|
كلنا نحتاج نفضفض
يخطر على بالي دايما كلام امي ((الزوج ما ينقال له كل شي ))
اشوي و مشاكلهم و ارجع اتحسف قد شعر راسي اذا قتله
اتخيله يروح يقول لأهله و اهله يتكلمون بالغلط يم احد و يوصل لأهلي
او اي احد تكلمت بموقف معاه
شنو الموقف الي خلاج ما تتكلمين له
وليش ما ينقال كل شي
ردودكم لاهنتو
وين الردود
موحلووه السواالف بين الزوجين تكون عن فلانه وعلان
مرات الواحد يسولف بس احرصي مايكون شي جداً خااااااص
ولا يحب الزوج احديتكلم عن اهله او امه او خواته
والزوجة لازم ما تسولف عن اسرار اهلها
انا من اول ماتزوجت وانا مبينه ان اهلي هم العايله المثاليه مافي احد مثلهم
وحتى خواتي وازواجهم ماقد تكلمت عن المشاكل الي بينهم اختي تطلقت ورجعت لزوجها وماقلتله
بعض الحريم الله يهديهم فاهمين الصراحه غلط كل شي تقوله لزوجها مايصير هذي اسرار اهلك
مااحب الزوجه النكديه اللي بس تتشكى وكلامهما كله عن المشاااكل
فيه سوالف فرفووشيه تضحك عن اهلك قوليها وفيه سوالف مو مشااكل احياننا اقولها مثل ماذكرتي
قصصص
لكن مشكلله لا ماله داااااااااااااااااعي
اما السوالف فانا ما اخش عن ريلي شي بس ما أقوله فلأنه بنت فلان او ام فلان لا لانها خصوصيه بس افتح له السالفة اذا كان فيها ضحك او عبره لا غير
انتي بوصفج للفضفض بصراحة شكلها مو فضفضة
انتي تبين تحشين بفلان و علان جدام ريلج
و هالشي حرام و النميمة الكل يعرف شنو عقوبتها عند رب العالمين
بغض النظر ان ريلج بيعايرج بعدين بأهلج و بتفظحينهم بايدج الله يهداج
تعودي تسولفين مع ريلج سوالف عامة بس مو بالخصوصيات ابدا حتى لو شي عنج انتي
على حسب الريال والله مو كل ريال نوعه يعاير اذا صار شي
ساعات تصير مشكلة فبيتكم و تتضايقين و يبين عليج اهو يلاحظ هني على حسب المشكلة اذا قوية و تهز صورة العايلة لا ما تقول تألف شي ثاني
مرت اخوي كل شي تقول حق اخوي سوالف عاديه او مشاكل و اخوي يناقشها يعطيها رايه
مثلا اذا اهي غلطانه يقولها تصرفج غلط و لازم كيت و كيت
اذا في شي مضايقها يساعدها يواسيها
بالعكس احس هالشي يقربهم من بعض اكثر
و هم على حسب الريال تربيته و عقله شنو
اولشي عشان لا يعايرني بيوم من الايام
ثاني شي عشان لا ينقد على الشخص الي قتله سالفته ولا يحتقره او يطيح من عينه
ثالث شي ماحب افضح الناس واطلع اسرارهم الواحد يستر عالناس كثر مايقدر
رابع شي اقوله ساعات السوالف البسيطه الي مالها اثر بس السوالف الجايده مستحيل