فترة الخطبه

مرحباااا بنات

انا توني مخطوووبه والحمدلله خطيبي خووش واحد يحبني واحبه مع انه كات خطبت اهل وبعدين كلمته بالتلفوون وكنا على طوول نسولف مع بعض مانمل ومرة بدا يتكلم عن الجنس فمادري اذا هالشي عادي بأيام الخطوووبه او لأ انا بصراحه اول استغربت واهواا قالي عادي مافيها شي عشان ناخذ على بعض
بلييييز لاتحرمووني من نصايحكم لانه هالشي مضايقني حيييل

مشكووووورين

شدعووة بنات 7مشاهدات ولا رد

من رايي حبيبتي كل ما فتح هالموضوع معاج سكريه
انتو خطبة مو ملجة
و اهوا من نفسه لي شافج متجاوبة معاه او ساكته و عاجبج الموضوع راح تطيحين من عينه
كل ما فتح هالموضوع قوليله تو الناس على هالسوالف
لما اصير على ذمتك قول اللي تبي تقوله
لما اهوا من نفسه يستحي
حييييييييل مبجر ان يتكلم بجذي مواضيع و انتو خطبة
ديري بالج حبيبتي
و موفقة يا رب

السلام عليكم ..
المفروض ما ينقال هالحجي بقتره الخطبه ..
و مثل ما قالت أختي اذا فتح الموضوع صكريه قولي تو الناس على هالحجي .. !
و الله يوفقكم لما يحب و يرضى ..

الله يووفقج اختي ..

اذا تحجى عن هاي الموضوع غيري السالفه على طول .. ولا قولي له كل شي بوقته حلو .. وعقب العرس بنتكلم على راحتنا .. الحين مو وقته .. وانا ماحب اتكلم بهاي الموضوع

لا تطاوعينه بهالسالفه انتو بخطبه هالسوالف عقب الملجه
والله يوفقج

غيري السالفه لأنكم لسى مخطوبين خليها عقب الملكه
وموفقه حياتي

اول شي مبروك الخطبة وعقبال الدخلة

بس لا تخلينه يتكلم بهالموضوع الا عقب العرس اذا الله كتب لان الفترة اللي انتم فيها فترة اختبار واذا شاف تجاوب منش حتى لو انتي ما تبين او متضايقه منه بس عشان تسايرينه بتتغير نظرته لش وبعدين قوليله لاحقين على هالسوالف كل شي بوقته حلو

بس ديري بالش كل هالنقاش بدلع ورواقة مو بعصبيه

لا تكلمينة وايد وقت الخطبة لمن تملجون يصير خير

وخلو هالاشياء بعد العرس احسن

اولا مبروك على الخطبه

وحاولي تسكرين الموضوع بسرعه وخبريه باسلوب حازم اشوي انكم لاحقين على هالمواضيع وكل شيى بوقته حلو

لا حبيبتي مو عادي انتو بفتره خطبه والكلام الي بينج وبينه لازم يكون شرعي مافيه شي .. يعني بس عشان تعرفون بعض فتره الخطبه عشان جذي انتي تكلمينه ..

يعني بصراحه اذا هذا جذي من الخطبه 😡

بانت شخصيته من البدايه

لا مايصير حبيبتي انه تتكلمون في هذي السوالف انت كل ما يفتح الموضوع غيره مو تسكتينه يعني بس غيريه او قوليله امي تنادي بروح لها تدرين من كثر ماتكلمون بعض خلصت السوالف وقام يفتح هذي المواضيع معاج علشان جذي لاتكلمينه وايد احسن لج صدقيني خليه يشتاقلج

كلش مو حلوووه هالسالفه وانتو توكم خطبه حتى اهوا ياخذ فكره لا شافج متجاوبه معاه

لاتعطينه مجال خل يحس انه قاعد يكلم وحده توها مخطوبه وتنحرج حتى تتكلم معاه ليش من الاول تماده بهلأمور ؟

لا فشله

اذا مجله اهون بس خطبه لا قوليله لو سمحت في وحده بالمنتدى اسمها حوراء قالت لا تتكلم عن هالسوالف لووووووووووول اتغشمر

و مبروك عالخطبه