|
|
اغلب القصص اللي نسمعها ان الزوج لما يتزوج الثانيه يجد فرقا كبيرا
هل احسن بالجمال ؟؟؟ او بالعلاقه الخاصه ؟ او المعامله ؟
او كلهم ؟
نصحتني صديقه ( مشكورة ) ان اضع بخيالي ان زوجي لديه اخري
مو عشان انكد عليه لا وانما عشان انافسها بالمعامله والاسلوب
الله لايجيب هذاك اليو لي او لاي وحدة بس الفكرة غريبه وبنفس الوقت ليش لا 
شرايك ؟
واذا في زوجه ثانيه شنو الانتقاد اللي سمعتيه من زوجك علي الاولي ؟
الله لايجيب ذاك اليوم
جزاج الله خير
إشكثر أحن ههههه
دفاشة ماكو نعومه ولا أتعامل بشى إسمه أنوثة
صراحة عنيدة موأى شى يسكتنى أو يقنعنى
ومستعجلة لابغيت شى لازم يخلص ويسويه بسرعه
بس مومنى من جبل الثلج اللى عندى
وووااايد شغلات بس خليها مستورة 
قصورى وايد بس أهو بعد قلبى يبلع ويطوف ويسكت
ممكن يعرف قيمه الاولى اكثر عقب تجربة الثانية
او تشتغل المقارنه في الاسلوب والشخصية والتربية
وتعالي عاد رقعي لعمرج
بالنهاية يكون لصالح الجميع
هو يتافسون عليه لارضاءه
والاولى تتحدى الثانية بكل شي
والثانية بتثبت قوتها وشطارتها وتدخل منافسة بقوه
فوفو
كل الانتقاد اللي اسمعه انها كانت مشغوووله عنه بالعيال ودراستهم <<مع اني احترم الانشغال فالبيت والعيال
حتى لما كان يدرس برا قالت بقعد بالكويت ما اقدر استغني عن بيتي واهلي بالكويت
اهم شي <<< الشي اللي سوا انفصال قبل الطلاق وزعلها عند اهلها اهو,,,
دش نادي زعلت عند اهلها
اشتغل بمنصب
هم ازعلت ماتبي يحتك بالحريم
تكره و تموت من شي اسمه خدم ولما ياب خدامة بيرتاح من تعبها ويريحها قالولها خواتها طرديها يمكن تسحرج
قالها لا تحطين مكياج نسسست ريحته << مع ان الافضل تتم عالمكياج الناااعم اللي جنج مو حاطة بس شكلج واااو
بنات انا ما انتقد طليقة زوجي بس هذا درس لي ولكم
وعشان اللي مومنتبهه تتنبه
بس اللي ابي توصلون له ان لازم انتي تنافسين نفسك معاه
|
المشاركة الأصلية كتبت بواسطة ##سبحان الله##
 بسم الله الرحمن الرحيم
كل الانتقاد اللي اسمعه انها كانت مشغوووله عنه بالعيال ودراستهم <<مع اني احترم الانشغال فالبيت والعيال حتى لما كان يدرس برا قالت بقعد بالكويت ما اقدر استغني عن بيتي واهلي بالكويت اهم شي <<< الشي اللي سوا انفصال قبل الطلاق وزعلها عند اهلها اهو,,, دش نادي زعلت عند اهلها اشتغل بمنصب هم ازعلت ماتبي يحتك بالحريم تكره و تموت من شي اسمه خدم ولما ياب خدامة بيرتاح من تعبها ويريحها قالولها خواتها طرديها يمكن تسحرج
قالها لا تحطين مكياج نسسست ريحته << مع ان الافضل تتم عالمكياج الناااعم اللي جنج مو حاطة بس شكلج واااو بنات انا ما انتقد طليقة زوجي بس هذا درس لي ولكم وعشان اللي مومنتبهه تتنبه |
شكرا علي الافادة سالفه النادي انا اشوف المفروض تستانس انه مهتم بصحته
وسالفه المنصب شكلها تغار عليه
بس الخادمة والمكياج شكلها بسرعه تتاثر بكلام اللي حولها
ارضاؤهم صعب والاهم ندور رضا الله 
بس عن نفسسي احاول ارضييه واغير كل شي احسه مو عاجبه واسوي شي جديد
لان زوجي نسونجي ومابي يلقى شي مع بنات بليس ينقصه وياي
يعني انا بصصراحه احاول اكون له
الام الحنونه الي تهتم فيه وتدلعه وتراعيه
والاخت القرريبه اذا احتاج شي
والرفيجه بسوالفها وحركاتها
والزوجه الي تحاول ترضيه بكل النواحي
الله يهديييه لي ويسسخره يارب
والريال نساي وناكر للجميل 
<< حاقدة تخيلته متزوج خخخخخخخخخخخخ
واحد مو لاقي راحة من بداية زواجه مع زوجته
وواحد زهق من روتين حياته ومرته دايما مع العيال مشغولة
وواحد لي حس انه بيشيب يجدد شبابه ويشبع شهواته
يقوم يدور له وحدة فرفورة صغيرة مو ماشية بالدراسة ولا اهلها على قد حالهم مو قادرين يصرفون عليها
وياخذها يستانس فيها جم سنة وبعدين تعالجه من امراضه اخر سنين عمره
واعرف واحد ماخذ2 وتزوج الثالثة لانهم انشغلو بالمنافسة بينهم على حساب راحته
كل وحدة تقط واجباته ومسؤولياته ع الثانية علشان يحرون بعض
بس بنات ليش ننطر ياخذ الثانية ونتغير
ليش مانصحصح ونعالج عيوبنا قبل لا يطير يدور ثانية تشبع نواقصه؟