|
|
السلام عليكم
عيدكم مبارك وتقبل الله طاعتكم
أنا قبل فترة حاطة موضوع عن أني اجهضت
بالخامس والكل جاوبني النفاس اربعين يوم
المهم هالمرة عندي سؤال غير
للي مرت بنفس تجربتي
طبعا اجهاضي كان ولادة طبيعية
كنت فاتحه 5سم وطبعا ماتخيطت ولاشي
الحين أنا اتننفس لي اليوم تقريبا 15 يوم
وينزل الدم متقطع
هل هذا شي طبيعي؟
والشي الثاني هل ارجع مثل البنت لأني حيل
احاتي هالسالفه؟ علما باني اسوي تمرين كيجل
الحمل ان شالله الياي ضروري تسوين ربط وتاخذين ابر سيوله للدم علشان لا سمح الله صار شي الا البيبي يكون زين
بالنسبه ل 5 سانتي ليش ماخيطووونج ؟؟؟ لو تجميلي او خياط عادي وأستخدمي تحاميل تنظفج عدل
والدم الي ينزل حبيبتي طبيعي لان الحمل كبير الله يعوضج فيه خير يااارب
وانا كانت حالتي حاله
ما اتوقع احتاج ربط لانه الاجهاض
من مضاعفات عملية الزايده
إذا عني أنا ولدت ولادة مبكرة على السادس بس كانت ولله الحمدالله طبيعي وخياط .
وإنتي ديري بالج من الهوا ودفي نفسج وهالله هالله بالدويات ولا تسبحين واجد لأن موزين عليج وجيبي ردادة أو روحي لوحدة إسمها أم عبد الله بالمنقف زينة حق الترديد بالنفاس وحق الهوا وتعطيج دويات ماشاء الله عليها .
وإذا تبين رقمها أن حاضر
والله يقومج بالسلامة وإن شاء الله مافيج إلا العافية لا تحاتين
انا كنت نفسج ولدت بالسادس وماخيطوني وكليت ادويه وتدفيت وباخر 10 ايام كنت استخدم تحاميل البوثيل يوم وترك اتطلع كل الماي اللي فيج وتضيق
احسن شئ تراجعين استشاري وتقولين له حالتج
والله يعوضج خير ان شاء الله
|
المشاركة الأصلية كتبت بواسطة بحر الذكريات
 الله يعوضج ويعوضنا خير
انا كنت نفسج ولدت بالسادس وماخيطوني وكليت ادويه وتدفيت وباخر 10 ايام كنت استخدم تحاميل البوثيل يوم وترك اتطلع كل الماي اللي فيج وتضيق |
مشكورة وماقصرتي
دانه حبيبتي
أنا ناوية أراجع دكتورتي بس صج ما ابي تفحصني
وكانك تتكلمين عني اول اجهاض لي بالشهر الرابع والثاني السادس
اول مره قعدت انفاس 14 يوم وطبعا مع ادوية النفاس حسو ولهوم ومره ينزل وينظف
والمره الثانيه تعذبت لان بالشهر السادس وسألت السستر جم (اسفه عالكلمه وتكرمون) جم لازم اتوسع علشان يطلع البيبي ؟ قالت 10 نفس الولاده !!!
قعدت نفاس شهر ومع ادوية النفاس
نصييييييحه لازم تهتمين ولاتتسيحين كل يوم حالج حال النفاس
اذا احتريتي مسحي بماي وفوطه وحطي ملفع على راسج
واهتمي بالاكل موكل شي تاكلينه ..
لاتنسين التحاميل .. وبتردين ان شاءالله مثل اول واحسن
عسى الله يعوضج ويعوضني خير ان شاءالله
بس شنو أحسن نوع تحاميل
والله يرزقني وياكم بالحمل الثابت السهل
والجنين الكامل الخلقه حسن الخلق
أنا ادري أن النفاس العادي
اللي أسأله اشلون ارجع بنت
وهم ماخيطوني هل هذا عادي؟
هل في محاذير معينه لهالحاله؟
هل في تحاميل معينه؟
بتقولون راجعي دكتورتج أكيد بروح
بس أنا ابي اللي مرة بتجربتي ؟
يفهموني
ما عندي علم