|
|
مرحبا
شلونكم وشخباركم – انا رورو عضوه قديمه ولكن جديده في كتاباتي – بحكم الغربه والشغل – الموضوع
عينج لي هالدرجة صغيره ؟
هذا سؤال تحته اجابه وحده اما عينج صج صغيره او كبيره ويمكن متوسطه في الحجم
بس القصد من السؤال ان هل بالفعل عينج صغيره ما تشوف الا الشين في ريلج وعلاقتج معاه وما تشوف الشي الزين اللي مخليج تعيشين لي هاللحظه معاه ؟؟؟؟
ترى عن جد انا يمكن اكون قاسيه في كلامي بس عن جد اشوف بنات توهم متزوجات ما تشتهين اطلين في ويوهم وعلى طول متنكده والدنيا سواااااااد وقمته وضيقت خلق وما بقى عيب بالزوج ما طعلته وكل شي زين سواه انمسح عدل ليش؟ شدعوه ؟؟
ترى على فكره لان احنا عاطفين فحيل نكبر المواضيع ونسوي من الحبه قبه وتصير عيونا هالكبر
ولي صار الشي الزين والحلو ما نونس روحنا فيه ونستانس فيه مده اطول ( لأ ) بسرعه ننطر اللي بعد ونطمع وننعمي ع اللي بيدنا 
فانا اقول خل عيونا وساع وخل نشوف الاشياء الزينه واذا عيونا بتضيج خل تضيج على الاشياء الشينه لان الشيطان ان بغى يكبرها تكبر وطبعا احنا طاقين الصدر حق النكد
وكلمات عتاب ( الله يرحمها ) 
لا تنطرين متى ماصارت عندج مناسبه تروحين الصالون وتتعدلين وتتسوقي
اذا مو عشان هالزوج عشانج وعشان نفسج المسكينه ترى لنفسج عليج حق
لا تنطرين الشيب يغطي راسج تالي تتذكرين ان لازم تصبغين الجذور
لاتنطرين تحفين عقب ما تخلص الدوره be ready all the time
لا تنطرين تغيرين ستايل شعرج عشان عرس ولد عم ابو يدي
لا تنطرين تسوين رجيم عشان عرس اخوج ولا اختج
( لو كل يوم عندنا عرس جان طول حياتنا متزهلقين )
لا تنطرين يطلع صوت ريلج ويطلبج اتغيرين قبل صوت قلبج
لا تنطرين التنزيلات عشان تشترين ملابس يديده
لا تنطرين وقت النوم عشان تفرشين اسنانج ( عقب كل وجبه )
لا تنطرين تسوين منيكير وبديكير بس وقت الدوره – مو الا تصبغين –
لا تنطرين كعب ريلج ايبس وينشف تالي تفركينه
لا تنطرين ترجعين البيت عشان تصلين والمكان اللي انتي فيه فيه مصلى
لا تنطرين الصيف عشان تغيرين من نفسج وكل الايام نفس الشي بس تختلف الاسماء
لا تنطرين تكبر المشكله والحل بيدج – ترى زمن روميوا راح – ماراح يقعد على ركبه ويراضيج
لا تنطرين ولا تنطرين اشياء واايد بس ما ابي اكثر عليكم بس ان شاء الله اكون عادله في كلامي اللي صج كان بخاطري
بليز يابنات ويا متزوجات خل نهتم في روحنا وفي مظهرنا وجوهرنا و تكبر عيونا على الزين وتصغر على الشين
Thank you and wish you all the best
كلامج كله صح ونفس طريقتي في التفكير بس وايد من اللي حواليني ناس سلبية وتحبط واحاول اقاوم كثر مااقدر بس ساعات احس اهمه الصح وانا الغلط!!!
بسالحمدالله في وحده نفس تفيكري keep on going dear
وايد ناس مايهتمون بروحهم , حتى لو كانو مو متزوجات
النظافه والاهتمام راحه للشخص نفسه قبل ماتكون راحه لغيره ,,
يعطيج العافيه
صح لسانجbe ready all the time
لا تنطرين :>
يسلمو
وعن جد خلونا لا ننطر و نبدي ونستعد
مشكورين
كلامج روعة
الا كلامج صج
دررر دررر
مشكورة وما قصرتي 
صج احنا هاذي سوالفنا، حف بعد الدورة ولا بداية الرجيم دايما يوم السبت انزين ليش ما تبدين اللحين لا انطر السبت ابدي