كيف اتفاهم من البداية

احب تشاركوني يأقترحاتكم ولي عندها خبرة ترد على بنصايحها تعتبروني وحدة من خواتكم
المشكلة زواجي قريب من مطلق وعندة بنت صغيرة عند امها أنا خايفة منة

خايفة اني ماقدر اغير حياتة خايفة انة عصبي احس انة بطبق علي قوانين ماقدر يطبقها على طليقتة اخاف يجبرني اني اربي بنتة مع اني رافضة تربيتها من يوم تقدملي
انا شخصيتي طيبة ومسالمة ماحب المشاكل ما حب اناقش ارضي بالواقع
الكل يحذرني اخذي حقج من البداية لا تسكتين لة فية ناس تقولي بالعكس طيب طليقتة شخصيتها قويه ماقدر يكمل حياتة معاها
الي ابية اشلون اتعامل معاه من البداية

ما ادري والله
شوفي انتي وافقتي عليه وتدرين انه مطلق ويامالج من الحرات
المهم شوفي امي قالت لي شغلة وصج نفعتني حيل كنت ابي الطلاق
بس مسكتني ونصحتني يا بعد عيني عينها قالت ياوليدي شوفي طبع زوجج
وشوفي شنو يحب وامشي معاه نفس طبعه وبتشوفين الفرق
فعلا انا طبقت نصيحتها وصرت نفس طبع زوجي والحين
الحمدلله يموت فيني وما يرضى يزعلني
انتي شوفي طبعه وصيري نفسه وسوي الل يحبه وادعيلي

شوفي حبيبتي دامج رضيتي بمطلق ازم ترضين ببنته يعني ريلج ماراح يقط بته بالشارع عشانج

وهذي طفله وبصراحه كلمتج ما عجبتني (اخاف يجبرني اني اربي بنتة مع اني رافضة تربيتها من يوم تقدملي )

يعني البنت اكيد بتزور ابوها ولابد انها تنام عندكم واذا صار هالشي انتي شراح تسوين راح تطردينها

حبيبتي بنته حرام هذي مالها ذنب حبيها وحني عليها عشان اهو يحبج ويتعلق فيج وامشي على شور ريلج

عشان المركب تمشي

حبيبتي مو شرط المطلق انه فيه عقد وعيوب الدنيا يمكنه خوش ريال بس ما تفاهم مع زوجته عطيه فرصة قبل لا انتي دااشة للزواج مشحونة ما يصير هذي بداية غلط، وحتى لو كانت فيه عيوب أكيد انقرص منها بعد طلاقه وبحاول يتفاداها ويتغير
وبالنسبة لبنته لازم تعرفين انها أولى فيه منج هي ضناه من لحمه ودمه وانتي بنت غريبة توه يا ياخذج فهمي هالشي وقدريه وبالعكس ليش ما تربينها وتاخذين الأجر ورضا زوجج وربي يرفعج من عنده أكيد لو شافج مهتمة ببنته وتحبينها بحطج بين عيونه ويمكن البنت حبوبة وتستاهل عطيها فرصة يكون عندها أم أحسن من امها وكوني اخت لها قبل أم والله يوفقج

لسا بدري
ومعتغد بيجيب بنته عندج
ولتحكميين عليه
الا ليين تعشرينه
حنا مزوجيين ازوجنا كل يووم بحال
الله يوفقك ان شاء الله
حنا منبي نضلم رجل

انا معاها
وبالتفاهم كل شي ينحل
واللة يوفقك

حبيبتي المطلق باكج كامل يجيج مع عياله ولازم تقبلين

انا عن نفسي سويت مثل ماقالت وحدة من البنات تقبلت اطباعه والحمدلله وايد اهله يقولونلي انه يمدحني مو يعني انه ماكو مشاكل بس المقصد انه مريحته بوايد شغلات

بنته صغيرة كسبيها

انا بنته كانت تكرهني وتناديني باسمي اول سنتين تقريبا وماتحب تقعد بالمكان الي اقعد فيه وهي عمرها 12 سنة تقريبا
الحين اهل امها يقولون حق ريلي مرتك وايد زينة حتى اختنا >> طليقة ريلي تمدح فيها

قلتله انا سويت باصلي ومالي شغل بالمشاكل ولا حتى معاه تدق عليه تكلمه ام عياله ماقدر اقوله لا ولا احس بالغيرة كللللللللللش لانه تركو بعض كارهين بعض

اذا بغيتي اي شي راسليني علىالخاص والله يهدي سرج
معني اشوف اذا ما تقدرين على هالحياة من الحين انسحبي قبل الزواج

اشكر كل الي ردو علي برتو قلبي انا مستعدة اربيها وحطها بعيوني بس الكل يقولي ابعدي من البداية اذا ماتبين المشاكل الكل يقول البنت مسؤولية بكرة بتقيدين معاها في طلعات وزيارات بكرة بتنكر الجميل وبضل انا مرت ابوها
دايمن يقولون بكرة بيمنعج من طلعات عشان تحرسين بنتة مراح تاخذين راحتج في بيتج

مع ام دعيج مشالله عليها

اذا على البنيه خليها عند امها احسن لهل ولج واذا على الريال اهم شئ اخلاقه وانو يكون زين اما عن التعامل خلج ثقيله وخير الامور الوسط ومن هني لين هذاك الوقت لكل حادث حديث وااااااااااااااهم شئ الثقه بالنفس

استخيري دام اهو زين ان شاء الله ما كو مشاكل
وانسى انه مطلق اعتبريه انتي اول زواج له ومالج شغل بالي قبلج

واذا على بنته باجر ولا بعده راح تضطرين تحتكين فيها فخلي معاملتج لها طيبه

والله يوفقج ان شاء الله

معاها

حبيبتي مالج شغل بكلام الناس وبعدين البنت امها موجوده يعني ماراح تكون معاج 24 ساعه وبعدين ليش بتحرسينها !!!!!

بصراحه هالناس بخربون عليج انتي سوي اللي يمليه عليج ضميرج ومالج شغل بأحد لا تخلين الناس تتدخل بحياتج

ويقررون عنج !!!!!!! ترى غلط

والله انا عمي كان متزوج وطلق زوجته وزوجته الثانيه ربت ولده مع انها بس كانت تشوفه بالويك اند والله ان الولد قال حق

ابوه انه يبي يعيش معاه وعاش معاه وترك امه وما ينادي مرت ابوه غير ماما فلانه ولصبي الحين ريال بالجامعه

وعاش عند مرت ابوه من يوم اللي عمره 10 سنين ترى بالمعامله الزينه وبالطيب كل شي يصير

الله يهنيج ولا تقطين اذونج حق بذور الشر