|
|
بنات ووايد اشياء لاحظتها وانا بالاربعين امي تقول شي والدكتور يقول شي مثل
1- المهاد: امي تقول مهدي البنت عشان لاتصير رخوه والكتور قالي لاتمهدين عشان مايصير خلع
2- سكر نبات: امي تقول حطي مع الماي سكر نبات والدكتتور يقول اهو اللي يتفخ البطن يصوي غازات حطي سكر عادي
3-ماي غريب :الدكتور يقول مو زين حق الياهل بهالسن وامي العكس
4-العطورات والبودره : الدكتور قالي لاتحطين يسوي حساسيه وامي عاادي
5- اظافر البيبي:لاتقصينهم لما بعد الاربعيين مو زييين<<انزين بفهم ليييش؟ سألت الدكتور قال عادي
وواايد اشياء مو ذاكرتهم اختلاف كبير بين كلام الدكاتره وكلام الامهات وطبعا كلمه امي الشهيره يبتكم 6 مشالله ماصار فيكم شي
انتو شرايكم ؟
وبعديييييييييييييين بتشووووووووفين الاختلاف الكبير وقت الاكل الي يقولج وكليه بالرابع والدكتوره تقول لمن يكمل السادس واخذي تحطلم ان انتو بتسوون روحكم تعرفون اكثر منا واحنا ربينا ومن هالكلام
فنصيحتي لج سوي الي انتي مقتنعه فيه
الاحسن انه الريل مفتوحة علشان يركب العظم عدل
علشان جذي اللي فيهم خلع يلبسونهم حفاظتين فوق بعض
أنا ولدي كنت امهدة عادي بس بنتي قالي الدكتور انها معرضة يصير فيها خلع فما كنت امهد ريولها فانت شوفي حالة بنتج.
سكر النبات :
انا احس انه احسن لأن (سكر النبات اهو سكر الفاكهة) وهو عبارة عن سكر طبيعي بس إذا كثرتي منه ممكن يسبب سهال والسكر العادي سكر صناعي فانت شوفي اللي تحبين الطبيعي ولا الصناعي؟!
ماي الغريب : ماعندي فكرة عنة
العطور والبودر :
العطور ممكن تسبب حساسية للطفل والبودر ماسمعت انه يسبب حساسية بس لازم تحرصين ان الطفل مايستنشق البودر أو يبلعة (يعني لا تحطين على يد الطفل لان يحطها بحلجة وبعدين يبلع البودر)
أظافر البيبي :
لازم تقصينهم عشان مايشمخ ويهه (انا هذا رايي)
وانت إذا ام يديدة لازم تثقفين نفسج أكثر من مصادر موثوقة (أنا بشكل عام أثق بدكاترة الطب البديل) لأنهم يجمعون بين الماضي والحاضر 
والله يوفقج ويخليلج بنتج
بالمنتدي واااااااااااااااااااايد ارتحت و امي بالاول تتحلطم و تقول صعبه و معقده بس بعدين حتى اهي قالت يحلو
و الله احسن هذول (: جربيهم
و الاضافر عادي لبسيه دسوس على طول عشان ما يشمخ نفسه و اذا طلعتي قصيهم
ماي الغريب اذا فيه مقص عطيه زين بس اذا كل نايم و مافيه شئ ماله داعي
و العطور ما ادري اكتفي بالبودر احسن
هذا بما اني ام قديمه >>>>>>>>>>>>> نصيحه دور حل وسط او سوي شئ انتي مقتنعه فيه و مو كل شئ يقولونه الدكاترة صح
انا اللي باط جبدي الدكتور اللي قال لا تعطينه ماي ؟؟ مع الرضاعه الطبيعيه ما واجهت مشكله
بس مع الصناعي امبيييييه اشلون و حلجه كله ابيض من الحليب و الله هلامرة سمعت كلام امي
و صرت بعد الرضعه اعطيه ماي عشان يتنظف حلجه تعبت من الفطريات
بالعكس زين المهاد بهالعمر لان تلاحظين الجاهل دايما يتمغط ودايما يفز من نومه بهالعمر فالمهاد حلو له بس لا تشدين من عند رجوله
2- سكر نبات: امي تقول حطي مع الماي سكر نبات والدكتتور يقول اهو اللي يتفخ البطن يصوي غازات حطي سكر عادي
عطيه سكر نبات بس لاتكثرين والسكر العادي دمار توه صغير هذا دكتور خربوطي
3-ماي غريب :الدكتور يقول مو زين حق الياهل بهالسن وامي العكس
انا شخصيا ما احب ماي الغريب اعطيه لعيالي مهما يمدحونه احس له اضرار واذا عطيتهم شوي بس ما اكثر
5- اظافر البيبي:لاتقصينهم لما بعد الاربعيين مو زييين<<انزين بفهم ليييش؟ سألت الدكتور قال عادي
عادي اقصهم اصلا يخرب وجهه اذا ما قصيتهم
والله يخلي لج ولدج يارب
أولا:المهاد ضروري عشان ينام الطفل بهدوء و مرتاح ويبين من التجربة و طبعا لا تربطين المهاد بس لفيه حيل و اعيالنا مو نفس جسم اعيال المصريين يجي متبتب مشاالله طبعا غير
ثانيا:انا قصيت اظافر ولدي بالاربعين و تخيلي طلع دم و اليوم الثاني صارت فطريات حول الاظفر و عصب الدكتور على الاظافر وعطاني مضاد فيعني حرام القص
ثالثا:ماي الغريب زين للغازات و السكر العادي و سامحينا على الاطالة
ماي غريب كنت اعطيه نادرا
يعني كنت بالوسطية اللي ابيه اسوي..
والله يوفقج حبيبتي
شكلنا لازم نسوي اللي مقتنعين احنا فيه ونحسه منطقي
الله يحفظ عيالكم ويخليكم لهم امييين
انا بصراحه ولدي ماينام عدل الا بالمهاد وتووه فجيت عنه المهاد على 7 شهور
وماي غريب زين اذا وياه مغص يريحه وينومه
وسكر نبات احسن من السكر العادي وهذا المعروف كل يهالنا نحط لهم سكر نبات شويه
والبودر تحطينه تحت ملابسه لايقرب من خشمه وحلجه
والعطور موزينه كلش تسبب حساسيه
ومافييهم الا العافيييه