لقاحh1n1 من مع التلقيح ومن ضده ؟

السلام عليكم و رحمة الله و بركاتة:

نظرا لما يمر به المجتمع من ظروف صحية ، توجب علي كتابة هذا الموضوع…..و تعمدت الإختصار…
كلنا قد سمعنا باللقاح الذي من المفترض أن يكون حلا لمشكلة الانفلونزا ، و لكن هل يصح أن نعالج المشكلة بمشكلة أكبر.
في الحقيقة لقد عملت دراسة حول الموضوع ، و ما توصلت إليه كان كالاتي:
1- و جدت في تقرير لاحدى محطات الأخبار الأميركية أن اللقاح له 302 عرض جانبي – 20% منها دائمة كالخلل العصبي و التوحد عند الأطفال.
2- أن اللقاح لا يحمي 100% من الانفلونزا.
3- أن اختراعه كان حلا لمشكلة الهلع العام – كما حدث في خليجنا الحبيب.

"قل لن يصيبنا إلا ما كتب الله لنا هو مولانا و على الله فليتوكل المؤمنون"
كل وحدة تكتب رايها للأستفادة .

وعليكم السلام
حبيبتي امريكا قاعده تلعب لعبه على العرب !
ناااس واايد من امريكا يو الكويت شافو الخبه اللي صايره انصدمو !!
لان امريكا مو خابه نفسها او هالتطعيم مو زين …
انا عندي يحوووشني المرض ولا اني اخذ تطعييم لان اذا حاشني و طبت منه راح تكوون مناعتي قويه
بس التطعيم معرووف مع الوقت يقلل المناعه !!
و ديربااالكم تطعمون عيالكم …
لازم نسوي حمله ضد التطعيم !!
D;

ضد وبقوه

جوفووو وتأكدو

https://www.youtube.com/watch?v=mScGC7nFDxM

اكيد ضد ..

مدري صراحه انا ضد بس عندنا في السعودية طلع وزير الصحة السعودي الدكتور الربيعة واخذ اللقاح واعطى بنته قدام الاعلام عشان الناس تتطمن بس مدري للحين وش بيصير الله يستر ويزيح هالغمه …

ضده اكيد شي يخوف

من قال امريكا مو مسويين خبه دشي مواقع شبكات الاعلام عندهم و بتشوفين ان في مواضيع وايد تنكتب و تنقال عن المرض.

الله الحافظ.
أنا ضد التطعيم

انا بالاول كنت مع التطعيمن قبل لا تظهر النتائج السلبيه
بس الحين انا ضده مليون مره
عندي يحوشني واذا مت موته وحده
مو يصير فيني اشياء ثانيه مثل الشلل اللهم كافينا
وبالاخير
الحافظ رب العباد

انا بأمريكا الحين وحامل بشهر الثاني وعطوني هاللقاح وحدي مخترعه الحين لاتشوفوني خفت من دريت انه الي عطوني ياه اللقاح لاني ماكنت ادري عنه وانا بعد ميح انجليزي وريلي يتفاهم معاهم بس يقولون انه هاللقاح عادي وكل حامل لازم تاخذه

الله يستر مادري قاعده احاتي اخاف يضر البيبي ولا انا بطقاق أموت بس الي فبطني ابيه يعيش ومايضره شي اللقاح