كل شي ممنوع ماتسوى علي هالقيصرية :`(

السلام

هذي ثاني قيصرية لي

والجسم الله بالخير لووول

بعرف معقوووولة يعني كل شي صج ممنوع ؟؟

والله انا محبطة للغاية >>>>اهم شي (للغاية)

يعني فكرت حتى امشي منها احرك جسمي ومنها اخفف وزني ومنها اغير جو

الدكتور قالي مو قبل ال3 اشهر

انزين

ورياظة ؟؟

موقبل ال6 اشهر

دقيت على مدلكتي الصينية .. عشان مساج التخسيس
قالتلي نو مداااام افتر 6 منث (يعني بعد 6اشهر)

اعشاب تنحيف وهالسوالف ..
مايصير عشان الجرح

انزين كورسيييه ؟؟
مايصير عشان الجرح

معقولة اوقف حياتي بعدين اقدر اسوي كل هالاشياء
مادري مو مقتنعة
انتو شرايكم يالقيصريات .. دكاترتكم نفس الشي قالولكم

وفترة ال3 لي 6اشهر شنو سويتو بعمركم !! ولا شي ؟؟

والله متازمة

ام مريوم لايظيق خلقج

بالعكس هذا عذر عشان تريحين عمرج وما تحسين بالذنب اذا ما تحركتي لووول < وحده كسوله

انشاءالله البنات يفيدونج

مهما تضايقتي تذكري الهديه الي عطاج ياها الله كل شي لعيونها يهون

بالنسبه لي امشي على كلامهم بالنفاااااااااااااااس اشرب جاي اخضر و اكثر من الماي وما اكل عيش فواكه جرجير قبوط بس بطحين البر يكون مافيه خميره فواكه رطب الاصفر مو تمر سوائل ينسون وكمون وزعتر وزنجبيل بس مو حيل لانه حار امشي بالبيت مو شر ممشى واجهد روحي لأ اجيب مدلكه صينيه تسويلي كاسات هوا اهم شي جتوفي وظهري من برد غرفة العمليات ورجولي يدي وفوق صوب المعده وتحط على بطني زيت النار حيل ارتاح بس بعد ما اكمل شهر زيت النار اما قبل الشهر بس كاسات هوا وتدليت وماتحوش بطني كلش

وهالنفاس ناويه اشرب جاي اكتيفيا لون علبته اخضر يحطونه بجرايد الاعلانات اعشاب وحده من اهلنا تستخدمه وضعفت حيل تقولي ريحته حلوه ينسون وكمون وزنجبيل يعني طبي

من ثلاث الى ست شهور صح

بس بعد ثلاث شهور البس الكورسيه طووووووووول اليوم واذا قطيته اشفط بطني دايم واسوي رجيم واكثر من شرب الماي والجاي الاخضر وامشي والزنجبيل بعد

واذا يبي يكمل البيبي الست شهور اكون رديت جسمي بس بعد الست شهور اكمل اكمل عشان اشده وما اعود نفسي اني اكل كاني حامل

اكلي خضااار وفاكهه ام مريووم

كلنا جذى يا قلبي ترا حتي عقب ست شهوور ممنوعه الرياااضه العنيفه سجلي سبااحه

انا كنت سباحه وايروبكس .. وكان الله غفووور رحيم ..

اكيد كل شى ممنووع علي بالج شي هين شاقين بطونا وااااااااي يمه تذكرت العوااار

عسى الله يقومج بالسلامه .. من غير شر ولاحقه علي الرجيم والسنع الحين انتي بس خففي واكلي اكل مفيد وصدقيني بتضعفين ..

ورضعي ترا الرضااعه بعد تنزل وزنج ..

ما تشوفين شر .

يب بعد6 اشهور سوي اللي تبين كيفج

وعليكم السلام

ميخالف تحملي هالفترة علشان صحتج
فترة وتعدي ان شالله

اخييييييييييييه وانا اقول لهم لحد يطلب العمليه
ومايطعوني
خل يقرون موضوعج يصدقون ان كل شي ممنوع
والكرشه حدث ولا حرج

انا بنطر 6 اشهر بعد الولاده وابدي دايت
وعلى قولتج شنسوي بعد

الكورسيه عادي بعد الولادة
دكتورة العلاج الطبيعي قالتلي البسه علا طول

مشكورين بعد عمري

ليش حبيبتي ممنوع؟؟ أنا بعد ثاني قيصريه و الدكتوره عطتني كورسيه و لبسته خامس يوم بعد الولاده.. المشي اهم شي كل ماتمشين كل ماتتحسنين اسرع و قالتلي بعد الاربعين سوي رياضه خفيفه بس لاتسوين تمارين البطن الا بعد ٣ شهور.. بس مساج التخسيس صج ماتقدرين

انا عشت حياتي عادي …
من ناحية الجسم لاني كنت مرة نحيفه…
الصراحة اللي تعبني شغل البيت وخاصة الغسيل ايام الشتاء..
والجماع ..
كنت أتألم يومين بعده ..ومستمرين…
انتي اللحين لا تحاتين ..
المشي بشكل متوسط عادي بس مو جري …
بالعكس المشي مطلوب للقيصرية والرضاعة هم تنحف بعد ودايما تحركي في البيت..

مشكورين ماقصرتوو

يعني اروح الممشى عادي ؟؟؟؟؟؟؟

اييه حبيبتي روحي بالعكس راح تحسين انج احسن

الدكتوره قالتلي ولادتي قيصريه بعد

الله يعينج
انا ضعيفه بس البطن بلوه
ناويه اشتري جهاز جري و امشي عليه كل يوم
بس مو رياضه عنيفه
المشكله شلون نخلي البطن يشد ؟؟