قصتي مع اعاده الهيكله القوي العامله

شلونكم

شخباركم

بقولكم اليوم ولاول مره اتجرء كنت متردده احط قصتي مع اعاده الهيكله القوي العامله

انا درست بمعهد السياحه والسفر تابع لتطبيقي انا طبعا تليقفت واخترته لانه شي يديد بالكويت

ودرست 2 ونص من الضغط المواد اللي علينا درسنا وايد مواد عشان يصير دبلوم

والحين طبعا غيرو المناهج هذا االحجي قبل سنتين وتخرجت

وفتكيت وعقب ماتخرجت قدمت سيده عالديوان وصارلي 6 اشهر ناطره الديوان وبعدين قالولي

روحي قدمي علي بدل بطاله ورحت بعد عناء طويل عقب ماطلعو عيوني الهيكله عطوني البدل

بعد شهرين دقو علي شركه تكويت تابع لانفوسنتر قالولي تعالي عندنا نعطيج دوره وبعدين نرشحج حق شركات

قلت اوكي طبعا استانست ابي اتوظف بعد شسوي ورحت وقابلوني وسوالنا ندوه واحد مادري شسمونه

هذي الندوه الشخص اللي كلمنه له اسلوب اقناع واقنعني لدرجه اقول حق ريلي بوقع العقد وريلي مو راضي

قلتله يمكن اشوف نصيبي هني بعدين مسكين وافق عشان خاطري بس ووقعت العقد

عقب ماوقعت انشطب اسمي من الديوان وحطولي بلوووووك وراح علي البدل قصوووه يعني معتبريني موظفه

وهقه

شسوي الحين

ما كو الا نطلع من عندهم جااان يقولولي دفعي 450 حساب الدوره ياخي انا ماداومت لالالالالالالا دفعي

صكت فيني الدنيااا وكملت شوراي شهرين من الدوره وخلصت وبقالنا عقب مايرشحونا دوره اسمها التخصصيه

حق موضفين يعني وصارلي هم 6 اشهر عندهم ماتوظفت وعقب ماطلعولي عيني عطوني مكافاه

ورشحوني حق البنك الوطني وشركه اقلوبل وريلي عصب ودق عليهم وتهاوش معاهم

قالهم شلون ترشحونها حق شركه امفلسه بالسوق (البورصه) و وين الشهاده ليش ماعطيتوها شهاده

قالو مافي شهاده الا ليمن تتوظف .

رحت كل الشركات وديتلهم( سي في) مالي ونادوني حق مقابله وليومكم محد رد علي

شركات وايد ماقدر اقولهم نفسيتي تعبت جد

عقب ماصارلي سنتين واخيرا رحنا الديوان ودفعنا افلوس الشركه الفقر وسجلت بالديوان شهر 6 اللي طاف

انا بنات من النوع اللي احب اتحرك واشتغل من قلبي صج تعب بس انا طبعي جذي

كل يوم اقعد ابجي امس اخر مره بليل بجيت لان احس الدنيا تمشي وانا واقفه

والحين ناطره الفرج