|
|
السلام عليكم و رحمة الله و بركاته
,
,
,
شلونكم بنات شخباركم عساكم بخير 
طبعا انا عزوبية بس ادش هالقسم مرات و اشوف المشاكل اللي فيه
لاحظت فيكم شغلة ماااكووو كلمه مااكوو شخصيه باختصاار من اتزوج الوحدة فيكم تنمحي شخصيتها و ارادتها و كل شي كانت تحلم فيه
تصير تفكر زوجي و زوجي و زوجي
زين حلالج فكري فيه و شيبي مبجر
بس السؤال اللي يطرح نفسه
الزوج لما يخون ليش تساحلون فيه و تدورون له اعذار ؟
من زينهم هم يعني ؟
ابي افهم من زين طبايعهم
هذا انتو ما خنتو مع كثرة تقصيرهم و خياناتهم
اللي زوجها خانها ليش ما تمسح فيه القاع و تعلمه ان الله حق ؟؟؟
الله عليكم معرووف من أمن العقوبة اساء الادب
شكوو تخبون عمركم و تنتحرون الا شوي عشان ترضونه
منو مفروض يرضي الثاني @@
الحين خانج سواء كلم وحده او طلع معاها او او او الزبدة خانج
ليش ما تقلبينها على راسه عشان يتأدب
و بعدين ليش ما يخافون من ربهم !!
يعني فوق انه عاصي فهو محصن ماله حق بأي شي
صدقوني يبيلكم تراجعون نفسكم عمره الضعف و التساهل بالغلط حل
هذي شغلة
و الشغلة الثانية
سالفة التحكم
يعني قريت موضوع عبالي غشمره مع احترامي لصاحبة الموضوع و زوجها
عشاان عدساات يزعل !@@
ووصلت فيهم يتحكمون تلبسين عدسات و الا لآ @@
ماني فاهمه يعني رايحه زوارة عند اهلج و محرم عليج العدسات
لا جد غشمرة و الا صج ترا مو مستوعبه !!
يعني لحظه و يزعل بعد @@
على شنووو
هالوضع لا يطاق
لازم لكم شخصية هيبة باختصار لازم زوجج يتأثر فيج و يحترم آرائج و كل شي
يعني ان لنفسك عليك حق
انا ماقول اعصو ازواجكم و لا احرضكم عليهم
بس بالله حطي نفسج مكان زوجج
تقدرين تخونين ؟ تقدرين اتكلمين شباب صداقه مو حب << مادري استغربت هالشي يشفع لهم عندكم
يعني و ربي احس الوضع غلللط
مادري اعتقد في شي غلط
او انا ما افهم << هذي مستحيله طبعا
الوكاااد عن الضعف و خلو لكم موقف عن حياة الذل و المصخررره
و ما اقصد احد بموضوعي و صاحبة العدسات اللي ضربت فيها المثل العذر و السموحه بس كان موضوعج مثال حي ع اللي بقوله
و ثنكيوو على حسن الاستماع هع .gif "Eh S(8)")
ولا يقلل من شأنها
وحروم وينج مختفيه لج وحشه
ماحبيت اطلع من غير مارد
احسج قوووووووويه لوول
والحياة ماشيه ماشيه
غير سالفة بعد ههههههههه
باختصار المركب لازم يمشي
اجل من عذره يغلط اذا ماكو رد فعل
يعطيج العافيه حبيبتي
لازم لكم شخصية هيبة باختصار لازم زوجج يتأثر فيج و يحترم آرائج و كل شي
اسمحيلي انا اخالفج المره مومن حقها تتعالى على الريال وتفرض رايها لان السلطه(والقوامه) بيده وذكرت هالحجي من قبل ولعيونج بعيده لج عشان تستفيدين
في الترمذي وغيره عن النبي صلى الله عليه وسلم أنه قال : { استوصوا بالنساء خيرا فإنما هن عندكم عوان } فالمرأة عند زوجها تشبه الرقيق والأسير فليس لها أن تخرج من منزله إلا بإذنه سواء أمرها أبوها أو أمها أو غير أبويها باتفاق الأئمة . وإذا أراد الرجل أن ينتقل إلى مكان آخر مع قيامه بما يجب عليه وحفظ حدود الله فيها ونهاها أبوها عن طاعته في ذلك : فعليها أن تطيع زوجها دون أبويها ; فإن الأبوين هما ظالمان ; ليس لها أن ينهياها عن طاعة مثل هذا الزوج وليس لها أن تطيع أمها فيما تأمرها به من الاختلاع منه أو مضاجرته حتى يطلقها : مثل أن تطالبه من النفقة والكسوة والصداق بما [ ص: 264 ] تطلبه ليطلقها فلا يحل لها أن تطيع واحدا من أبويها في طلاقه إذا كان متقيا لله فيها .
ترى معظم الخلافات الي صايره عندنا الحين تطاول الزوجه على زوجها ومحاوله انها تكون بمكانه وهذا غلط
جهاد المرأه حسن التبعل موانها تبرز عضلاتها وتطول لسانها وشخصيتها تكون قويه هذا حجي فيه خراب بيوت وينافي الدين اصلا
اما بالنسبه للخيانات فلا تتعممون لو خليت خربت
والي من الاساس يخون هذا انسان موخايف من ربه ويفترض الاهل يتحرون عن النسيب قبل مايزوجونه بنتهم
لان الي عنده دين مايتجرأ ويهتك محارم الله ويحافظ على مرته وحتى لوغلط يصحح غلطه من غير مايتسلط عليه الشيطان
ادري طولت عليج بس لاتحطين هالمعايير ببالج نصيحه اذا مستقبلا الله رزقج بريل در اشتريه بماي عينج وخلج من هالسوالف العميه
لازم الـمـره تـكـوون كـيـان مـسـتـقـل عـن الـريـال ولازم اهـو يـفـهـم هـالـشـي
الـمـره مـو تـاابـعـه لـه .. صـح ريـلـهـا ويـحـبـون بـعـض
لـكـن لـكـل واحـد كـيـان مـسـتـقـل عـن الـثـانـي .. والاحـتـرام واجـب بـيـنـهـم
مـا يـصـيـر الـريـال يـسـتـخـف فـيـهـاا
الـمـره لازم تـعـرف انـهـا عـزيـزه ولـهـا كـراامـه مـالازم تـخـلـي احـد يـدووس عـلـيـهـا
صـح لازم فـيـه تـنـازلات بـيـن الـزوجـيـن .. بـس مـو لـدرجـه الاسـتـهـانـه بـالـزوجـه وعـدم احـتـرام ذاتـهـا
انا كنت اقول نفس كلامج
بس لما تزوجت كل شي تغير
تزوجي وتعرفين شلون الحال يتغير فوق تحت
وتذكري كلامج هذا لان الزواج شي محد يعرفه الا اللي يجربه
اغلبنا قال مثل كلامج
حبيبتي الزواج مسؤوليه
وطاعة الزوج واجبه
ومسامحته على غلطاته مو ماكو شخصيه
هذا عقل من الزوجه عشان تمشي مركبها الين يرسي .. ما تغرقه
ولنا الاجر يالزوجات ان تحملنا
انا مستعده اراضي زوجي حتى لو اهوا اللي زعلني .. لاني ابي ربي ياخذ امانته منه واهوا راضي عني
ولا اخليه زعلان وتحرم علي ريحة الجنه
ومستعده اطيعه بكل صغيرة وكبيره
هذا زوجي وما قالي اسوي شي الا من حبه لي ولاني احبه اطيعه
ومستعده اسامحه على كل غلطاته ان غلط بحدود العقل طبعا لاني مرة ابي اقوم حياتي الزوجيه ما اهدمها
ومستعده اسوي المستحيل في سبيل اني اخذ الاجر من ورا طاعتي وخدمتي لزوجي
ودام ان المرأة اقوى من الرجل
فنقدر نتحمل .. ليش نضعف ..
اسفه يعني بس كلامج ما يازلي
بس مشكورة على كل حال