قوالب التبييض ليش تعور ؟؟

السلام عليكم

بنات انا حاطه قالب تبييض على اسناني منزلي

بس ينزل السائل على اللثه ويعورني

ماادري استمر الى ان تنتهي الـ15 دقيقة او اقطه

انا هم نفسج

كنت افرش اسناني و سيده احط القالب
صج كان يذبح
بس المرة اللي بعدها فرشت اسناني و نطرت ساعه بعدين حطيت القالب
ماكان في الم كلش

المفروض تحطين نقطه بس مو واجد لا تكثرين ولا يحوش لثتج

على كثر ما تستحملين خليه .. يعني هم كاتبين ساعتين بس انا مرات مافيه وقت فاخليه نص ساعة واشوف نتيجة حلوة

اب ~

السلام عليكم

اختي ممكن تقوليلي من وين هالقوالب

بعني دكتور كاتبهم لج ولا انتي شاريتهم

ياليت اتفيديني ومشكوره

اب. اب اب

up up

المفروض ما تحوش اللثة .. حطي نقطة صغيرة

انا اغلب الوقت اخليه ساعة او اقل عشان ماكو وقت واشوف نتيجة حيل حلوة

انا شريتهم وبعد اسبوعين صرت اصيح صياح حسبي الله ونعم الوكيل يوم رحت لطبيبتي انهبلت قالت ليه
تستخدمين هالاشياء التجاريه وقالت مسامات اسنانك مفتوحه حييييييييييييييييييييييييييييييل وكتبتلي معجون اسنان ضد الحساسيه افركه باصبعي على اسناني اسبوع الين خف الالم وقطتيتهم للابد هل لصقات الله لايعيدهم

انا حاليا بعياده وبستلم القوالب ادعوووولي على اللي بيحوشني وراخ اوافيكم بالاخباررررر

٨٨٨٨٨٨

بانتظار تجربتج

خذيتهم ةلي ثالث يوم دكتوري قالي استخدمهم نص ساعه او ساعه افضل لمدة اسبوعين وشوف اول مره حسيت بكهربا يمكن ليش قاعده اتكلم الهوا يحوشني فضليت ساكته لمده ساعه ههههههاي طرمه بس اخاف من الهوا واحاجي اهلي بالاشاره وليلحين ماشفت شي لاني توه لي ثلاث ايام اوافيكم بالنتائج تالي

غريبه انتي بس نص ساعه وساعه
انا حاليا لابسه القالب لاني بنام رحت قبل يومين عيادة البيان
وسولي تنظيف وخذو مقاسات اسناني وثاني يوم رحت استلم القوالب
وقالتلي مااحط كثير بس نقطه وعقب البسه وانام وعطوني معجون افرش قبل وبعد القوالب
ان شالله بعد يومين اشوف النتائج واجي اقولكم

~> بس مره متحمسسه لهم ابيهم يفتحون قبل العييد

حبيبتي آنتي تكثرين المعجون الي ينحط بالقآلب
حطي نقطه كآفي ويجي معآه محلول للحسآسيه تحطينه عاللثه بعد ..
انا مآخذتهم من الميدآن .. شوي يعورون مو حيل ..!

اااااب