|
|
السلام عليكم بنات .. شلونكم كلكلم .. شلون الكروشات و المروشات .. آنا خصلت هاهاي.gif "Eh S(1)")
والدور عليكم ..
سمعوني .. هاذي قصتي وإن شاء الله تستفيدون منها .. آنا راح أقول المفيد وابتعد عن التفاصيل ..
أولا .. آخر مرة ولدت بالهادي كان قبل 4 سنوات تقريباً .. والوضع كان مختلف تماماً .. كانت غرف بينها فواصل وتنصك بستارة فيما عدا غرفة واحدة بالاخير تنصك بباب وممكن يدخل عليك فيها الاهل والزوج الخ .. لكن بقية الغرف ستارة وخري مري اللي يمر يشوف ..
الحين .. لااااااااااااااااااا الوضع تغير .. غرف خاصة في ممر راقي و كل غرفة تلفزيون وكرسيين يعني ممكن يخلون أحد يدخل معاك مع أن آنا ما أحب أن أطلق مع أحد من أهلي أحب بروحي .. و قلبي يكون معلق بالله تعالى .. وبس ..
المهم .. آنا قبل الولادة استفدت جداً جداً جداً من موضوعين اهني في المنتدى الموضوع الأول : أدعية الولادة وهذي قريتها في ماي و شربت منه قبل الولادة بيوم ووديته معاي المستشفى لأني طلق صناعي فعارفة موعدي وأني بدخل المستشفى أولد فجهزت الماي والأدعية معاي وكنت كلما نقص الماي أزيده قبل لا يخلص وبذلك بقيت بركة الماي المقري فيه ..
وبعدين الموضوع الثاني اللي صج فادني بعد .. موضوع : هل يمكن أن نخفف من آلام الولادة ؟ دوروه تلاقونه في الصفحات السابقة يمكن قبل 10 أو 11 يوم .. موضوع جداً فادني والله العظيم ..
خلاني ريلاكس .. على الآخر ..
آنا دخلت المستشفى وكنت شاربه خروع و رايحة لهم نظيفة ما أحتاج حقنة شرجية .. ( بس سمعت انه يبيعون بالصيدلية حقنة شرجية أنتي تحطينها لنفسك في البيت ) المهم رحت لهم جاهزة وبعدين دخلوني غرفة العمليات فحصتني الدكتورة المناوبة ( سنجيتا ) وقالت لي أنك مفتوحة 2 – 3 سم وحطت لي تخطيط وطلق صناعي – وآنا كنت شارطة عليهم أني ما أبي أطلق هني أبي أطلق فوق لأنه فيه فرق كبير بنات – كبير جداً بين أنك تطلقين وأنتي منسدحة ومركب عليك هالسيور وبين أنك تتحركين وتطلقين وأنت قاعدة أو على الوضع اللي يريحك ,.
وآنا في كل ولاداتي السابقة أروح أنسدح وأنطر فرج الله .. كان الأمر طويل و متعب .
هالمرة حطت لي الطلق ورجعت غرفتي و ابتدى الطلق واستعملت طريقة الاخت اللي علمتنا كيف نسترخي وكنت أثناء الطلقات أقرأ القرآن .. آنا بداني الطلق الساعة 12 ونص الظهر ورجعت غرفتي و قعدت أطلق باسترخاء إلى صلاة العصر .. صليت العصر وآنا جالسة .. ثم بدأت المرحلة الثانية من الطلق .. اللي قبل الدفع .. اللي مجربة ولادة من أول تعرفها ..
قلت لهم ياللا .. آم ريدي . آنا جاهزةةةةةةةةةة
ودوني على ويل جير إلى غرفة العمليات .. وهناك دخلت راهية أقول لهم ما بي انسدح أبي أظل قاعدة ليما تصير الصجية .. جان تضحك السستر .. ماخذتني على قد عقلي .. قالت : ايييييييه بس انسدحي
والدكتورة قالت لي بشوف بس جم أنتي فاتحة .. أثاريها بتبط المشيمة .. أخخخخ آي آي آي بس الريدي بروكين دكتورةه بلييييييزززز خلاص انفتحت انفتحت .. ما كو قاعدة وتقور علشان توسع الرحم آخر شي يأست منها قلت يااااااااااااااااااااااااااااااااااااااااااااااااا ااااااااااااارب .. جان تطلع ايدها .. تقول لي يالله انتي سبعة سانتي .. ولادة قريب ان شاء الله .. الحمدلله الحمدلله
الحمدلله : عاد آنا كنت قايلة حق السستر آنا أبي أكون واعية عند طلعة البيبي علشان أشوفها لأن كل عيالي ما شفتهم .. طلق .. كمام .. أنام .. أقعد .. مبروك ماما .. بنت .. ولد ما أحس بلذة الراس ..
لكن هالمرة غير .. صج حطولي كمام وخفف عني آخر اللحطات ,,
و بصراحة .. وقفة حق في حق الممرضات اللي يهبلون .. عناية واهتمام ويدلعوني ما يقولون اسمي إلا ويدللوني و اهتمام كبير جداً جداً جداً سواء من السساتر الهنود اللي عندهم خبرة ما صارت و لا استوت أو من السساتر الفلبينيات الللي صراحة محترفين ودقيقين وهادين .. جداً .. و حتى سستر هناك عربية وايد وايد حليوة .. جزاهم الله كلهم ألف خير وهداهم الله إلى كل خير ..
المهم .. الطلق الصعب ما تم معاي إلا شوية يمكن ربع أو نصف ساعة , وبعدين لا إرادياً حسيت أني أبي أدفع .. غصبن علي .. أبي أزحر .. هههههه
جان تتصل اللمرضة على الدكتورة – بهواني تحت – تقول لها شي از بشنغ . قاعدة تدفع .. و الممرضات يقولون لي هدي هدي ,, من صجكم .. هذاا اصلن أمر الله ما أقدر أسوي شي .. لا إرادي بدفع ..
المهم شوي ولا الدكتورة جاية تركض يحليلها .. وحطوا الركاب مال الريل و تميت أدفع .. طلع الراس .. طلعت أيد ثانية وآنا مو مصدقة لأني ما حسيت بطلعة الراس .. و شوي ولا تزرق البنت .. ويحطونها على بطني .. وينظفون وجهها وحلجها و مادري شنو و بعدين شالوها .. وغبت عن الوعي ما شفت المشيمة ولا حسيت فيها وهي تخيطني ..
و توتة توته خلصت الحدوتة .. الحمدلله الحمدلله الحمدلله ..
أول الله سبحانه .. ثم بعد ذلك حطي ما تبين من أسباب .. لكن لا بد من التوكل على الله سبحانه والدعاء بالطلقة السهلة و حسن الخلق والخلقة ..
الفوائد من القصة :
1) التوكل على الله تعالى والدعاء في كل وقت ( ترى دعيت حق كل بنات المنتدى الله عندها واللي ما عندها عسى الله يرزق الكل بما يصلحه .. آمين )
2) الاستفادة من أدعية الولاة وقراءتها في ماء والشرب منه .
3) الاستفادة من موضوع هل من طريقة أخفف بها من عناء الولادة .
4) صراحة الهادي ممرضاتهم يهبلون .. وغرف الولادة خاصة ومريحة و وايد وايد زينة .
5) د. بهواني تهبل ..
6) وآخر دعوانا أن الحمد لله رب العالمين ..
وأي استفسار ,. آنا حاضرة بس يمكن أتأخر في الرد بسبب الواق والويق .. ههههههه
و مبروووك ما ياج والحمدلله على السلامة
وعسى تتربى بعزكم يارب
سبحان الله لانج توكلتي على ربج سهل لج كل امووورج
لان انا والده بالهادي بس تعبت تعبت حيل
لاني ما كنت اعرف شي و اول ولاده لي ب ابجي
مره ثانيه بسوي نفسج
وجزاج الله خير
صج تعبت ومت خوف من شيء اسمه ولادة بس بعد ماقريت كلامج وايد ارتحت
انزين شلون يعني كنت تظيفة يعني مو ماكلة شيء قبل جم ساعة ؟؟؟؟؟؟؟؟؟؟
والحمدلله على السلامة
ومبروك ما ياج وتتربى بعزج