لي متى تستخدمون صابون الاطفال؟

كيف حالكم

سؤالي باين من العنوان

متى تبدون تستخدمون الصابون العادي حق ملابس عيالكم؟

شوفي حبيبتي أقولج عن خبره
الياهل إذا ما فيه حساسيه ماله داعي تستخدمين صابون الأطفال لأن مو ذاك بالتنظيف
و السعر واو
بالنسبه لي بالمولود الأول كنت استخدم صابون الأطفال و ماي الغسيل مغلي و ما كانت الملابس تنظف
عقبها حولت على ايريال و عادي حطي كمفرت عشان ينعم الملابس و يعطيها ريحه حلوه و مالج شغل باللي يقولون لا صابون طبيعي و ماي معقم كله خبه عالفاضي
و الله يخليلج ولدج او بنتج و انشالله تشوفين اخوانهم

انا بعد عمري ما ستخدمت حق عيالى صابون خاص

وكله (اومو) اللى احنا نستخدمه واحط معطر عشان ينعم

والحمدلله لا حساسيه ولا شيء

مشكورين حبايبي

والله اهو صار سنه وانا ليلحين صابون يهال

شكلي خلاص بحول عالعادي

انا بعد فوق سنتين ولما الحين استخدمه مشكورين على المعلومة حبايبي

والله انا سمعت انه في ناس يغسلون اهدوم الياهال بشامبو !! بس شلفرق بصير نفس التكلفة و بعدين اتوقع الصابون الخاص اضمن .. انا ولدي عمرا شهر و قلت بستمر على هذا الصابون لين يصير 6 شهور

انا استخدمت صابون الاطفال لين كمل ولدي سنه
بعدين بديت اغسل هدومه بالصابون العادي اللي اغسل فيه هدومي
وبنتي بعد نفس الشي اغسل هدومها بصابون الاطفال لين تكمل سنه

انا استعمل صابون الاطفال حق بناتي ثنتينهم حتى العودة اللي بالروضة مادري احس احسن ..

اتهقون خلاص كافي لي جذيه ؟ وحدة سنة وشي ووحدة 4 سنين وشي ..

عن نفسي شريت صابون الاطفال وما حبيته استخدم كله اريال وداوني او كومفرت عادي

ولدي الكبير لي سنه وانا استخدم صابون اليهال
بس الثاني شكلي بحول لصابون عادي بعد 6 شهور

انا على طول اغسل هدومهم بصابوننا العادي (اومو) و استخدم كومفورت او داوني ك منعم للاقمشه .

حياتي
آنا للحين استخدم صابون فيلتي وعيالي اسم الله عليهم 5 و3 سنوات
والصراحة جني بغير واستخدم صابون عادي

انا ولدي عمره سنتين و 9 شهور

وليلحين استخدم صابون الاطفال لانه عنده اكزيما

اخاف الصابون العادي ازيده

اشوه ليلحين مافي احد معارض الصابون العادي

بس خل يخلص اللي عندي وراح اجرب

خوش موضوع استفدت منه

شكرااا