محتارة!! اسوي عمليه ثانيه لانفي او انتظر ساعدوني بليييزززز :(

هلا بنات!! انا كان حلمي من انا وصغيرة اسوي عمليه تجميل لانفي لانه واااايد عريض تقولي خشم فلبينيه ومفلطح ومن خواتي كلهم انا الوحيده اللي خشمي كذه سبحان الله المهم قبل ثلاث اشهر تقريبا قررت اعمل عميله تجميل لانفي و انا من عمان و عندنا في عمان ما في دكاتره شطار و انا كنت ابا اسويها في مكان قريب فدخلت ادور في المنتدى عن دكاتره في دبي و شفت واايدين كاتبين عن دكتور غابرييل اليي في دبي في كوزموسيرج سويت عندهم موعد ورحت وقلت له ما حابه انفي عريض و اباه اصغر بس اباه يبين طبيعي وسالني تبيني اصغره او اصغره واعدلج العظمه لان العظمه عندي شوي رايحه اكثر على جهه اليسار و انا خفت لما سمعت عظمه قلتله لا ابا شي بسيط بس صغرلي اياه ورحت تاريخ 216 اسوي العمليه و الحمدلله كل شي كان اوكي و ماحسيت بشي و الكوزمسيرج تقريبا يوميا يتصلون فيني يتطمنو علي و بعد اسبوع يوم رحت اشيل الجبس خفت من شكلي خشمي كان ورام و اعرض من اول بثلاث مرات بس الحمدلله يوم بعد يوم بدا يخف الورم بس ما عجبني خشمي يعني ابدا ابدااااا ما متغير فيه شي اللهم شويه يمكن بنسبه 10% بس خف العرض و الارنبه صارت مفلطحه و منتفخه واايد يعني كنها بالونه او كنه خشم مهرج

و ما حابتنه ابدا ابدا ابدااااااا وبعد عندي فتحات الانف مو نفس الشي وسالت الدكتور قالي طبيعي يعني هو اهون من اول لانه خف العرض شويه بس انا كنت متوقعه انه يصغر اكثر انا حلم حياتي في خشم صغير مب واايد بس احب انف الهام الفضاله كان خاطري في خشم مثلها يعني مب وايد صغير لاني لو وايد صغرته بيبين انه عمليه بس انا ماحاابه الارنبه ابدا

بنااااات ابا اعرف بعد شهرين الارنبه بعدها تكون منتفخه؟؟؟؟ و تتوقعون بعد 6اشهر لسنه بيصغر انفي زياااده؟؟؟

ختيه لازم تتريين النتيجه هب على طول يعني من بعد ست شهور بتشوفين التغيير والنتيجه النهائيه بعد سنه ويختلف من بنيه لبنيه

لانه لو كان جلدج من النوع السميك تتاخر النتيجه والعكس صحيح

مشكوره ع الرد حبيبتي تسلمين…

بس انا خايفه شويه لان من شهر و هو نفس الشكل مل تغير يلا انتظر سته اشهر وعسى خير ان شاء الله و اصلا الشهر الجاي انا بسير اشوف الدكتور لان بيكون مر ثلاث اشهر و اشوفه شو يقول

ـانتي يوم تسيرينله ساليه ليش ماتغير خشمي وتخبريه شو نوعيه جلدج وهل النتيجه بتتاخر وتخبريه بعد عن النتيجه النهائيه هل بتكونين راضيه عنها ولا لا يعني بالعربي لاتستحين منه ساليه كل شي وخليه يجاوبج لاتطلعين من عنده الا ونتي مرتاحه نفسيا لانه الراحه النفسيه مطلوبه بعد اوكيك حبيبتي

الحمدلله على سلامتج

حبيبتي نطري شوي النتيجه ماتبين على طووول

يبي لها اقل شي 6 شهور وعادي كل يوم بتشوفين خشمج شكل خخخخخخخخخ

وعقب سنة النتيجه النهائيه واذا ماعجبج الوضع عقب سنه تعالي معانا انا واماراتيه دبي بنروح ايران لوووووووول

اي صج لاتقعدين تطالعين المنظره وايد ترى بتعقدين

واصبري ان شاء الله خير وماتحتاجين لا عمليه ثانيه ولاشي

يبيييييلة وقت من 6 شهوور الى سنه
وان شاء الله مااتحتااجين عملية ثانية

هيه ان شاء الله يا رب يتغير شكله ويصغر زياده تصدقين محد ابدا لاحظ ان خشمي متغير

هلا قلبو مشكوره ع الرد

هيه ترا من يوم شالو الجبس لين اليوم شكل وايد تغير بس بعده ما عاجبني واحسه منتفخ بس ان شاء الله خير انا كاان ودي اسويها بايران بس خفت اروح هناك بروحي يعني دبي قريبه اقدر اروحها اي وقت بس خلاص ولا يهمج لو ما تغير شكله نسير ايران خخخخخ انا عاد كان ودي بعد اسوي غمازات بس متخوفه بنتظر سنه واشوف خشمي بعدين يصير خير.. والله بعد هالردود حسيت بامان شوي تسلموووون بنات

الله يسمع منج فديتج
ان شاء الله

خبرينا شو يصير وياج والنتايج عقب بعد