لكل المتزوجات، كيف تم الاختيار

السلام عليكم ورحمة الله وبركاته

كيف حالكم ، بغيت مساعدكم بموضوع بسيط

إذا تقدم للبنت شخص من العايله أمه نعرفها بس الولد مو حيل يعني هو قريب من عمر أخوي الكبير بس العلاقه مع بعض جدا سطحيه أما اخته لا حيل معاي لأن بعمر بعض وأمي لما قالتلي عن موضوع الخطبه قلتلها أبوي شنو رايه بالموضوع فقالت ما قال شي غير إن الولد ساكت (يعني طبيعة الولد ساكت) فابوي ما يعرف عنه شي

اللي عرفناه تخصصه ووظيفته وعمره أما أخلاقه ودينه ما نعرف عنه
وأمي ناطره الرد مني ومحد راح يسأل وأبوي يقول لأمي اسألي أمه
بس فشله وتحس إن الأم ما راح تقول عن ولدها شي مو زين وبتمدحه
وأبوي وأخوي قاعدين بمكانهم

فبهالوضعيه هذي شتشورين علي
على فكره الموضوع صارله ثلاث شهور وناطرين الرد

شي طبيعي الام والاخت مايبون يفضحون ولدهم مهما كانت فعايلة

انتو اسألو جيرانهم

اسألو اصحابة

الموظفين بالشركة روحو اسالو عنه هناك

لازم السؤال لان ياما سمعنا قصص بعد ماتورطت فية طلع منيل الف نيلة

ومهما يكونون الام والاخوات طيبين ترى مو شرط يكون هو مثلهم طيب ومحترم

فالسؤال شرط ضروري

وليش حبيبتي ناطرة 3شهور ماسالتو عنه

يالله من اليوم سالو عنه وربي يسعدكم ويطلع خوووش ولد ويوفقكم مع بعض يارب

شموسه كيوت

جزاج الله خير

قلنا لأخوي يروح له بالدوام ويسأل عنه بس مو راضي يقول أنا مالي شغل المفروض أبوي اللي يسأل
وأخوي ما عنده خبره بالمواضيع هذي عشان جذي رد بهالطريقة

بس الجيران والأصحاب حلوه وبالمسجد بس برايج منو المفروض اللي يتحرك

آنا قاعده على نار وامي تحاتي بعد

كلمي ابوج

والله يوفقج حبيبتي

حبيبتي مهما سالتي ترا والله محد هالايام بيذم لانهم يخافون يقولون فلان تكلم على ولدنا لو تسالين ماافي ذمم ترا بيقولون مااندري ولا بيمدحونه
انا اقولج اسالي ربج اللي ابرك من الخلق واستخييييييييييييييييري مره واثنين وثلاثه

ما أقدر استحي شقوله إذا هو ما قالي شي
أمي هي اللي كلمتني بالموضوع

جزاج الله خير

لا أكيد الناس عندها ضمير ما اعتقد بيجذبون أو بيغطون عليه هذا زواج

وإن شاء الله ناويه أستخير بس بالأول لازم أستشير

جزاج الله خير

حبيبتي خلي امج تقول لبوج يسأل عنه بالدوام يعني يروح مكان دوامه ويسأل مافيها وبعد اخوج تقولين يعرفه خليه يسأل ربعه اللي يجلس معهم بالديوانيه اذا تطابق كلامهم بالدولم والديوانية استخيري وتوكلي على الله وانا اشوف انه كثير ثلاثه شهور والريال مو بعيد يكون دور على غيرج وماينلام

الله يكتب لج اللي فيه الخير

شوفي حبيبتي لااااااااازم تسألون عنه غير امه واخته لأن مهما كان ماراح يقولون عنه شي مو زين فالأفضل تسألون في دوامه ربعه الناس اللي يحتك فيهم والله ييسر امرج واذا كان فيه خير وصلاح لج يجعله من نصيبج،،،

حبيبتي لازم تعرفون اخلاق الولد موشرط اذا الام والابو زينين ان اهوا زين

وان شاءالله اذا طلع زين وارتحتي له توكلي على الله

والوالده دايما تقول كلمه ما انساها: تقول ان الام والابو اذا كانو زينين ينصحون ولدهم اذا اذى مرته او ضايقها بشي عرفتي

الله يوفقج

أمي لما سألت أبوي شسويت عالموضوع ساكت

وأخوي ما يروح الديوانية

وعارفه إن ثلاث شهور مدة طويله عشان جذي كتب الموضوع والولد ليلحين موجود وأمه اتصلت على أمي بس ما ردت عليها من الفشله شتقولها وأمه قايله لأمي إنهم مو مستعجلين

جزاج الله خير

جزاج الله خير

صح كلامج

جزاج الله خير

حاولي تقنعين ابوك او انتي حلفي اخته وامنيها تقولك كل شي عنه دامها قريبه منك مرره..والله يرزقك اللي فيه خير

غلا زوجي

جزاج الله خير