|
|
السلام عليكم ورحمة الله وبركاته
بصراحه هالموضوع مالقيت احد كتب فيه رغم اهميته
لكن خذوا مني هالنصايح … ( لعل وعسى ) مايتصفق العريس يوم الملكه ..
بسم الله نبدأ ..
طبعا ً بالنسبه لي هذا هو اللي صار يوم ملكتي ..
بعد العشاء دقوا علي الاهل ( الوالده الله يطول بعمرها ) وقالتلي تعال بسرعه
مشيت وانا كل تفكيري وش اسوي
بصراحه كنت خايف لدرجة ان نص الطريق اخذته ريوس
يوم دخلت والا الجو عند الحريم مو مثل جو الرجال .. كله فرح .. ماحسيت اني عريس الا يوم دخلت عندهم
طبعا اللي كانوا موجودين معاي وقتها امي واخواتي بس والباقين برى ى ى ى
يوم دخلت علي العروسه ( ربي يخليها لي ) قمت انا ورحت مسكتها بيدها ومشيت انا وهي الين جلسنا على الكراسي اللي مجهزينها لنا
وبعد كذا لقيت اني نسيت كل شي ابي اقوله …
قلتلها : مبروك علينا .
قالت الله يبارك فيك ( طبعا ً قالتها وهي عالصامت )
بديت اسولف سوالف عاديه واحاول الطف الجو .. بعدها لبستها الدبله ولبستني الدبله
ولبستها طقم الألماس اللي جايبه لها << هيّن الماس .. تراه طقم ذهب لا تصدقون هههه
بعدهاا جتني اول عقبه قالوا لازم تقطع لها من الكيكه وتأكلها بيدك ..
اول شي سويته وانا ماسك ( الشوكه ) قلتلها افتحي فمك شوي عشان اشوف المقاس هههههههههه وياليتني سكت … قطعت قطعه تكفي 3 اشخاص
ويوم جيت ابيها تاكلها اكلت ربع القطعه … وين تتوقعون راح الباقي …؟؟؟؟
طبعا على فستانهاا …
طبعا انا وقتها ماصدقت خبر .. مسكت الفاين ومسحت اللي طاح عليها قرّبت امها ومسحت الباقي هههههههه
وبعدها اكلتني هي قطعه بس ربكم ستر ..
وبعدهاا وقت شرب العصير .. نصيحه ( حاول انك تهدي من سرعة يدك وانت موجه العصير لفمها منعا ً لإصطدام الكوب بأسنان زوجتك ) هههههههه
طبعا هذا هو اللي صار .. سمعت صوت غريب طلع .. طلع هالصوت من اسنانها لأني جيت بالكوب ماشي 3000 كم الساعه … هههههههههه
هذي بعض النصائح من الواقع ومن تجرتي الخاصه ..
اتمنى تكون مفيده .. وعسى ربي يوفقكم جميع ..
دمتم بخير ولكم أجمل وارق تحيه .
ولعيونكم منقوووووووووووووووول