قالولي البيبي نازل للحوض!!وانا خايفة

الســلام عليكم ..

انا الحين بخلص السادس انشالله ..

ومن جم يوم رحت سويت سونار قالولي كل شي اوكي ماعدا ان البيبي نازل وضاغط على منطقة الحوض

وقاللي الدكتور خليج جم يوم مرتاحة ومن هالحجي ..

سؤالي اهوا هل أي وحدة عندها خلفية عن هالموضوع؟

حدي خاايفة ..

يليت تقدرون تفيدوني بشي ..

وعندي سؤال ثاني ..

اللي اعرفه ان السفر بأول جم شهر مو زين ..
بس اذا كنت بالسابع مثلا يأثر السفر ولا ؟ ..

وسمعت ان في شركات طيران مايصعدون الحامل !! صج ولا اشاعة عشان يخرعوني الاهل

وسوري طولت عليكم

انشالله مافيج الا العافية … الي اعرفه ان الشهور الاولى والاخيرة موزين الحامل اتسافر وصح في بعض الطيران مايركبون الحامل ايخافون تولد بالطيارة او ايصير فيها شي لا سمح الله

^
^

الله يسمع منج حبيبتي ..

واشكرج ع الرد

اذا الدكتور قالج ارتاحي فلزم ترتاحي … وان شاء الله ما في الى كل خير وعلشان تطمنين اكثر سويت لج سيرش على نفس حالتج وفي وحدة ساله نفس السؤال

يا بنات اليوم
رجعت من عند الدكتورة قلقانة
قالت الجنين نازل راسة مرة فى الحوض
وانا الحين فى الشهر السابع وقالت المرة الجاية عن الموعد الا جاى
راح تعطنى ابرة الرئة لجنين :44:المهم من مر عليها مثلى وكملت الى تاسع
ياريت يابنات لو وحدة تطمنى الله يطمنها فى الدنيا والاخرة

الرد الأول
لاتشيلي هم انا انجبت 3 بنات وكل مره بالتحديد فى السابع تقول الدكتوره لى مثل هذا الكلام ان الراس نازل تحت والحمد لله وعسى ان تكرهو شى ويجعل الله فيه خيرا كثيرا وبناتى ولادتهم حلوه ونحمد الله من قبل ومن بعد بس ارتاحى لاتبذلى مجهود

الرد الثاني
اتوقع طبيعي في الشهور الثلاث الاخيرة يكون راس البيبي تحت ……..

ماعليج الا العافية والله يكتب لج الخير والولاده السهله ان شاءالله …

واتمنى من اللي عندها خبرة تفيدج

الرد الثالث
الله يهون عليكم الحمل والولاده يا رب حبيبتي انا في بنتي من الشهر السابع نزل راسها تحت وعادي ولدت اول يومين بالعاشر بس انا ولدت قيصري عشان الحوض صغير عندي بس عادي دكتورتي ما خوفتني ولا شي وامي فرحت وقالتللي الحمدلله ولا تقولين لاحد ومدري وشو عشان العين ومن هالكلام بس عادي الحمدلله كانت حياتي طبيعيه ولا تعبت ولا شي …

فتوكلي على الله وربي يسهلكم اللي فيه الخير يا رب…

هلا حبيبتي Samora

تسلمين عزيزتي .. والله كريم انشالله

انا في حمالي يكون راس البيبي تحت نازل بالحوض بس لازم ترتاحين عشان لاسمح الله تجيج ولادة مبكرة وبعدين السفر انت حامل يكون خطر عليج وعلى البيبي واذا ولدتي بالسلامة لاحقة على السفر روحي وانتي خفيفة وسلامتج

^
^

هلا والله

اي كلام صحيح والله . . مشكورة حبيبتي ..

انا عيالي كله نازلين بسبب عملي قاعدة على مكتب لازم تمشين شوي كل ربع ساعه
والمفروض الحين تتمددين على طول علشان يرتفع البيبي شوي
واذا تقدرين اخذي اجازه اسبوع وارتاحي في البيت
وان شاء الله سهاله والله يهون عليك وعلينا والجميع

لا تشيلين هم ما اعتقد الموضوع خطر ..
وبعدين السفر في الاشهر الثلاث الاولي خطر لانه ممكن ضغط الطياره يسبب اجهاض
وشركات الطيران ما تمنع الحامل مدام عندها ورقه بس يوقعونج على ورقه يخلون مسئوليتهم عن اي شي يصير لج
والله يطمن قلبج

مشكورين يا أمورات .. أفدتوني وريحتوني

جزاكم الله خي

*ام ناييف
اصلا انا توني متخرجة وماتوظفت .. لبعد الولادة
يعني قاعدة بالبيت مرتااحة،،والدكتور استغرب ان البيبي نازل مع اني ماشتغل !عشان جذي متوترة اخاف اولد مبجر!!
الله كريم

حبيبتي اول شي ارتااحي مثل ما قاالتلج الدكتتووره وصدقييني اوضااعج راح تتحسن وايد اسمع بنات مثل حالتج بعدين الوضعيه ترد طبيعي

ومن ناحيه السفر حبيبتي عااادي تساافرين بس علي شرط لمن تسمحلج الدكتوووره

انا اتذكر حمااتي فيها القلب وحامل بالراابع عادي ساافرت

حبوبه عادي بس اهم شي ترتاحين و بلاها هالسفرة لان اخر 3 شهور ضغطك الطيارة مو زين يا عمري

اذا الدكتوره شايفه ان ممكن تكون عندك ولاده مبكره لازم تاخذين ابره الرئه لانها وايد تفيد البيبي
الله يهون عليك

بعد قلبي
نصيحه والله من قلبي اذا قالوا لج نسويلج فحص داخلي ارفضضضضضضضضضي انا نفس حالتج البيبي راسه نازل وسولي فحص داخلي وفتحوني كل شوي ايد داخله فيني وحجم غير وربي يعلم اني تبهذلت من الفحص الداخلي
حبيبتي كل فحص تتوسعين انتبهي اذا توسعتي بيبهذلونج …
انتي روحي بيتج وانسدحي ورفعي ريولج والله هذا اللي بينفعج بس بس ابره الرئه مالت البيبي خليهم يعطونج اياها في حال صار شيء فيج مفاجئ وان شاء الله مايصير يارب بس خذيها احتياط وردي بيتج وارتاحي الين تولدين ميخالف ظهرج بيتعبج الم من السدحه بس علشان البيبي…
يارب ماتمرين باللي مريت فيه وتحطينه بوقته ياااااااارب

مشكورين واايد كلكم والله ..

الله يريحكم انشالله ومشكورين مرة ثانية