قرقيعان من البحرين!!

السلام عليكم

بنات انا بسافر البحرين وابي مساعدة

تعرفون من وين اشتري اغراض حق القرقيعان

سمعت هناك اكو وايد فناتق

تعرفون وين؟ اي سوق اي محلات

اكون شاكرتلكم

اي والله رامز انا معتمدته عدل قرقيعان عيالي العام والسنة كله من عنده
بعد عندج محل الانوار بمدينة عيسى وعندج محل فخر البحرين وفخر المملكة كل اشياءاتهم روعة ترى وعندج اللحين توى فاتح رامز بالرفاع الشرقي وايد كشخة وحلوه اغراضه غير عن باقي محلات رامز المنتشرة في الديرة واذا تبين اي شي بس خبيريني
وانا حاضرة لج اي بعد السوق الايراني عندنا عندهم بعد اشياء ودايسو بعد

واي شي انا حاضرة لج

في مجمع أسمه الدانه اهو كله سينمات بس في shopping في هناك وحدة تسوي فناتق حلوة حق القرقيعان و حق المناسبات الثانية مثل العروس و المواليد

هلاب يج في البحرين اختي

اذا تبين خامات من سلال وشرايط واكسسوارات وانتي تشتغلين عليهم فمثل ما قالو الخوات روحي رامز والانوار
وبعد عنج محل توني طايحه عليه بالرفاع اسمه طيور الجنه عنده شغلات عجيييبه
وبعد عندج الحرز في سوق واقف عنده شغلات حلوه وحتى تلقين عنده شغلات جاهزه للبيع وثياب للقرقاعون

اما اذا تبين توزيعات جاهزه فمعظم محلات الحلويات تسوي والي يعجبني لاريسا ديزايناتهم حلوه ومتجدده سنه عن سنه وعندج ريفيرا بعد و نوال فلاورز شغلها عجيب ما تلقين منه في مكان ثاني بس شغلهم مب تقليدي يعني على قولة ام بدير يصلح لتوزيعات ولاده وتخرج اكثر من انه قرقيعان

واذا بغيتي شي لا يردج الا كي بوردج

"ام بدير" و "التوت البري" مشكوريييين ويعطيكم العافيه اروح واشوف

"ساعة غروب" "fanda" والنعم بالبحرين واهلها

مشكووورين وماتقصرون يعطيكم العافيه

هلا فيج في ديرتج الثانية

حبيبتي أزيد على كلام الأخوات حلويات روشان في الرفاع الشرقي (شارع بوكواره) بالقرب من أسواق مكة ((طبعاً هذا المحل يبيع اكسسسوارات القرقاعون)) وفي نفس الشارع يوجد حلويات لاريسا
وإذا كنت تقصدين المجسمات فأفضل الذهاب لمحلات الأنوار وفخر البحرين أو رامز (كما ذكرت الأخوات) وكلهم أسعارهم مناسبة

ترى طيور الجنه الي عندنا بعد مو ذاك الزود بس ارقى لانه فيه من 200 فلس وطالع بس تلقين فيه اشياء حلوه
يعني مره شفت لج شغل توزيع ملجه الي حاطه مبخر صغير في علبه اهو عنده من هالمباخر وهالاشكال وسعرهم اكثر من 200 فلس

اما رامزنا فاخذي وخلي ساعات تشوفينه يازينه ويازين شغلاته وساعات من تدخلين تلوع جبدج
بس حاليا فاتح له هايبرماركت مره وحده وتركبينه بدرج متحرك وفيه مواقف تحت الارض كانه مول هههه

هلا FANDA شخبارج
أنا اليوم رحت طيور الجنة ومنزل مجسمات وايد حلوه حق القرقاعون ، روحي يمكن في شي يعجبج

اي رحته حبيبتي وخذيت توزيعات اليهال من هناك
ما ادري اذا شفتينهم اكياس على شكل نعاله وبعبيهم حلاوه والعاب والنوع الثاني اكياس كارتون على شكل بنت وولد واسعارهم وايد زينه على 200 فلس بس

والله يبيلنا روحه الكويت لسوق بوميه هذا احسه يشوق

هلا فيج حبيبتي بالبحرين

راح تنورين البحرين بجيتك

حبيبتي اذا بغيتي اي شي عن البحرين اي شي

لا تترددين وتسألين وان شاء الله ما راح انقصر معاج

انتي بس طلبي واحنه نلبي لج فديتج

انا صراااااحه من عشاق البحرين اموووت فيها وبأهلهاااااااا
يمكن بالسنه خمس مرات رايحه ويايه

عندج في محل في محرق يم بودي شوووب هم ينزل حق قرقيعان
19 ان شألله ابي اكوون بالبحرين