لما يكون السبب منه ؟؟ شنو راح تسويين ؟؟

انا عمي السبب منه بس ماكان يعرف قبل الزواج انه ماييب اعيال تزوج وتمت مرته عنده بس ماذكر جم سنه وتطلقت وراحت بحال سبيلها والله رزقها عيال
وتزوج اهو بعدها وسبحان الله حملت مرته بس للاسف ربج ماكتب طقها باب السياره على بطنها وتعورت
وللحين ماعندهم عيال بس تمت معاه مرته والحين عمي ريال كبير يعني خلاص مافي امل يتعالج او شي والله يتمم على عمي ومرته يارب ويعوض عليهم بالجنه

السلام عليكم حبوبات ..
موضوعي موضوع حساس حييل ..
بدش بالموضوع دايركت .. لما الريال يكون السبب في عدم الإنجاب منه شنو راح يكون موقفج أو ردة فعلج خصوصا إنج ما عرفتي إلا بعد الزواج ..
آنا أعرف كذا وحده صار لهم هالموقف و سكتوا و الله مرت عليهم سنوات و سنوات و سبحان الله ربي ما رزقهم إلى الآن…
و أعرف وحده قعدت 20 سنه و تطلقت من ريلها و قعدت ثلاث سنوات ما تزوجت و بعدين ردت له و عندها ألحين منه توأم الله يخليهم لها ..
إذا عندكم قصه أو نصائح أو أي شي نستفيد منه شاركونا و أفيدونا ..

اذا احبه واموت فيه مو ضروري عندي العيال وخاصه اذا اهو يحبني وامدللني شنو فايدة العيال مارد الولد حق زوجته والبنت حق ريلها واهو اللي راح يفظلي

هذي وجهة نظري يالغاليه

الله يعوضهم كل خير إنشا الله بالدنيا و بالآخره بس هل هو حقد على مرته الأوليه لما طلبت الطلاق ؟؟

آنا رأي من رأي الفنانة79

انا عندي رفيجتي تزوجت وطلع العيب منه
بس من كثر ما مدللها ومعيشها بدلع تقوول مستحيل اتطلق منه
كل نهاية اسبوع يسفرها مكان يروحون الاربعاء ويردوون السبت وكل شي موفر لها قبل لا تطلب الشيء يكوون عندها تقووول كل هالطيبه واهده مستحيل
الله يخليهم حق بعض ويرزقهم بالذريه ان شاء الله ويرزق كل محروم

ماعندي راي بالموضوع بس ملاحظه لما يكون العيب منهم يدلعون ويصيرون كريمين ….يعني يعرفون قدر المره!! بسسسسسسسسسس اذا العيب منها ياويلها مهدده بالزوجه الثانيه …..اي عدل هذا؟

والله اذا طلع العيب منه وانا احبه واهو خووش واحد ليش اتطلق منه يمكن يمكن ما ييني نصيب اويمكن ييني واحد يكرهني بعيشتي

لا بالعكس ماحقد وتفهم انه المراه تبي عيال وطلقها وتزوجت من بعده ويابت عيال
والحين متزوج من وحده ماشاء الله تبارك الرحمن تهبل وتدري انه ماينجب عيال وعادي ولو تشفينهم ماشاء الله سفرات وروحات مع انه عمي مو صغير بالعمر

انا مع راي الاخت احب ترابها

كل اللي قالته صح

الريال راس المال و اذا شايلني على كفوف الراحه و مغرقني محبه مو مهم العيال