفلسف ولا افتي
انا انصحج ولا اكثر
والدين النصيحة
نعم متعاطفة معاج مثل الكل
بس اانا صريحة واحب اقول الي عندي بدون مجاملة
يمكن عشان انتي كارهته ماراح تعطين ولا راح ترتاحين
خلاص بدون تردد انقلي
وريحي باالج
او استقيلي
الله يعين والله كلنا تعبانين
بس مصدر رزق لنا
وهذي دراستنا جذي درسنا وجذي بنظل مدرسات روضة
شنو الحل
الحل عند الي رافع السما بلا عمدان
مايندرى يمكن يجي يوم تصير الروضة مكان عمل جاذب مو منفر
ونرتاح
ماعلى ربي عسير
بس انتي اخلصي بدعائج ورب الكون يحلها

الله يعينج ياحياتي والله معاج
نفس شعوري كاارهه الروضه وكارهه الادارة والمشرفات والتوجيهات اللي مالها داعي
انا احب الاطفال وشحلاتي معاهم لكن الاداره و نظام التوجيه الفااااااااااشل منغص علي حياتي
احس توجيهات سخيفه وطرق معقده فارضينها علينا
الله يعيني ويصبرني انا نفسج غيابي واااجد لكن الحمد الله مااوصلت الى مرحله الخصم الى اللحين