|
|
هلا بنات
اشلونكم عساكم بخير ان شاء الله
والله ان هالقسم عزيز علي لان احس فيكم وبمعاناتكم وبكل الي تمرون فيه
ويارب ايسر اموركم ويرزقكم بالقريب العاجل ياارحم الراحمين
=-=-=-=-=-=-=-=-=-=-=-=-=-=-=-=-=-=-=-=-=-=-=-
لكل الي مايعرفني انا اعاني من التكيس وضعف بالتبويض وقعدت فتره اعالج والحمدلله الله رزقني بالحمال
وطبعا خلال مرحلة العلاج كنت اكون حيييييل حساسه وما ابي احد ايب لي طاري عن الحمال
وملييييييييييييييييييييييييييييييييت من هالاسئله الي مثل :
ها ماكو شئ بالطريج ؟؟
ليش ما تروحين تفحصين ؟؟؟
بدخل بالموضوع :
السبب الي خلاني اصلا استشيركم ان لي صديقه عزيزه متزوجه من 5 سنين وللحين الله ماكتب لها الحمال
(الله يرزقها وكل محروم ) واهي ما تدري اصلا اني كنت اعالج وحملت
ودي اقولها عن علاجي واحسسها ان اعرف مشاعرها و ودي انصحها او عالاقل اقول لها
عن هالمنتدي وعن هالقسم بالتحديد لان فيه شغلات وايد ممكن تستفيد منها
بس ماابي اضايقها وممكن تفهمني غلط او اني ادخل بخصوصياتها
والي صج ما ابيه اني اكون مثل الحريم الي كنت اعاني منهم وقت علاجي الي بس يشوفوني
يقعدون ينصحوني ويقولون لي اسامي دكاتره ويسئلوني الاسئله الي ذكرتها فوق
هاااا اشرايكم اكلمها ولا ما اكلمها ؟؟؟؟
راح اتقبل رايكم بكل رحابه صدر لاني اصلا ما كتبت لكم الا لاني اثق فيكم
=-=-=-=-=-=-=-=-=-=-=-=-=-=-=-=-=-=-=-=
وبالاخير اتمني انكم تدعون لرفيجتي وكل محروم ان الله يرزقهم بالذرية الصالحة ويعوض صبرهم خير ان شاء الله 
يمكن تتحسس شوي بس يمكن يكون عندج حل تستفيد هي منه
والله يرزقها ويرزق كل محرومه
بس والله مادري اشفيها الناس صايريين مايحبون اللي ينصحهم وعلى طوووول يفهمون كل شي غلط ؟؟
وبعدين منو اللي الحين مادش النت ؟؟ والااا ماتعرف ابر التنشيطوالادوية والدكاتره ؟؟اكيد راحت وعالجت مومعقوله 5 سنين وماراحت ؟؟
اذا اسألتج قوليلها بس جذي …لااا بصراحه جنها تطفل وانتى مجربة هالشي من قبل
مثلا تكلمي عن الاكل او الازياء منه تطرقي حق المنتدي ومع الكلام قولي عن هالقسم لي قصه علاجج احسن حل
وربي يااااااااااااااااارب يثبتلج حماالج يارب ةتيبين توأم يااااااااااااارب ياكريم وريرزق رفيجتج قبل لا تفاتحينه يارب ويرزق كل محرومة يارب ..
انما الاعمال بالنيات وانتي نيتج سليمه
الله يرزقها ان شاء الله
لان يمكن تكون حساسه وما تتقبل واكيد انتي عارفه هالشعور
و جزاج الله خيرعلى نصيحتها
ياعمرى اول شى الله يعطيج على قد نيتج اللهم امين يارب 000
ياعمرى قولى لها عن علاجج وشنو سويتى بس لا تقولين لها سوى ولا روحى عند فلان او فلانه 000 قولى لها قصتج واذا هى اسالتج وين رحتى ولا شنو سويتى انصحيها 000
وعسى الله يتمم لج على خير ياعمرى ويفرح قلبج باللى يقر عينج ويبر فيج اللهم امين يارب ويارب يارب يارب يرزق رفيجتج اللهم امين يارب ويفرح قلبها اين امين امين ويرزقنى ويرزق كل محروم ومحرومه منهم اللهم امين يارب
وان شاء الله راح اتبع نصيحتكم
وعسي الله يرزقها ويرزقكم وكل محروم بالذرية الصالحه بالقريب العاجل
بس لحي عليها تدخل علشان تستفيد ولاتروح اي مكان اتعالج ويقصون عليها مثل ماصار فيني