كل ما جيت بجهز لعرس . تضايقت . والسبب ؟

مرحبا بنات ………
والله اني داشة ومتضايقة تصدقون كل ما فكرت وقمت اخطط للعرس طرت على بالي هالشغله ؟
انا عندي حرق باليد اليسري على الزند وسويت عمليه ترقيع وخذوا من الفخذ رقعه والله انها تبين يابنات لا اليد ترقعت ولا الرجل .
تصدقون مدري شسوي بالبدل وباللبس وانا جدا خايفة من الليله الاولى والله ثقتي بنفسي اهتزت مع ان الكل يقول اني اشبه الفنانة زبيده ثروت صراحة انا ما اعرفها بس يقولون انها زينه .
جتني حاله نفسية شلون بواجهه .
بنات بالصراحة وبدون خوف على مشاعري انا قوية واتقبل النقد .
انا ياما رفضت خطاب بسبت هالشيء بس ليمتى بقعد ويوم وافقت وملجت بعد خايفه .
تعتقدون ان هذا عيب .
زين شنو راح تكون ردت فعله ؟
وبخصوص اللبس شنو اسوي .
بنات انا تعودت على هالوضع ابي رايكم بصراحة
ودمتم ……

يابعد قلبي …الله ياجرج ….وقولي الحمدالله على العافية …ناس فيهم أكثر من هذا وعادي ماشية حياتهم …بالعكس جهزي واستانسي والله يتمم عليج بألف خير …وقولي الحمدالله …لاتحريني …كل يوم حمدي ربج وشكريه انج صحيتي من نومج وانتي باتم صحة وعافية وعايشة بين اهلج …وخلي دايما معاني هالاية الكريمة بين عيونج ..(ولئن تعدو نعمة الله لا تحصوها )

الحمدالله كما ينبغي لجلال وجهه وعظيم سلطانه….وان شاءالله ربي يسخرلج زوجج ويصد عيونه عن الاشياء اللي مضايقتج

اي والله انا مع لمويه ..

ولاتخلين هالشي يهز ثقتج.. لوتشوفين بلاوي غيرج بتهون عليج بلوتج..

والله يتمم عليكم ويهنيكم ويرزقكم بالذريه الصالحه

لا والله عادي بس اهم شي يكون يدري واذا يدري

شي عااااااااادي وبعدين الحين تطورنا وصار في كريمات جسم وكل شي

والحمدالله انج حلوه والجمال اصلا جمال الروح

فلاتتضايقيم بالعرس اصلا ماراح يبيبن بالحفله راح يحطولج فاونديشن لجسم
ولما تروحين معاه بيكون مغطى

بس عادي خليج واااااااثقه
في ناس عندهم بلاوي اما الي فيج شي عادي

اختى لاتشيلين هم وتوكلي على الله
وانسي هالشئ
لاتهتمين شنو يقول اهم شئ ثقتج بنفسج وبينى ان انتى مافي شئ ناقصج حتى لو قال
لاتهتمين خلي الامر جدا عاااااادي وقولي انا نصيبي جذي ولا اعتراض على امر الله

بالنبسه للثوب الله يخلي الكريمات

مادام انتى حلوة خلاص اهم شئ الوجه
الله يوفقج ان شالله

صارحيه و خليه يدري بالموضوع عشان ما يتفاجا .. و اذا اهو شاريج يهمه قلبج و عقلج و اخلاقج .. و الجسم شي ثانوي .. انتي سويتي اللي عليج و هذه حكمة ربج وصلتي لهالنتيجه .. قوي ايمانج بالله و توكلي عليه .. و تذكري ان شفتي بلاوي الناس بتهون عليج بلوتج اللي انا ما اعتبرها بلوه .
اذا على بدلة العرس حاولي تاخذين الموديلات اللي فيها كموم او حركات تغطي هالحرق .
و لبسج الخاص بالبيت لبسي على راحتج لا تفكرين بهالامور .
و ان شاء الله الله يسخر لج ريلج و يوفقكم .

مبروووووووووك و الله يهنيج يا رب …حبيبتي مثل ما قالوا البناات من شاف مصيبة غيره هانت عليه مصيبته أنت أهون من غيرج..
روحي دكتوره جلديه أنصحج بالدكتوره دلال التركيت … انا توني احترقت بالماي المغلي صوب فخووذي الله يبعده عنكم ..و الحين معطيتني كريمااات و الله يشافي ..و اي معلوومه انا بالخدمه .. ياليت اعرف شنو سالفه الترقيع؟؟

لاا تشيلين هم وتوكلي على الله

وعالجي عند الجلديه اكيد بتلقين حل
؛
؛
الله يوفقج ويتحقق اللي ببالج

بالعكس في ريايل يعتبرونه اغراء…مثل الشامة

عادي مرت اخوى جذى ورفيجتى بعد ورياييلهم طايرين فيهم ماشالله
الزواج فيه شغلات وايد اهم من الجلد الشخصيه الروح النفسيه الاهتمام باللبس والعطر والشكل والذوق والذرابه بالاسلوب وانتى ويهج حلو وماشالله خلاص خليج ثقه مافيج الا العافيه والله يسلم الفونديشن عادي.

عندي حل لك

اشتري من الصيدليه فازلين مال الايدي والاظافر اللوشن + كريم كفر ديرم مال اللق

اخلطيهم بالخلاط وخليهم بعلبه
زجاج

بشرط
انك كل ما تسبحتى اخظى شويه من هاللوشن ودهنى مكان الحرق
واختاري لون يشبه لون جلدك 100 بالميه

هذا مجرب الحل والله يوفقك
بكره سويه وفرحينى مع فرحتك بالنتيجه

حبيبتي ما فيها شي مافي انسان مافيه طقه ولا حرق ولا علامه بجسمه

بس اهم شي تقولين له لا تفاجئينه .. واذا المكان مو وايد كبير لا تحاتين ترى يتغدى بالفاونديشن .. اشدعوه خو هذا حرق مو عله او شي حبيبتي لا تخلين شي يهز ثقتج بنفسج

ويعل الله يوفقج يا ربي ويسخر زوجج لج يا ربي وتتهنون ان شاء الله

الف مبروك

صدقيني اذا الله سخر لج زوجج والله يشوفج ملاك ويعمي عيونه عن كل عيب فيج .. فيه العن منج وهن احلى زوجات في عيون ازواجهم المهم انتي لا تكلمينه ولا تبينين انج متفشلة لان يمكن زوجج ماينتبه فأنتي تفتحين عيونه خليه شيء طبيعي وقولي هذا حرق بسيط .. وبيني له ان ممكن اي انسان يتعرض للي تعرضتي له .. وترى كلنا فينا عيوب بس انتي لا تظهرين هالحرق على طول حاولى تسترينه لين تسحبين زوجج شوي شوي علشان بعدين مايهمه الامر..

شوفي ياقلبي اهم شى تكونين واثقه من نفسج وانتي مبين عليج خوش بنت وتامنين بالقضاء والقدر يعني لو انتي شفتي ر يلج بهالحاله اشتبين تسوين؟؟؟ طبيعي بتقولين المهم قلبه واخلاقه وحبه لج لاتستعيلين يمكن الريال يتقبلج مثل مانتي والمفروض تقولوله اول ماتقدم وخطب عالاقل امه والاخته يدرون يقولوله بس ماعليج قدر الله وماشاء فعل المهم انتي خليج طبيعيه ولاتحاتين وصدقيني بتشوفين ريلج بيموت فيج ويحبج
حماتي كانت محترقه من رقبتها وبطنها ليما فخوذها ولامسويه تجميل ولايحزنون يوم انخطبت ماقالت حق ريلها تفاجأ بليلة العرس يوم شافها بلع العافيه وقال لها بالحرف الواحد بتكونين انتي ام عيالي اللي مارخص فيج ابد وبحطج بعيوني الثنتين والله يابناااات بجون مبالغه انه الريال يموت فيها ومومقصر عنها بشي ومسويها يادهينه لاتنكتين لا وازيدكم من الشعر بيت حاطلها خدامتين وسايق وطباخه وفيلا يطرد فيها الخيل يالله من فضلك يارب يكون حظج مثل حظها واحسن يارب