لي متى هاللوعه

السلام بنات شلونكم

انا دخلت الخامس وليلحين تيلي لوعة الصبح وجبدي تقلب شسوي؟

وايد مضايقتني وانا بالدوام اخاف اني ارجع لانه اذا صار هالشئ بقعد ابجي لول لاني اخاف من الترجع

واقعد طول الوقت معدتي تقلب ماكو شئ يوقف هاللوعه لاعت جبدي استغفر الله

ماكو احد يرد علي

الله يعينج ويسهل عليج

في علج بالصيدليه يخفف اللوعه اسمه chooz انشالله يفيدج

انا اقول للوعه دايم اكلي شابوره او خياره بارده
انا بصراحه عطتني حبوب بس ما اذكر اسمهم لاني قطيتهم مابي اتعود على الحبوب وصرت اكل اذا صحيت من النوم شابوره واذا بغير خياره بارده
والله تمتص الحموضه واللوعه…
وربي يعينج ان شا ء الله

الا بسألج انتي جم لج اسبوع يعني باي اسبوع 16 17 18؟؟؟

مشكوره بس احس العلج بيلوع جبدي زياده

اممم والله خوش فكره الخيار بارد صح مشكوره بجربها

انا بالاسبوع 20 الحين

اخر الخامس يعني
الله يسهل عيج يارب وكل مسلم

حبيبتي الله يبرد عليك انا لحد أحلين بالتاسع وبالأسبوع 38 على خير ولحد ألحين هذه معاناتي مع اللوعة والحارج جربت كل شيء ما أكو فايدة أمي تقول هذا ملازمك حتى الولادة / احباط صح ؟؟؟؟؟

هلا حبيبتي ..
انتي نفس حالتي انا للتاسع لوعه وترجيع ماأبي أضيق خلقج بس أنا نساتي قويه الله يعينج جربي الحلاو والبرد كان يفيدني..

:
:

ياااي الله يعينج

عيل انا اول 3 اشهر من حمالي مافيني ولا شي

من دشيت الرابع بلش في الاستفراغ واللوعة ونزلت 8 كيلو

حتى الماي الي اشربه استفرغه

حتى الحبوب الي عطوني ياها الي توخر اللوعة مايابت منفعه معاي

قاعده احاتي اذا بيستمرهالشي معاي لييه اخر الحمال ؟!!

:
:

لا اتوقع اول الخامس

انا استخدمت حبوب من الدكتورة اسمهم نوفاديكسون واايد ارتحت عليهم و خففت اللوعه وايد مو شويه و معاه علج chooz بس العلج اخده بس في الوقت اللي احس ان معدتي ثقيله و طعم مرورة بحلجي
بس مادري هل راح تظل الحبوب تخفف لي بعدين ولا لا ، انا بنهاية الثاني والله يعينا والله

الله يعيييييييييييييييينج

واي واي اللوعه تعذيب للنفس

انا اخاف من الحبوب انهم ياثرون على البيبي

اخذب حبوب اللوعه البيضه