|
|
السلام عليكم ورحمة الله وبركاته
بدخل بالموضوع على طول .. ريلي راح الخيران مع ربعه كلهم متزوجين الا واحد
هالواحد (( حسبي الله عليه )) مغازلجي
ماكنت ادري انه مغازلجي الا لما شفت مسج دازه لريلي يقوله
انا بقابل بنت ومعاها بنت خالتها تروح معاي !!!!!!!!!!!!!!!!!!!!!!!!!!!!!!!!!!!!!!!!!!!!!
رد عليه ريلي قاله لأ مشغول (( تعذرله ))
انا واثقه من ريلي 100% بس خايفه عليه من هالرفيج (( الله لايوفقه ))
والله يا بنات كل ما اذكر هالمسج انقهررررررر شكووو يقوووله تعال معاي !!!!!!!!! شكووو !!
هو متزوج وانت عزوبي صيع بروووووحك ليش تسحبه معاك !!!!!!!!!!!!!
وابليس قاعد يوسوس فيني قلت لو ريلي مو مشغول معقوله يروح معاه ؟!؟!!!!!!
هاليومين صايره هاديه وكله ساكته ومالي خلق لشي .. حتى معاملتي مع ريلي تغيرت
قولولي لو انتم مكاني شنو تسوون ؟
ادري راح تقولون لي واجهيه .. اذا واجهته راح اكون انا غلطانه الاني فتشت بالموبايله ..
وراح تصير مشكله بيني وبينه .. قلت اسكت احسن لي واخليها على الله ..
شنو رايكم ؟
بس سوي نفسج عادي ولاجنه في شي وانسي المسج ولا توسوسين موزين يمكن اهو قاعد يتحجج له بطريقه ذربه يعني ..
بس حاولي تبعدينه عن هالرفيج !!
انا بصراحه لي ما عجبني واحد من ربع زوجي مع العلم اني اعرفهم كلهم لانه دايم يسولف لي عنهم واذا جاب طاري واحد يعني على نياته بسالفه مو عاجبتني اقعد الليل والنهار واكرهه فيه ليما يبتعد عنه
والله يهدي ريلج ويهدي رياييلنا كلنا
راح يقولج كلام انتي عارفته … بيقول انا مالي شغل فيه وهذي حياته وانه رد عليه بدبلوماسيه قاله مشغول ولو واحد يدور هالسوالف جان ماجذب خبر
تعوذي من ابليس ماكو شي ولو في شي انتي اول وحده بتحسين … فلا تخلينه يحس انج تتعبثين بجهازه وبعدين يمسح كل شي اول بأول
الحمدلله شكله ريلج ماعنده هسوالف لو يبي جان راح وياه
خلاص يكفي تعذر ..
انسي الموضوع ولاتشغلين بالج
والله يوفقكم
ومدام ريلج تعذر فالحمد لله لو وافق يروح شتسوين ,, لا تكبرين الموضوع ,, ومشاءالله مبين ريلج مايحب هالسوالف وتعذر له بطريقه حلوه ان مشغول
الله يوفقج ان شاءالله ولاتخلين الأفكار تلعب براسج
طنشي ولا تفكرين بالموضوع أريح لج
وعسى الله يوفقج
وتفتحينه على سوووالف منيه ومناااااك
لو احد غيييررررررره كان رااااح حتى لو انه مو راعي هالسوااالف بس فشخرررررررره قدام بعض
ولما يجي مجااال او تكلم عن خويه هذا حاولي تبينين له انك مو مرتاحتله
اوشكله مو مضبووووط
وكرررهييه فيه بسس حبه حبه
وشكررررررررا اختك/ اميره في المملكه
لاتخلين بليس يدخل بينكم والله الريال لو يبي السوالف جان يأجل كل اشغاله ويروح
دامج واثقه بزوجج خلاص لاتخلين الشيطان يوسوس لج
ولاتقولين له عن المسج علشان مايقولج ليش تفتشين في تلفوني
بالعكس زوجج مبين عليه ما عنده هالسوالف
والله المستعاان
بس حبيت اقولج
لا تغيريين معاملتج على مسج خليج عاديه
وبالعكس خلي معاملتج معاااه تزيد خلييج قريبه منه اكثر
لو بعدتي راااح يفكر ان يروح بس لو شاف زوجته مهتمه ليش يروح للغير
عدل كلامي يالغاليه
انسى المسج وعشي حياتج ماعليج هالرفيج دامج واثقه من ريلج