السلام إليكم شلونكم بنات
بغينا نتشارك الافكار واسمع رايكم بهالحركة اللي قاعد تصير الحين مع اني اشوفها مو منطقية واهيا ان العروس ماتدخل صالة الفرح …عيل ليش النفنوف وتجهيز الصالة كوشة وحركات واخر شي تكشت …واذا خايفة من العين تسمي وتذكر اللله والله الحافظ
ابي رايكم
عاد عرسنا قريب انشالللله العروس ماتسوي جذي وتفشلنا
الحافظ الله
والعين تبي تصيييبج اذا كنتي عروس ولا غيره
سمي بالرحمن وادخلي
شنو فايده النفنوف و الخساير اذا ما راح تدش؟
حبيبتي ربج الحافظ
ارقى نفسج و اقرى المعوذات و توكلي عليه و ما خاب من توكل على الله
اي والله اشحقه مخسره ع النفنوف والصالون اذا مهي داشه الصاله !
عيل ليش مسوين حفله من الأساس خبري المتأزم عشان يجرفون العروسة
احسسسسس ماله داعي
.:
ترى مو شرط ان الوحده تخاف من العين ما دش
انا ما دششششششيت عشاني اخااااااف انا من نوع لي حيييل يستحي وكان بالي ان ناس كلها تشوفني فـ ما دخلت لوول
حبيبتي مو شرط نخاف من العين الحافظ الله بس فيه بنات يستحون مايحبون غصب يعني والي تقول شحقه تكشخ دام انها مو داشه الصاله وتتخشر ع الفاضي يااختي كل وحده وكيفها وفلوسها وكيفها هي الي بتتخسر مو انتي ولا لازم اذا بتكشخ واتخسر ادش الصاله واذا ماراح ادشها ما اتكشخ الحمدالله والشكر هذا يوم عرسها يعني تتكشخ وتتخسر لازم ولا ماراح تحس انها عروس والله السخافه الي تدش الصاله وتقعد وتطلع طيب ارقصي مع اهلج ؟؟؟ سوي شي تدخل وتقعد مثل الصنم وتطلع ماله داعي
تلقينها خافت او استحت يمكن توترت وهذي حالات عاديه اما تكشخ وهي تدري ماراح تدش ماراح تسويها وتخسر نفسها تلقينها توترت البنت
يعني مو بيدها ماتدش
مادري عادي ناس ع اخير لحظه يتردوون يدخلون الصاله تسستحي,ٍ~< < هع ~
أو موقاطه بالنفنوف<ٍ يعني من البدايه موناويه تدخل الصاله,اشترت نفنوف ناعم~ْ>
موفخم لأنها حاطها ببالهاا ماتدخل الصالهْ~>< ؛
الله الحااافظ
الله الحافظ بس حلاته تصورين وانتي علي الكوشه مع المعرس احسها اهي مره بالعمر هالقعده لازم تكون ذكرى
عموما اللي مايدخلون هذيلا عادي مو شرط عين وحسد انا رفيجتي وصلت لي باب الصاله وتوترت حيل وقالت مابي واخرت دخلتها وكانت خلاص جد بتطلع بس اقنعناها وقعدنا نحن علي رايها لما سمت ودخلت
سبحان الله وبحمده سبحان الله العظيم
استغفر الله من كل ذنب عظيم
بصراحة ماله داعي تدش الصالة انا تحسفت دشيت تعذبت بشيلة الثوب وصعدة السيارة والنزلة الحمدلله الله عداها على خير وماتعرجبت ..اذا انتي محد عمره شافج وانتي حلوة دخلي عشان مايحطون عليج سوالف او يقولون عنج جيكرة او ماعندها ثقة روحي اثبات وجود اما اذا انتي حلوة والناس عارفينج ماله داعي تعذبين نفسج ترا الثوب ثقيل وراح تتعبين الله يوفقج حبيبتي
انا ضد الفكره
البنت تكشخ و حالتها حاله و محد يشوفها !
ليش الخساير لا تسوي عرس احسن لها
و بعدين كل العرس عشانها و ما تدخل!
ماقط سمعت بهالسالفه بعد !
وين التوكل على الله عز وجل ؟