ليش اتحطون قطاوتكم بالحوش !!!!!

السلام عليكم

شلونكم كويتيات محبين القطط في كل مكان ^^

موضوعي هاذا مخصص لمحبين القطط بكل اشكالها الشيرازيه السيياميه الشوارعيه و غيرها ….

لا تحطون قطاوتكم بالحوش و الحديقه

وايد بنات اسمعهم يقولون قطوتي مت عليها بجي لما اندعمت بالشارع تحت سياره و تدعي على اللي دعمها

كلنا نشوف القطاوه مدعمين يوميا بكل الشوارع منهم صغار و منهم كبار

زين ما سألتو نفسكم شلون القطوه وصلت للشارع !! ليش طلعت للشارع !!

القطط المنزلية تعتمد على الأنسان بكل شي اكلها و شربها و نظافتها و علاجها و حتى بلعبها ما تلعب القطوه إلا مع اللي يربيها

دخلوهم داخل البيت و حطوهم جدام عيونكم سوو لهم قفص مفتوح شوي كبير داخله لتر بوكس مع اكلها و مايها و فرشتها

ماراح تزاحمكم و لا بتحسون فيها جذي احسن لكم و لها من الحوش و أنظف لكم بدال ما تدوس على أرض الشارع وصاخه و نجاسه لكم و لها

و السموحه اذا كلامي ضايقكم لأن يحز بخاطري منظر القطط الميته بالشوارع

بالغككس كلامك سلللليم 100%
والله صاإادقه
لو عندي قطوه انومها بعد عندي هع
يسلمووو

مرحبا لوجين ..
كانت عندنااا قطوة وبعناها للمحل والسبب كانت تحب شى اسمه شارع ماتصدقين المنظر دايما اتطالع من تحت الباب تطالع الشارع ووتواعد مع قطاوة ورى بيتنااا شى مستحيل ننساه عليها حركات سبحان الله تجنن ودايمااا واحنا وراها من شارع لشارع هههههههه ايام لاتنسى ..
كنا نبيلها الزين بس هى مااطاحت بحب الا الشين قطو اسود انهينا حبهم كنا خايفين على نسلها يخرب وبعناها والحبيب صار يجى يومين من بعد مابعناها واختفى الظاهر كسرنا قلبه ههههههههههههه
تحياتى لج يالوجين اكيد تعرفين ان بعض القطط تحمل امراض فتحتاج لتطعيمات اتمنى انج تعرفين هذى المعلومة ..

ثانكس عاشقه ايبودي ^^

الزورق قطوتكم مغامرة و تحب الأستكشاف بس مصيبة لما تطلع الشارع
انا ادري و كل محب للقطط يعرف عن التطعيمات بس التطعيمات ما تكفي لأنها حق امراض محدوده و الشارع فيه جراثيم و أوبئه ما تنعد شبتلحق قطاوتنا كافي اذا داست على الوصاخه بعدين دشت داخل البيت و لمسناها مو احنا راح نتضرر بعد ؟

صاجة وخيتي

ام ديج حياج الله يا وخيتي

المفروض حتى داخل البيت ماينحبس بغرفه او قفص هذي روح تبغى تاخذ راحتها والقطط نتظيفه دام عرفت وين تقضي حاجتها مامنها خوف اما عن الشعر فالاختراعات كثيره اللى تنظف الاثاث اهم شئ اكون على قد مسؤوليه هالروح وهالامانه اما اني اجيبها واحس اني حاميتها من السيارات واحبسها لا والله ما ارضاها لا على ولا على هالروح اللى تحس مثلى واكثر بس لا تنطق ولا تفقه مثلنا , اقلها افكر شوي مثل ما انا اطلع واكلم واطالع التلفزيون هى تبغي شوي حريه وتسليه ساعه بحديقه البيت ياتحت عيني او عين الخادمه يلعب يستكشف يجلس تغير جو يعنى
ادري كتبت خطبه الجمعه

لكن الله لا يسالنا عنهم اخاف دائما اني اظن بانه ماخذ حقه كامل فى بيتي وهو لو نطق قال تراك مقصره ,,,,,,, وواجد بعد .. عساه مايقولها يوم لا يظلم ربك احدا"

كلامك سليييييييييييييم

القطة اللي بصورتك ايش نوعها ؟

شيرازي

ربي رجوتك مشكوره على المشاركة و صاجه ما يجوز نحبس القطط داخل أقفاص يكفي انه يتجهز قفص كبير فيه اكلها و ماي شرب و لتر بوكس و فرشتها اللي تنام فيها و ينترك لها باب القفص مفتوح بيكون مناسب لها مثل غرفه نومها

أخت سمرا حياج الله و القطوه اللي بتوقيعي بيكي ديلوت كاليكو من إنتاجي قبل سنتين

ربي رجوتك حياج الله

هههههههه عشان عيونج مرح احطها بالحوش

بالعكس موضوعج حلوووووو بس مرات هم يحبون الحوش لانه اوسع والشمس لازم تحوشهم بس مايطولون يعني لو ربع ساعه وقدامج عادي

يبوي بنات انا ابوي يالله يالله رظا بالقطوه !! بس ووين احطها؟
اذا درا اني بحطها داخل البيت يوييليي ويلاهه هههههه اكيد مَ رح يرضى انا قلت احطها بغرفهه وماطلعها ههههههه بس المشكله الغرفه ع طول قدامها مطبخ ومافيها باب < يالهوي .. وابوي طبعا م رح يخليها تسرح وتمرح وانا اختي الكبيره تخاف من شي اسمه ق ط و ه لدرجه ماتصورونها
واذا بروح المدرسه وين احطها ؟ اخاف ادخلها القفص وتلعب فيها اختي الصغيره وانا بالمدرسه:/ و اي عاد انا بنت اختي الثانيه مزعجه و آآفه لدرجه ماتصورونها عمرها سنتين كل شي تحطه بحلجها واكيد اذا جبت القطوه بتفقصهاا وتلعب فيها ولاحطيتها داخل القفص يمكن تقلب القفص بكبره ههههههههههههههههههههههههههههه
وشلون احط اللتر بوكس بكبره والعابها وفرشتها بالقفص ×______×

بنات بليز هييلب ميي