|
|
مراحب بنات انا عندي سؤال تحملوني انا زوجي لونه اسمر مره وانا سمرا بس فاتحه بالرغم من ان اهالينا بيض بس مادري لمين طالعين عاد اهو طبعا يقول ان شاءالله ولدي يكون ابيض علشان مايتعقد زي لماكنت صغير لان اهو الوحيد الاسمر عاد قلت بنفسي انا نفس الشي بس يقولون ليش جايه سمرا لمين مره تعقدت صراحه مجتمعنا همه اللون استغفر الله وبس تريقه عاد وربي بنات افكر باطفالي بكره ماودي يحسون بالنقص بنات تتوقعون لازم لي انا وابوهم والا موشرط بنات ادري ان سوالي جدا سخيف بس يمكن لان ماحد جرب المعناه لما يكون شخص فقط من العايله اسمر والباقين بيض تكفون بنات جاوبوني احد زييي واطفالهم كيف الوانهم انا مايهمني البياض ابي الوانهم عاديه بس وربي مايهمني والحمدلله ربي خلقني لحكمه هو يعلمها
اسألي نفسج انتي وزوجج الموضوع يستاهل تفكرون فيه ولا لا !
الله يرزقكم بالاطفال الواثقين جداً بأنفسهم ولا يهمهم كلام الناس 
اسمر ابيض شعره حرير ولا كجعد والله مو مهم يظل قمر الدنيا بنظر كل الي يحبونه اهم شيء عافيته وسلامته
اكيد بيطلع عليج او ع ابووه
بس عاد انتم لاتعقدونه الله يرزقج
حبيبتي بالي تمنينه
وان شاء الله الله يرزقج بالطفل السليم المعافى
ف احتمال 85% اسمرررر
معاي وحده بدوام اهي سمرة وريلها اسمر بنتهم طلعت بيضة
وترى اختي اللون مو مهم سبحان الله الملامح اهي الي تحلي والواحد
يامه في سمر احلى من البيض
وترى الي صار معاج عادي في كل بيت يكون هناك واحد يسمونه البطه السوده
مو شرط الاسمر يمكن الضعيف كلش او المتين
يعني الي مريتي فيه طفولة عادية
لاتشغلي نفسك بهالموضوع
وليش يتعقد يعني ؟؟ السمار شي حلو مو شي مو زين اشدعوا يعني
لو طلع مريض بتقولين شنو يكون لونه ابيه بس مهم عافيته وصحته
قولي يارب ارزقني الطفل المعافى السليم اللي يبر فيكم
ولون الاسمر يسود على الابيض