|
|
السلام عليكم ورحمة الله وبركاته
وايد حريم قالولي إن الريال بأول الزواج يكون مشتط حيل .. يغار وايد .. حمش على غير سنع .. حجر بزيادة .. وايد يتأمر .. وايد ينتقد .. إذا عصبي يصير دبلات .. وتضارب الآراء ماله والي .. وغيره وغيره
لكن مع الوقت يطخ ويمل واتطيح مكينته ويصير شحليلاته يهبل واينن ومافي مثله
السؤاااااااال هو :
اشكثر يبيله زين الشباب على ما يوصل حق هالحالة ؟؟
سنة ؟ سنتين ؟ عشر ؟
أكيد كل ريال غير بس يعني .. حسب تجاربكم .. سولفولنا 
على حسب شخصيتج تقدرين تخلينه شهر شهرين ويرد لحالته الطبيعيه
لكن مع العناد والهواش والمجاكر راح يطوووووووول معاج
اذا شافج واعيه وبالج طويل وتسمعين الكلام خلاص يهدى ومايستمر لكن اذا شافج كل شوى معصبه وتقولين مابى ومابى راح يطول معاج
مبروك مقدما
بي الحين عقب 4 سنوات طخ بس همن مو واايد
مشكلتي فيني شوي عناد وماحب أحد يفرض شي علي .. ولما أنقهر ماعرف أسكت مو لسان طويل وصراخ لالا الحمدلله بس لازم أقول وجهة نظري وأقول رايي ماعبر أحط بقلبي أحس يطفح بروحه
wa7sha
4 سنوات مو جنه وايد ؟ يا حسرتنا
وكذلك في زوجة اسبوع وتطفش وفي زوجة تخليه يعاند لما تتهاوش معاه وفي زوجه تطخخه بالتفاهم..
انا من ناحيتي زوجي جذي نفس المواصفات اللي قلتيها والحين صارلي سنة و6 اشهر والحمدلله طخت وايد امور فيه
في بعضهم يطخ بسرعه وبعضهم يبيله وقت مثل الي عندي ماطخ الا بعد ماطخت روحي هههههههههههههه
لكن المهم انج ماتعاندينه وطولي بالج عليه شوي ترى الريال مثل الياهل ويمكن اكثر
الله يوفقج ويسعدج حبوبه
واذا انتي كله ان شاء الله وعلى امرك ما راح يطول لان بيزهق الا اللي طبعه جذي غير
يعني مو على كيف الوحده
يعني بعد سنه تغير ..
اللي تعلمته من مشاركاتكم : أصبر عليه وما أعاند ولا أرادد وإذا حمق أسكت + أطول بالي ليما يطخ بروحه يعني ما أتحرش فيه وأشعللها
ياربي هالشي بديهي وسهل بس مادري ليش حزة الصجية أنسى هههههههههههههه
لا مو كل الرياجيل جذي
بعضهم على ابو انه يبي يبرز شخصيته
بس مع الايام يطخ