|
|
بسراحه شي ما ينسكت عنه اللي بقولكم عليه في ابله بالروضه وزعت علي كل الاطفال اوراق الا ولدي كشتت فيه ياها الولد قالها ابله ابي شهادتي عباله المسكين شهاده وهي ورقه قالتلا اقعد مكانك ما فيه يتلفت الياهل كل زملاااء بالصف معاهم اوراق الا هو ليش يا ابله تباخلين علي ورقه وكسرتي بخاطر الولد وغير هذا يوزعون هديا وتكشت فيه معنا عاقل ومحترم وحبوب بس ما ادري شنو السالفه بالضبط والولد ما شالله يداوم بس هالحين ما يبي يداوم يقول ليش عطوو ربعي شها ده وما عطوني قولولي شنو الحل يا معلمات في معلمات والنعم فيهم وفي معلمات ودج تذبحينهم وحرام يدرسون اطفال 
ياكثر ما يالفون علينا عيالنا وكله على راس الابله المسكينه ..
يعني كلها ورقه معقوله ماتعطيه ! يمكن عطته وشقها او ضيعها وحبت تحسسه بالغلط
ويمكن يالف اصلا
المهم اخذي ورقه وزخرفيها واكتبي اسمه عليها وقولي هذي شهادتك قالتلي الابله اعطيك اياها
يمكن الولد قط الورقه
انا يوم الخميس يتلي السكرتاريه تقولي ولي امر فلان يقول ليش ماعطيتوا ولدي شهاده
قلت لها كلهم عطيتهم الشهادات وبالايد
خل اليي ولي الامر وانا اكلمه بس يقعد يتفلسف علينا
ولا الولد قاط الشهاده بغرفته الانتظار!!!!!!!
واحنا نحرص عليهم كلشي مسكوه واخذوه معاكم
كله الابله الغلطانه وعيالهم الملائكه !!!
ماعطته هديه يمكن عندها اسلوب الثوب والعقاب يمكن اهوا غلطان ولا قال
وايد اطفال شخصيتهم غير بالفصل
روحي استفسري وسالي المعلمه بنفسج راح تلقين الجواب الشافي !
حرام جذيه
ترا الأوراق نوزعها دايم على الأطفال آخر الدوام ومع هذا اغلبهم اما يشقونها ولا يقطونها ما يعطونها أهاليهم .. وجايز ولدج شق الورقة والابله قالت له ماكو غيرها عشان يعرف انه غلطان .. بس ترا مافيها شي كلها ورقة يعني اهي ماطقته ولا انها وزعت هدايا على الأطفال وخلته
مرات احنا لازم نشد على الأطفال عشان يتعلمون الانضباط بالأخير صدقيني الأبلة ماراح تعاقب طفل او تحرمه من شي بدون سبب .. انتي روحي سألي الأبلة
واالاوراق السكرتاريه ايبونها لنا واحنا بنهايه الدوام باخر اللاضفي نوزعها ويحطونها بصندوق البريد يعني كل طفل يستلم ولا بعددهم بعد
اما اذا اطفل شق الورقه وقام يلعب فيها ولا ضيعها بالصف انا بصراحه ماني مسؤؤله اقوم احوس وراه عشان 2 مره يتعلم يحافظ ع اغراضه مثل غيره !!
من الصبح راسي مفتر معاهم ويهال صغار حتى مو ابتدائي لازم اعلم واغرس سلوكيات ووفوق هذا دخول مشرفه وكيله ناظره توجيه واخرتها يضيع ياعمي اكيد ولدج مضيعها او قطها بالزباله لمن اكل وجبته الخفيفه ونسى والمعلمه ماتصدق ع الله تقعد ع الكرسي حزه الانصراف وين تروح للاداره مره 2 يباخر الدوام !!
وبس احس من زمان مافضفضت آآخ
يوووووه عدي وخربطي بسوالف توزيع الاوراق عالاطفال
في اطفال حبوبين وشطار لكن مرات يحصل عندهم نسيان فظيع للأوراق
مثلا
مرة عطيت واحد من الاطفال ورقة على نهاية الدوام واهوا مسك الورقة حده مستانس وفجأة هد الورقه وراح يلعب مع الاطفال الثانين
وووراها جاني وقال ابله ابي ورقه ماعطيتيني !!! >> هذا مو معناته انه يجذب .. احنا كبار وياما ننسى
وقلتله عطيتك .. وقال لااا ماعطيتيني وراح يبجي ..
فسويت طريقة ونسبة نجاح وصول الورقه للأهل ٥٠٪ هههههههههه
اني اجفس الورقه واحطه بمخبات او جنطة كل طفل وانبه بطريقة ان هالورقة مهمة
…
لكن اذا تكررت السالفة اكثر .. يحق لج تتكلمين مع الابله وتستفسرين منها
احسن حل تكلمين المدرسة
قوليلها اللي صار بالظبط
بدون عصبيه بالموضوع
يمكن هالاوراق للي أسنانهم مسوسه مثلاً او اوراق لمسابقة حفظ القرآن الكريم اللي يوزعونها على بعض الاطفال او ورقه ولدج مو محتاجها
ويمكن ولدج سوى شي غلط وحرمته المعلمه كإسلوب عقاب
واحتمال المعلمه موزينه
واحتمال ولدج خياله واسع
مناقشتج للمعلمه ومواجهتها افضل حل