|
|
السلام عليكم
بنتي صار عمرها الحين بتدش بالخمس سنوات ولله الحمد والشكر .. المشكلة يا بنات التبول بالليل مرات اقعدها بالليل عالساعة 3 اوديها الحمام ونقعد الصبح للمدرسة تكون ناشفة وماكو شي الحمدلله وبعض الاحيان اكون تعبانة وما اقعد بالوقت المحدد والبنت تكون مترسة الفراش حاولت معاها بكل الطرق اول كانت لما تلعب تبول على نفسها عشان لا يروح عليها شي حليت المشكلة .. الحين من الصبح طول النهار وحتى بالمدرسة تروح الحمام وتقول حق المدرسة بتروح ترجع البيت ناشفة وماكو شي بس المشكلة اذا غفت العصر حتى لو نص ساعة تقوم وتارسة الدنيا وبالليل نفس الطريقة .. قررت افحصها عند طبيب يمكن عندها مشكلة بالمثانة وبعدين غيرت رايي لان مرات نكون بالسوق او السيارة تقول ابي الحمام بالسيارة اقولها مسكي نفسج قربنا نوصل عند البيت وماشاء الله تقدر تتحكم بنفسها لين نوصل البيت تكون ناشفة وسيدا عالحمام عزكم الله ..يا بنات والله العظيم تعبت معاها حاربتها وطقيتها وبعدين كسرت خاطري قمت اكلمها باسلوب وايبلها هدايا وكل ما ادش البيت حلاو ككاو الخ .. واقولها الناس تعيب علي تقول شوفو بنتها ريحتها بول وانا ابيج احسن وحدة وقارنتها مع عيال عماتها تصير زينة يومين بالظبط وتقعد ناشفة الصبح حتى لو مادشت الساعة 3 الفجر الحمام واستانس يومين وعقبها ردت ديما حق عادتها القديمة أرجوكم بنات جربت كل الطرق معاها وماكو نتيجة وما اضمن كل يوم الفجر اقعد والله انه حيلي مهدود من الشغل أرجوكم ساعدوني وجزاكم الله ألف خير اذا نصحتوني وعلمتوني طريقة أخلي هالبنت تصير زينة
عندي ولدي ما بقى له شي يكمل الخمس مع ويهه يبول بالليل وطبعا صرت ألبسه بامبرز بالليل لا وحضرته بعد ما يرضى يلبس فوق شينه قوات عينه لوووووووووووول
ألبسه لما ينام وأوديه الحمام بعد ما ينام بساعتين أو ثلاث ساعات و أرجع أوديه الحمام مع صلاة الفير ويا الله
وذاااااااااااابحنيييييييييييي هالأيام هاب يسويها على روحه لما يكون مندمج باللعبة أو ماله خلق يروح الحمام!!!!!
ما أدري شسوي فيه يمكن أوديه الطبيب ما أدري شيسوون حق اللي عنده تبول غير إرادي !! ولا واحد من عيالي جذيه
الله يهديهم ويصلحهم
بتابع الردود معاج عسانا نلقى حل للمشكلة
انا انصح انه ما تعطينه سوائل قبل لاينام بفتره
وحاولي تكلمينه علشان يتعلم مافي ياهل يبول علي عمره واهو مايدري او يحس بنفسه
وما انصح بعياداة التبول الاارادي لانهم يعطون حبوب او دوا والدوا مضار اكثر من منفعته
هذا كلام دكتوره بمستشفى مبارك تقول الدوا موزين للاطفال مايخليهم يبولون بليل اوكي
بس يخربط لج اشياء ثانيه
لا يشرب سوائل قبل النوم بفتره … يعني من المغرب
كل ساعتين او 3 يدخل الحمام حتى و هو نايم قعديه و وديه
شوفي نفسيته … كلميه و اعرفي متضايق من شنو
اذا ما فادت هالطرق … روحي المستشفى أسألي عن عيادة التبول اللا ارادي
انا اخوي كان كذا قبل وديناه المستشفى سوا له فحصات قالوا كلها سليمه
قال الدكتور يمكن يكون بردانه من كذا يبول باليل
سمعت بعد انه تعطين الطفل ملعقة عسل قبل النوم يخليه مايبول
الله يعينا عليهم
|
المشاركة الأصلية كتبت بواسطة زينة الزين
 نفس حالتج بالضبط
عندي ولدي ما بقى له شي يكمل الخمس مع ويهه يبول بالليل وطبعا صرت ألبسه بامبرز بالليل لا وحضرته بعد ما يرضى يلبس فوق شينه قوات عينه لوووووووووووول وذاااااااااااابحنيييييييييييي هالأيام هاب يسويها على روحه لما يكون مندمج باللعبة أو ماله خلق يروح الحمام!!!!! ما أدري شسوي فيه يمكن أوديه الطبيب ما أدري شيسوون حق اللي عنده تبول غير إرادي !! ولا واحد من عيالي جذيه الله يهديهم ويصلحهم بتابع الردود معاج عسانا نلقى حل للمشكلة |
بعد عمري مشكورة عالرد انا نفسج بعد هم تكون مندمجة باللعب تخاف يطوفها شي والله تعبت الله المستعان