مارايكم بتشابك الايادي بين الزوج وزوجته في الاماكن العامه؟

مافيها شي بصراحه

حركه جدا عاديه ومافيها اي شي حتى لو في مكان عام

حركه عاديه وما فيها شي بس بعض الريايل ما يحبون ….
بس انا من وجهة نظري ان ما فيها شي اصلا شكل المره مع ريلها واهيا ماسكه ايد احلى بوااايد من لما تهد ايده … وهذا رايي وتقبلي مروري

اهي حلوه ومو حلوه لانه في بعض الازوااج تحسين مباالغين بالتحظن يستحسن تكون المسكه بريئه مايكون فيهاا مبالغه

ومااحب المرا الي تناام على كتف زوجهاا وتسولف معاه ومن هالحركات احس ماله دااعي <<لانه يزعج بعض الناس حتى لو كانوو متزوجين << ماله داعي امسكهاا عادي

لانه بالاخير احنا بمكان عااام

اتمنى تقبلين راي اختي

مشكوووره على طرحج للموضوووع

..في بعضها تصير عفويه..

نابعه من الحب والرومانسيه … وبعضها تصير مجرد حركه للفت انتباه الناس!!

انا احنا متزوجين..!!!!!!!!!!!!!!!!!!!!!!!!!

حلات كل حركه تصير بين متزوجين تكون عفويه..من غير تفكير

والمشاعره حلوه تطلع …ولما تصير مااحس احد موجود اتمنى الكل فهم وجهه نظري

ويسلمـــــــــــــو طرح رائع

رايي من اريج

والله انا اشوف انها عاديه بس ما ادري شفيه الرجال بالكويت ما يرضى
خلينا نطلع خارج الديره .. يمسك ايدي كلها مو بس كفي !!!
بس عقد او يخاف لا يشوفه احد من ربعه او اهله ؟ ما ادري شسالفتهم

طبعا احلى الشي اذا الزوج مسك ايد زوجته والحمدالله انا زوجي دايما يمسك ايدي وهالشي بالعكس يحسسني بشعوور حلو

ومثل ماقالوا بعض البنات مسكة ايد عن ايد تفرق ويبين اذا للحب ولا للشووو وفعلا الحركات لازم ماتزيد عن حدها بس المشكلة اللي اواجهها لم يمسك ايدي اهي التخزز وقطة العيون تحسين ماكو غيرج بالمجمع او المكان ويبين التعليقاات بس انا طاااف وابتسامتي شاقة حلجي

بالعكس شي حلو
ومافيها شي اذا الزوج مسك زوجته وهم يتمشون

على حسب المكان امسك ايده او لا مثلا رايحه جمعيه اعرد بيده او رايحه سوق شعبي اعرد بيده خو بروحهم الي هناك مشافيح مولايق كلش امسك ايده بالمجمعات والمطاعم يعني على حسب المكان لكن بلشه اذا معاي عيالي مانقدر نمسك ايد بعض ريلي يدز عربانه وانا عربانه

ماله داعي محد طاير عن الثاني غير العين يمكن اتطيركم عن بعض

تخيلي انتي بقمة سعادتج وريلج ماسكج ووحده مرت عليج متخانقه مع ريلها ماتفز نفسها عليكم؟

واي مسكوا بعض بس بالبيت او بالسياره مو جدام الناس

انا في حالة وحده ريلي ايودني فيها اذا زحمه وجتف بجتف بسسسسسسس

انا اقول يا ملقهم متقابلين بالبيت 24 ساعه امسكوا بعض ليمن تشبعون

ليش لما نروح السوق نلاقيهم شابكين الايادي جنها بتضيع

اشدعوه كديش اشكبرج منتي ضايعه

ياشينهم بصراحه يلوعون جبدي

على فكره انا زوجي درس بره 5 سنوات بامريكا ولكن

رايه نفس رايي

يقول المشاعر في دينا وعاداتنا وتقاليدنا مو ضروري نكشفها بالحركات جدام الغير

وسلامتكم

بالعكس وناسه لما يمسك ايدي

بس اللي طبعا تتسدح على جتفه لا هني تفرق

بس اذا كانت ماسكه ايده او كفه عاااادي مافيها اي شي