|
|
بدش في الموضوع على طول
خواتي انا حمل في نهاية الشهر الرابع وامس كنت عند الدكتوره
وقالتلي ان جنيني عنده ماي براسه يعني استسقاء الدماغ
وشافتني خفت وقالت يمكن يخف الماي ويروح من نفسه
ويمكن يبقى جذيه ونسوي للجنين عمليه بعد الولاده
ويمكن يزيد الماي ويسبب ضمور للمخ واعاقه
.gif "Eh S(11)")
ياررررب رحمتك
والحين من منكم مر بهذي التجربه يقولي وش صار على جنينها او تعرف احد صارله جذيه تقولي
والي ماتعرف شي تدعيلي ان الله يشافي جنيني ويقر عيني بشوفته سليم متعافي
ياررررب
و لا يرد القضاء الا الدعاء و ماكو مثل دعوة الام
حبيبتي منؤ دكتورتج ..؟
معلومه رآس الجنين كله مآي ليما يجي الشهر السادس ..
انا وحده خوفوني دكاترة الحكومه الله يسامحهم قالولي فيه استسقاء دماغي حتى ماشرحت لي الحاله والله قعدت اسبوعين ابجي وحالتي حاله بعدين رحت لمعصومه جزاها الله خير قالت لي مافيه شيء الجنين سليم وراسه مافي شيء بس البيبي كبير حجمه
نصيحه مني استمري حبوب فوليك اسيد ونطري لـ الشهر السادس لانه يبين اكثر وكثر من الاستغفار بنية الشيء ..
وان شاء الله البيبي مافيه شيء ..
حتى لو بقلبها مو لازم ترد
مشكورات على الدعاء
شكلي انا وانتي حاملات بنفس اليوم
ان شا الله مافيه شي الجنين وانا مع خواتي ادعي الله يشافيه ويطلعه سالم معافى واكثري من الاستغفار والادعيه واقري سورة البقرة وتصدقي عنه
قلبي معاج حبيبتي
ااااامين يا رب
كثري من الاستغقار والصدقه بنية الشفاء ووووقراءة البقره بشكل يومي
واستشيري اكثر من دكتوره مو بس هذا محد معصوم من الغلط والنفسيه تلعب دور حبيبتي تفائلي بالخير واحسني الظن بربج
وباذن ربي تتطمنين علي الجنين ومافيه الا العافيه يارب
وتبشرينااااااا
حبيبتي روحي شوفي دكاترة ثانيين وخذي لج أكثر من رأي .. لا خاب من استشار .. والاهم من كل هذا الدعاء الدعاء
والله يسمعج الاخبار الزينة بس ياررررب