لها حق تطلب الطلاق لما بيتزوج عشان هالسبب؟

مرحبا اخواتي

كتبت موضوع قبل فتره اذا تذكروني

انا مطلقة من اكثر من سنتين وعندي ولد زوجي قبل فتره يبي يرجعني
فيه شي تذكرته بطليقي
قبل لا نتطلق كان دايم يقولي انا ابي اتزوج
لما اساله ليش انا شنو فيني
يقول انتي زينه مافيج شي بس انا احب يكون عندي مملكه وعيال وايد
ومابي اروح للحرام

هالشي مانعني اني اوافق على الرجوع له….شرايكم يا كويتيات ؟؟؟ الرجل اذا بغى يتزوج بسبب انه يحب الحريم ومايبي يروح للحرام هل من حق الزوجه ان تتركه؟

انا خايفه لا ارجعله ويسويها ويتزوج علي

انتي من الاخر متذبذبه ومحتاره وماتبينه بالعربي شحقه تتحججين ؟؟؟

تذكرتي حجوه انه قالج والله انه بيتزوج ليش انه يبي عيال

انا كل يوم يقولها لي زوجي

عادي يتغشمرون ومن باب بيشوف قدره عندج

اذكر مره قلتله روح تزوج الله معاك قال عز الله بايعتني وماتحبيني

يعني نورا ياقلبي تبين الريال رديله ماتبينه هديه اللي خلقج خلق غيرج

لاتزعلين مني ياقلبي بس شكثر اتطلعين عذاريب بالريال ومن كلامج شاريج

يختي اذا مو عشانه عشان ولدج

والله ما ادري شقوولج
الريال خلاص حط هالفكره ببااله

قوليله تبي يهال اييبلكم درزن حق شنو التلفسف بعد

موشرط كل من قال بتزوج يتزوج وكل من كان ساكت مايتزوج هذا ماهو مقياس حبيبتى

لاتفكرين فى كل كلمه يقولها لج وشنو معناتها وشنو مقصدها لانج بالطريقه هذى راح تتعبين

انا زوجى يقولى يتزوج عليج وانا اقوله راح اذبحك هل هو صج لى تزوج راح اذبحه ؟؟

مجرد كلام حجى خرابيط اخذيها غشمره وفكى عمرج

اذا يبى يتزوج كاهو الحين مطلقج ليش ماتزوج ؟؟ ليش يبى يردج ؟؟ لانه يحبج

حبيبتى صلى ركعتين واقرى فران وشوف ربى وين يهديج

لاتخلين كلام فلانه وعلانه يفر راسج انتى مطلقه وعندج ولد باجر لوتتزوجين واحد غير

زوجج يبى يعايرج بطلاقج ولابولدج ؟ شنو راح تسوين راح تتعب نفسيتج

انتى اذا الحين من زوجج اب ولدج قالج بتزوج تعبتى شلون لو تاخذين غريب ؟

فكري واستخيري أحسن

السلام عليكم

اول شي اختي عليج بالاستخارة

ثاني شي : فكري شنو كان سبب طلاقج و هل ممكن يتكرر مره ثانيه ويرد سبب الطلاق فيكون في احتمالية انفصال

وثالث شي اهو منفصل عنج من سنتين ماتزوج ؟؟ لو ما تزوج شمعنى اللحين لما يردج راح يتزوج :

انا من رايي فكري بالموضوع عدل واخلي اهلج يسألون عنه شنو سوى وشلون فترة انقصالج عنه (( لا يلدغ المؤمن من الجحر مرتين ))

والله يسخرج للقرار اللي فيه مصلحتج ولا تسوين شي انتي مو مقتنعه فيه 1%

شوفى عمرى هل اهو قالها غشمرة ولا جد , لان اذا جد ترى الريال مايثنى كلمته و صريح معاج اهو يحب ينوووع ويبى ممكله على قولته
الحين السؤال لج : هل انتى ترضين الشريجه؟ بس

مدري صراااحه ,,الراي لج ,,,اذا انتي حابه ترجعين له ولا ولا ,,, فالحالتين اذا مارجعتي له بتقعدين طوول عمرج ماراح تتزوجين ؟؟
أو اذا جوج خوااطيب طبيعي انه بيكوون متزوج وعنده عيااال …أو مطلق وعنده عياال …..يعني أي هو الأفضل لج ؟؟

واذا هو حااب يتزووج …ماراح تمنعينه ,,سواء انتي عنده ولا بعيد منه …ويمكن زوجج من النوووع اللي يحب يكثر نسله … وهذا شي راجع له…

إستخيري

ولله يجدملج اللي فيه الخير ^^

استخيري حبيبتي
والله يكتبلك الخير

اذا طليقج ريال زين رديله مو تنهين مستقبلج على كلمه انقالت لج ماتدرين يمكن نفس ماقالت اشتياق يتغشمر وحرام ولدج فكري فيه

له سنتين مطلق ….ليش ما تزوج ؟؟؟؟

الف شكر

انتي الحين لازم تشوفين نفسج اذا تقدرين تتقبلين الوضع او لا