لو كنتي وزيرة التربية؟

الحلم بدايه الاختراع
و التفريغ النفسي مهم حتى لايشعر المعلم بان رأيه غير معتد به
لو كنتى وزيره للتربيه ماهى خطواتك الاصلاحيه للارتقاء بالتعليم ؟؟؟؟
حابه اسمع افكاركم ان مالقينا من يسمعنا احنا نسمع بعض

1-الغاء اطالة الدوام وارجاع توقيت الابتدائي للساعه 12,30
2- الغاء الملف الانجازي الفاشل
3- الغاء بعض المناهج الفاشله مثل منهج الغة العربية للصف الاول وارجع (مع حمد ورق وقلم)
4-الغاء مادة التربية الحياتيه
5-الاحتياط والمقصف والمناوبه للاداريات
6-زيادة الرواتب
7-كادر للمعلمين بصفة دوريه
8-اقرار قانون حماية المعلم
9-تجهيز المدارس بكل احتياجات الاقسام من الابره للداتا شو والمعلمه ممنوع تصرف من جيبها

ادعولي اصير وزيره

اهم شي احط خط ساخن للمعلمات عشن بس مديرتها تسوي شي
على طوووووووووووووووووول تبلغ عنها
لأنه الوزارة موفره اشكثر اشياء للمدرسات واللإدارة اهي اللي تمنع هالأشياء
كل قسم له ميزانيه ليش ما يصرفون عليكم
ثاني شي المعلم لازم يشوف تقرير الكفاءة مو يكرف وما يدري شنو حاطين له
ثالث شي مثل ما الرؤساء يقيموون المعلم والإداري
يحطون تقييم للمدير والمدير المساعد والمدرس الأول يخلونا نقيم تعاملهم وأدائهم معانا

بجذي ينتهي الظلم والمعلم يعطي لو يقولون له اطالة دوام ما راح يقول شي
لو يغيرون المنهج بيقول يامرحبا بالتطور
ولا اشرايكم

جان أرز المعلم رزه أخلي باجي الوظايف يحسدونه0

١- مهمت المعلم بس يدخل الصف يشرح مادته ويتابع طلبته بس لايطبع ولا يسوي خطط ولا إذاعة ولا بطيخ
٢- زيادة راتب المعلم ليصل الى ١٥٠٠ دينار
٣- تجهيز القسم بالأجهزة و المعدات اللي يحتاجها المعلم + مساعد لكل معلم
٤- بدل إصابة للمعلم خاصة في مدرسة الصبيان
٥- التعاقد مع كفيهات راقية ومطاعم خمس نجوم وبوفيهات مفتوحة للمعلم
٦- انشاء نادي صحي في المدرسة. الرياضة زينه بعد الاكل
٧- حذف وظيفة وكيلة وناظرة ورئيسة قسم من المدرسة
٨- اصدار قرار يمنع توظيف امرأة لمنصب الوزيرة بعدي

ههههههههههههه امين يعطيج العااااااااافيه

تبين راى انا اسمحيلى راح تصير فوضى عارمه

شلوووووووووو بترزين المعلم عطينا تفاصيل

هههههههههههههههههههههههههههههههههههههههههههههههههه ههههههههههههههههههههههههههههههههههه

ماشاء الله نفس تفكيري والله الظاهر الابلات تبرمجو علي التفكير والهموم المشتركه
الله يعينا
لو انا وزيره كنت اقفل بابي ع كل منافق وعجاف اشوف الواقع بنفسي

اول شي يا طويلة العمر
1: الغي تأنيث المدارس
2: ازيد رواتب المعلمين والمعلمات
3:اغير المناهج اللي عليها جدل
4: اقرار قانون حماية المعلم وان التعليم من المهن الشاقة المؤبدة
5: الغي المقصف واستبدلها بكفتيريا خاصه للمعلم واخرى للطالب
6: تعيين موظفين لحصص الاحتياط ولادخال الدرجات والمناوبه واسميهم (( معلمين الطواريء)) خخخ كيفي مو وزيرة
7: اقوم بتغطية المدارس كلها من الداخل عشان جونا الباريسي وتوفير ملاعب كرة قدم مو بس بالمناطق الداخلية لأ بكل المناطق وتوفير حدائق واسعه للعب الاطفال والتعرف على البيئة الخارجية ,,, جني شطيت شوي ,,, معلش من الوناسه
8: المراجعه الدوريه لكل مدرسة ونشوف اللي عندهم ابلات غياب مستمر او امومه او مجلس طبي او وضع يوفرون لهم معلمات ,, يعني ما تنحسب علينا ابله بس اسم واسميهم ((معلمه في مهمه مؤقته)) !!! قلتلكم كيفي
9:الاستئذان ينحسب 12 ساعه في الشهر ومو من حق المديرة ترفض اذا ما كان عندي حصص
10: يتوفر في كل قسم آله تصوير وداتا شو واوفر هيد والذي منه
11: المعلمه يحق لها تشوف تقديرها عشان تتشجع او تطور من نفسها ليس سري الحمدلله والشكر
وبس خلاص تعبت خلوني افكر شويه بعد وامخمخ واطلعلكم شوية قرارات تونسكم

1- اعطي لكل معلمة حقوقها وماخلي الموضوع بيد الناظرات .. الكل له حق بالعرضي والاستئذان بدون تسلط احد وبدون لا ينحط بالتقرير حالنا حال باجي الوزارات ..
2- الغاء الدورات المسائية الاجبارية التفاهة لأنها منتهى الاضطهاد .. كل مكان لي بغو يعطونج دورة أو مهمة بعد الدوام الرسمي تكون اختيارية ولها اوفر تايم مو الزامي واهمه يترسون مخابيهم واحنا ابلاش ..
3-كل معلمة لها الحق تشوف تقريرها علشان تقل حالات الظلم والتعسف والخسف بالتقارير
4-الغاء الاضطهاد بسبة بند التعاون !! التعاون في العمل مو اصبغ المدرسة وااشتري وادوفع واصير مطراش لا عاد مصاخة ..
5- الغي الاعمال اللي مو من صميم عمل المدرسة .. اشراف نهاية وبداية الدوام والمناوبات وغيرها
6- الغاء الحصص اللي مالها سالفة انخل الجدول المدرسي نخاال .. التربية الحياتية مالها سالفة
7- اخلي في مرونة بالمدارس مثل الايام المفتوحة والايام الرياضية والايام اللي ما يلبسون فيها يونيفورم يوم خل تصير المدرسة بيئة جاذبة..
8-توفير داتا شو وشاشة عرض كبيرة لكل صف .
9- اعطي المدرسات دورات في المنهج قبل لا اطبق المنهج .. مو اطبقه ويدرسونه سنين على عماهم تالي اعطي الدورة
10-قبل لا انزل قرار يندرس عدل واطبقه على مدارس تجربة واخذ راي المعلمين وأولياء الامور قبل مدراء المدارس تالي اعممه
11-ارفع رواتب المعلمين لأن صج حرام وايد يتعبون وهم يكون في زيادة على حسب النصاب يعني مدرسات العربي حرام 18 حصة غير التعب والتصحيح بره الحصة واشراف اداري واذاعة .. وفي مواد 4 حصص والمعاش نفسه نفسه (ترى انا مدرسة مادة غير اساسية ونصابي زين مو 18 علشان لا تقولون متحيزة) بس حرام يستاهلون ابلات العربي
12- الشغل الاداري يسوونه الاداريات واذا في نقس يوظفون زيادة .. مو المعلمة تمر تاخذ غياب الصفوف وتطبع كتب الادارة
13- تقليص وقت حصة النشاط الى نص ساعة وتكون صج مثمرة وجاذبة وتوزيع الطلبة حسب ميولهم عكس الحاصل الحين

في وايد اشياء زيادة بس جني تحلمت وايد ادري ماراح تصير