لا لتانيث مدارس البنين !!!!! ولا لرئيسات الاقسام والموجهين الوافدين

السلام عليكم ورحمة الله وبركاته

انا ابلة انقليزي ابمدرسة بنين والوضع لا يطاااااااااااااااااااااااااااااااااااااااااااااااا اااااااااااااااااق

والله والله الله يشهد ان الحصه كلها تروح صراخ ما اشرح شي

توني متعينه الكورس اللي طاف … والله مستشفى الولاده صراخ الحريم فيه ارحم
الابلات يصارخون
والمشكلة احنا من مدارس الجوده وجوده على الطل
ولا اكو تقدير ولا احترام
الصبيان قليلين ادب والله طولي مايحترمون ووووو الدرجات اتلوع الجبد ولا جنج تشرحين انا ميدانيي كان بنات فرق السما عن الارض….
الزبده انا تعبت من الصراخ والهواش والطق شي يلوع الجبد بطني عملية قيصريه احس عمليتي تبي تتبطل وفي ابلات غيري شكثر مو بس انا ….

احنا حريم مو استغفرالله نتعب تنزل علينا الدورة نحمل مافينه حيل طووووووووووول السنه انصارخ مدارس البنات الهواش معقول ومن نظرة البنت تبجي… اما الصبيان ارف تكفووووووووووون ابلات ماكو حل ان يلغووون قرار تانيث مدارس الصبيان !!!!!!!!!!!!!!!!

يبيلهم رجال يزفهم يعلمهم الرجوووووله مو استغفرالله….. مستحيل ادخل ولدي مدرسة حكومه ….

لا لا لا لا لا
لا لا لا لا لا لا
والف لا ان الحريم يدرسون صبيان واللله قمت اخاف ع صحتي توني 22 احس بيصير فيني ضغط وسكر والقلب

التربية صايرة اكس اب اكس

وووو التعليم متدني

والمناهج خربوطيه

غيري رئيسات الاقسام والموجهين الوافدين ياعمي روحوووو ديرتكم لاب****** لاب*******

رئيسة قسمي الحمدالله والشكر مو كويتيه وووو كارفة الكويتيات كرف المادري شقووول لان حدي عصبت… وراحمه ربعها

والله والله افكر استقيل والله

والمشكلة وفوق كل هاذا متعينه هاء مع اني بكالريوووس عشان ما آخذ كادر

لابو كادركم كادر الفقر .. ماشفنا وحاسدينه وهالوافدات مطلعيلنه قروووووووون

لو اتكلم ما اخلص

اللي بتقول قدمي نقل بنات هاذا اللي بيصير باذن واحد احد

القاعد يصير ان طموح الابلات الجدد اللي انا منهم قاع يموت وينقتل الله المستعان

والله عااد تبين الصراحة

قرار تانيث مدارس الصبيان فااااشل فشل ذريييييع

كافي الولد ممكن يرسب بخامس و بالاخير يبلغ و انتي اتدرسينه

هاذي المشكله
عندي برابعه جم ولد راسب اللي على سنتين وسنه كبار !!!!!!

الله يعين
هم حاولي تقوين شخصيتج عندهم
وخليج حازمة بلا صراخ

بس انا متحفظة ع كلامج ع رئيسة قسمج
لان كل رئيسات الاقسام
هذي وظيفتهم
لازم توزع الشغل وتشرف عليكم
مافي راحة١٠٠٪ مع
التدريس
وقولي الحمدلله
توج بادية وعيالج صغار
ومسؤولياتج اقل
عالعموم
سنة عن سنة
بتزيد خبرتج و تكثفين جهدج ع شغلات تسوى بتكتشفين انج
كنتي تضيعين وقتج
ع شغلات ماتسوى

ماااااالومج العن واسخف قرار انا كنت ابله بنات ونقلوني هالكورس بنين
اقسم بالله قاعده ادور واسطه احول اداريه
انجنيت ونفسج والده قيصريه من كثر الصراخ بطني يعورني
وادارتي استغفرالله لاااااااااااتعليق
والصبيان مايخافون من الحرررررريم
ارحمونا من هالقرار الفااااااااااااااااشل

احتسبوا الاجر بوظيفتكم وانا اؤيد ان الادارة والرئيسة تلعب دور بنفسية الابلة فالبالنسبة لتانيث مدارسسس البنين اشوف الهوشات خفت لان الحريم احرص عالاطفال وهذيلي اعتبريهم اعيالك انا اعيالي بالابتدائي الصبيان ييعرفون شخصية الابلة يحترمون القوية الحازمة ويعاندون اللي تصارخ والله خوفوني بالصبيان تخيلي قدمت نقل من مدرسة بنين وقبل لا يمشي قراري جربت تدريسهم شفت فرق لما تعاملينهم بهدوء واحترام والله تملكين الصف وانا يمرون علي ابلات صراخ والله يكسرون خاطري الجهال فانصحك تبدين يومك بالدعاء والحمد وتدرسينهم بالداتا شو بطرق تجذبهم وتعطينهم هدايا حلوة وتوزعين عليهم القاب يحبونها واحتسبيه لله والله يعين

الله يعينك على الصبيان

وبالنسبه للوافيدين اكيد هما وصلوا لرئاسة القسم بمجهودهم وشهادتهم وخبرتهم ال انتي لسه موصلتيش لها

والتميز معتقدش محدش بيجي علي راسه الشغل زي المعلمات الوافدات ولو رئيسة قسمك ظالمه فيه منطقة تعليمية تقدمي فيها شكوي والكل هيقف معاك لو مظلومة

تحيه لكل الوافدين ال وصلوا لدرجة بدون واسطة

وانتي شفيج شايشه علينا يا حظي
محد خرب التعليم بالكويت غير الوافدين وقراراتهم الهابطه والحريم المعقدات
لو نطردهم من الوزارة احنا بخير

الله يعينج يا صاحبة الموضوع على وضعج
انا تعيين جديد بعد وشفت الضيم وكل ما قالوا لي شي ما وافقت

محد خرب التربيه غير المعلمات الواقدات اللي لو يجي الموجه يقولها احذفي نفسج من السطح حذفت نفسها عشان التقدير

لابوهم لابو تقديراتهم معاهم
مو كل شي يامرونا فيه لازم نسويه!! واخرتها اذا تدنى مستوى الطلبه قالوا من المدرس…. ما ينلام المدرس اذا كره التدريس ودرس اي حاجه على قولتهم

الله يعينكم صراااحه

الله يعينكم معلمات
أدري إن حتي قلاص الماي بالدوام حسره عليكم
أنا أقول لا تطلعين من التربيه و اهي فعلا كلها تعب في تعب و انتي في بداية المشوار
انتقلي روحي مدرسة ثانيه حاولي تروحين مدرسة بنات و إذا يأستي من النقل و ما نقلوج
روحي نقل متوسط حاولي
و بجذيه تفتكين من البنين ،، وتري ماكو فرق غير اسبوع عطله زيادة
لا تطلعين من التربية صبري شوي انتي صغيرة جربي ممكن ترتاحين مكان ثاني
و الله يعينج ،، يبيلج صبر و ممكن تتأقلمين علي الوضع بعد فترة

الله يوفق الكل…

اذا فيه خير الواحد خيسوي خير حق ديرته !!!!

على قولتج عادي يقطون عمرهم.. وتجيج الموجهه تقولج شوفي فلانه … وووو اللي عندنا يسوون شغل رئيسة القسم… واهيا تموووووت وتخلينا ( الكويتيات ) انسوي شغلها …قطع

معاج حق لمن تقولين الحريم احرص على الأطفال… الاطفال اللي بالصف الاول والثاني والثالث.. اما الصف الرابع والخامس مو اطفال..

وكل حصصي بالداتا شووو … >>> ولا تعتقدين انه شي ايجابي الداتا شوو مثل ماله مميزات له سلبيات … يضيع وقت من الحصه وانا اركب الوايرات والوصلات ويبدا الازعاج ..

واعطيهم هدايا… وكل شي …
البنات غير جربتهم … ادب واخلاق ووووو ترتيب ونظام ووو اهتمام ..
الصبيان بطبيعتهم عدائيين ووو كله يتهاوشوون ويطقون بعض وووو ماكو اهتمام ووو لا حرص.

والله يوفق الكل ..

يعطيج العافيه على هالرد الحلو..

مو هاذا اللي بيصير راح اقدم نقل والله كريم..

ماتدرين شكثر اجب التدريس وووو كان فيني حماس مو طبيعي .. بس مات مع الاسف ..

حاسه فيج