ليش الناس الي عندهم بنات وماعندهم اولاد شايلين هم الولد ترى البنت نفس الولد بزمنا هذا

ليش الناس مايحبون البنات ويحبون الاولاد وليش عبالهم ان الي اييبون بنات الناس تشمت فيهم وهذا غلط من وجهة نظري ابي رايكم على الاقل الي عندها بنات احسن من الي ماعندها ولا شي على الاقل يشيلونج بالكبر احسن من الصبيان ابي ردودكم حبيباتي

بني ادم طماع..

الي ما عنده عيال يتمنى ظفر ياهل (( الله يرزقهم انشاء الله باسرع وقت ))

والي عنده البنات .. يبني صبيان والعكس

فااااااااااز من عاش قنوع وصابر

بس حبيبتي متوهقة بس ادري انة الناس تبي العكس حتى الي عندها صبيان تبي بنات والي عندها بنات تبي صبيان بس في بنات بالمنتدى يقولون الي عندها بنات الناس يشفقون عليهاويتشمتون فيها اشدعوة شها الكلام ويقولون انة الناس يخافون منها انها تحسد عيالهم هذا كلام غلط والي يقولة ضعيف الايمان اللة يهب من يشاء بس غلط الي يقولونة بنات المنتدى انة الي عندها بنات تحسد عيالهم والناس تشمت فيها اكبر غلط هالكلام شتقولون انتو

هلا عزيزتي ..والله انتي صادقه بس

المجتمع للأسف كل ماماله يرجع الايام الجاهليه

وصار اللي يتبشر اف بنت اعوذ بالله وجهه يقلب اسود

يعني كن ماجانا اسلام وعلمنا ومافرق بين انثى وذكر

حنا يالحريم والله عندنا عادي لكن العيب اذماكان في الرجال اف اهله اللي يظلون يزنون

واذ مو اهله المجتمع

اللي اقل شي بيقولون (ابو البنات) ممايأدي انه يشعر الزوج بالنقص ويأثر بنفسيته اتجاه زوجته..!!!!

ويصير يبي بعد يتزوج حتى يجيه ولد

مع انهم عارفين ان هذ ا الشي من رب العالمين اولآ ثم منهم؟؟

لكن وش بتقنعين وعلى من بتتكلمين؟؟

مجتمع بأكمله عقليته كذا

الله يعين الحرمه بس …هي اللي تبقى شايله هم الين يجيها الولد

والله اعلم يطلع صالح او طالح

وانا معك ومجربه اف اخواني وخواتي

والله ياحنا يالبنات نفعنا امنا وابونا اكثر منهم

بس وش بتقولين..تخلف ..

والله يرزقنا جميع حبيبتي بالذريه الصالحه يارب

والله حبيبتي هذي افكار الناس العقد ..

من يشيل الام والابو لي طاحوا عن كبر ادري انه مو كل الشباب مثل بعض لكن صدقيني محد قلبه على امه وابوه لي طلع بره البيت غير البنت ..

مع اني بجر وما افكر لا بنات ولا باولاد والي يي من الله بربي احلى تربيه ..

ابسط شي حوالي اشوفه امي وابوي اخواني الصبيان مو مقصرين بس مالهم غيرنا البنات غير

موضوووعج يه بوقته
انا عندي 3 بنات والرابعه بالطريج والحمد لله
لما اقول انه فيني بنت يقولولي الحمد لله بس انا احس بعيونهم الشفقه
وانا مقتنعه ولله الحمد اهم شي الذريه الصالحه والياهل المعافى
صج كان ودي بولد يشيل اسم ابوه ويكون لي سند ومحرم
بس هذي كتبت رب العالمين من قبل لا انولد انا
والف الحمد لله والشكر
الله يقدرني ويعيني على تربيتهم تربيه صااالحة

يابخت من عنده بنات يربيهم احسن تربيه بدخلون والدينهم الجنه
شنو احسن من جذي؟

اللي تحن عالولد تنبلع بس اللي يقولوون وااااااااي ابي توأم شسسوي شاخذ هاذول صج ينرفزووني

ناس مو حاصلهم يحملوون و لا شامين ريحت الياهل و علاج و حالتهم حاله و ناس يتشرطون جنه بيدهم الحين

ماقول غير الله يهدي الجميع

حبيبتي دخون انتي حاطة ابالج انة الناس تشفق عليج ليش بالعكس عندج 4 بنات عيل الي ماعندها ولاشي شتقول يعني مايشفقون عليها الناس على الاقل عندج 4 وردات اللة يخليهم لج وتشوفينهم عرايس يسلونج اسمج عندج عيال عيل الي محرومة من العيال شتقول ياحرام بالعكس انا ما اشوف احد يشفق انتي حاطة ابالج انة يشفقون عليج بس اللة يعطيج الولد المرة الياية باذن اللة واذا مايبتي ولد بناتج يشيلونج انا ما احب تفكير الناس المتخلفة والمعقدة هذا الي يعيب على البنات ناقص وضعيف الايمان

اي والله صاجين انا عندي بنتين وحامل وشكله اللي بطني بنت لان توني راده من السونار قالتلي احتمال بنت والحمدالله ان ريلي متقبل الشي يقول لي بالعكس البنات والله حلوين بس الناس على بالهم اني بتضايق لمه يكون عنده بس بنات والحمدالله على كل حال

أنا عندي بنت .. وكنت ابي بنت ثانية وربي رزقني ولد … نعمة من كريم …

اول شي يالله تمام الخلقة والصحة والعافية ….

ثاني شي … البنت زينة البيت اهي الحنان والدلع … اهي الرحمة

الولد على قولة يدتي الله يرحمها يوم اختي يالها ولد قالت لها … هااا يبتي بو طلة … يعني اللي بس بيطل عليج وبيمشي …

والله يا حلاة دخلة البنت على امها وابوها … واتيي مع عيالها … واتصير اهيا ايدينهم وريولهم على كبر … الريل ولبه مرته … ركضة وراها

مديري ذاك اليوم يقول لي … نعمة بجرج بنت … انا عندي 6 ، 4 اولاد وبنتين … الأربعة الأوائل قطيهم بالزبالة .. ما يدق الا يبا شلونك .. اقوله اخلص اشعندك … يقول والله ناقصنا جذي … يقول لابنت راحت الجامعة دقت … طالعة ويا ريلها دقت … ما اتخليك ههههههههه

المجتمع متخلف … ما عليكم منه!

سآلوا مجرب الاولاد مسوين شييييييييب براسي
والبنات بسم الله عليهم مافي اهدا منهم

يعني صج فرق كلهم ربيتهم نفس التربيه بس الهدوء والحنان والطيبه كلهم بالبنات
وفوق كل هذا لاكبر يصف مع ابوه بكل شي لاسمح الله صار خلاف

البنت مهاا تصير لها من ظرووف تتتم تحب وتحن على امها
ومثل ماقلتي ترا بزمنا الحين البنت مثل الولد

والله يرزق كل محروومه

الانسان طماع يبى من هذا وهذاك

لا والله البنت والولد نفس الشي
يعني بالعربي سيم سيم

يا رب الله يرزقني ينت ويرزق كل محروم بالذريه الصالحه

والله انا عندي 3بنات الله يحفظهم…والحين حامل الله اعلم شنو ببطني انا وزوجي راضين باللي يعطينا رب العالمين بس امي وامه وايد يهذرون بسالفة الولد انزين انا شسوي مو بيدي عسالله يرحمنا بطني مو دكان ولا بكيفي
الحمدلله انا وزوجي متفاهمين وراضين باللي يصير المهم يطلع الياهل سليم ومعافى ماهمني الولد والله كريم
انشالله البطن اللي اييب البنت اييب الولد