|
|
السلام عليكم…
بنات انا معلمة روضه ومحد راح يحس بتعب شغل معلمة رياض الاطفال غير اللي جربت
والله اكلمكم وانا اعصابي تلفت ومن اليوم اتحسب عالدكتور اللي ظلمني
انا حملت بعد علاج ولله الحمد ومعاي تقارير اني سويت تلقيح صناعي وفشل بعد كورسات ابر تنشيط ماجابت نتيجه
و دوامي بالروضه جدا متعب كفايه ان معلمة الروضه مالها حتى كرسي ومكتب تقعد عليه حالها
حال باقي المعلمات التخصصات الاخرى
واتعامل مع اطفال صغار اللي يبجي اضطر اشيله وغير الاطفال المشاغبين وغير اني مكلفه اقدم نشاط الرياضه وطول اليوم واقفه على حيلي حتى ريوق بالحسره اذا لقيت وقت
المهم انا داومت اول ثلاث شهور مع الوحم والتعب تحملت الله ياجرني بعدها صادف عطلة الصيف ومع بداية شهر تسعه بدا الثقل وقدمت مجلس طبي عطوني اسبوعين قلت خير ونعمه وداومت عقب هالاسبوعين وبمراجعتي قالت لي الدكتوره المشيمه نازله واتخرعت وغبت طبيات وخصم وقلت طقاق اهم شي سلامتي
وقدمت مجلس عطوني راحه اسبوعين وسووا لي بمستشفى الجهرا سونار عساس يتاكدون والحمدلله المشيمه ارتفعت
ويعدها داومت وضغطت على نفسي لين الثامن وطلع معاي سكر واشوف اللي معاي بالدواك ثالث ولا رابع بيبي وتاخذ مجلس مانشوفها كلش
قلت حرام انا سكر وتعبت بالثامن ومع الحركه والشغل والله ارد البيت مااشوف جدامي حتى غدا ما اتغدى
اطيح بفراشي مثل الميته وعظامي كلها تشب علي خصوصا الفخذ
ورحت قدمت موعد طلب مقابله للمجلس الطبي تخيلوا متى عطوني!!
عطوني ب تاريخ 12/9 اكون ب نص التاسع واحتمال اكون والده وخالصه يعني مو مستفيده شي
و رااح زوجي كلم مدير المستشفى ونائب المدير كلهم قالو مشكلة دكاترة النساء و الولاده ان بعضهم مافيه حتى انسانيه والمواعي عندهم روح كلمهم
راح كلمهم ماكو فايده كله يماطلون تعال باحر ويصير خير و خرطي يروح وما يحصل احد يا اجتماع يا مسافر وخليناها على الله وسحبتها طبيات شهر كامل وانا انطر الموعد
وطبعا خصم و زوجي تعسرت اموره بالدوام وانا على وجه ولاده ومحتاجه الراتب واالكل طمني جام انج بالتاسع لا تحاتين
راح يعطونج مجلس طبي حتى دكتورتي اللي اراجع عندها بالخاص قالت بالتاسع شي طبيعي بوافقون على المجلس لان مابقى شي عالولاده
وجا اليوم الموعود و رحت يوم الاثنين للمقابله وكان الدكتور اللي باللجنه محمد زكي مصري
ومعصب ونفسيه وشرحت له ومعاه ملفي ومبين عنده اني اساسا بنص التاسع يعني مو فارقه معاي
وماسويت طبيات حق هالاسبوع على اساس اني ضامنه بوافق اكيد خلاص معاي طلوق خفيفه و سكر ورجولي وارمه حتى وحهي محتقن خلاص واصله حدي
وانطر لين اليوم االنتيجه الصددددددددمه رفضني الدكتور
مت انقهرت من اليوم ابجي واتحسب لو ان دوامي مريح والله اداوم بس تعب تعب وانا موصله ما رأف بحالتي وبنفس الوقت بولد بخاص مصاريف
يعني هم خصم ليش جذي صاروا الوافدين يتحكمون فينا رحت للمدير قال قدمو تظلم وقال سالفة التظلم مطوله
والاغلب محد يستفيد منها يعني خلاص الشهر التاسع كله بدون راتب مع اني استحق المجلس الطبي حتى اللي مافيها شي كلش بالتاسع يعطونها مجلس وماتداوم
يس ما اقول الا حسبي الله ونعم الوكيل عليك يا محمد زكي عسى ربي ياخذ حقي منك مثل ما ظلمتني وانا بروح للمستشفى وبنطره حالغه اتحسب بوجهه
شفتي هالاشكال مال نعمه ؟
موكفو مالت عليهم !!!!!
المفروض مايوظفون برا الديره واهنيي عندنا بطاله
وين عيال الكويت ؟؟؟ ليش مايكونون مكان هالمصري الخايس!!
لو نتكلم من هنيي لي باجر ماراح يفيد
اشتكي روحي اعلى المناصب منو هذه عشان يرقض!!!
طاح حظه
|
المشاركة الأصلية كتبت بواسطة مذهلة2013
 حسبي الله ونعم الوكيل فيه!!!
شفتي هالاشكال مال نعمه ؟ موكفو مالت عليهم !!!!! المفروض مايوظفون برا الديره واهنيي عندنا بطاله وين عيال الكويت ؟؟؟ ليش مايكونون مكان هالمصري الخايس!! لو نتكلم من هنيي لي باجر ماراح يفيد اشتكي روحي اعلى المناصب منو هذه عشان يرقض!!! طاح حظه |
عدل كلامج لكن شتسوين .gif "Eh S(16)")
والجهراء كلش مو شي
لو رايحه الفروانيه احسن لج
ولجناتهم اسرع
حسبي الله عليهم الجهراء حمالي الاولي
وهقوني انا بعد وانا عندي مشكله بظهري
جوفي قلبي
جمعي طبياتج واذا انتي مسلمتهم روحي اخذي نسخ
حلو وقدمي كتاب تصديق طبيات
راح يودنهم الوزاره
وحطي معاهم تقريرج اللي رفضه حسبي الله عليه ونعم الوكيل
وارفقي الطبيات
ممكن تطول تاخذ شهر اى شهرين
بس انتي وشطارت ريلج خل يراكض فيه
والوزاره راحرتحولج علي المجلس الطبي
وتدشين ع الدكتوره وقوليلها حالتج وراح توافق عليكل طبيه اخذتبها
وان وافقة خلاص
الايام اللي غبتي فيها طبيات راح تنحسب حالها حال المجلس الطبي
ويردون لج الوزارة فلوس الخصم
وماتنحسبدفي تقيمجرلانها راح تعتبر مجلس طبي
والله يسهل عليج يارب
وتضبط وياج
اعرف وايد سوها
وسهاله
وانتي عذرج قوي
ولله يسهلج حبيبتي
ويسهل علينا يارب
وتفرحين بضناج يارب
المجلس الطبي ماااال واسطات و المثل يقول ((إن حبتك عيني ماضامك الدهر))
ربي ياخذ حقج عاجل غير آجل
ماكان عندج واسطه
ومعروف ياخذون مجلس طبي
مدته ٩ شهوور وتولد وماخلصة اجازة المجلس مالها
ومن غير لا تدش علي اللجنة
وانتي بالجهراء في عضوو معروف عندكم
حق هالسوالف
هههههههههه
للاسف هذا الواقع
انا اخذت اسبوعين قبل واسطه
بس كنت بالفروانيه وتقريري معاي
ويفي بالغرض بس لازم واسطات
وكان في هنك دكاتره معينه
تمشي والله وفي يقولج لاتفكرين تدشين عنده
علي مزاجهم استغفر الله
مادري ليش متعسرين
مادري ليش متعسرين
سالفه الحمل بعد اعلاااج محد يحس فيها الا اللي عااانااا
حبيبتي انا لو بداللج اششششتري رااحتي
لادوااام ولا بططيييخ
معاش مااابي اهم شي يتم حملي و اجيب البيبي. اللي يسووووى الفلوووس والمعاشش كله زوجي. يصرف علي لو خبزه وجبنه مابي المعاش اقضي الاشههر بدون معاش وانا مرتاحححه
الله يعينج و يقوومج بالسلامه
الله ياخذلج حقج منه يارب وسوي الي لموش قالتلج عنه وان شاء الله خير
حسبي الله عليهم
و اهم طلعات و ييات و مافيهم شي