عود النظام فـ أنكشفت الأقنعه ||

السلام عليكم ورحمة الله وبركاتة
شلونكم بنات شخباركم ؟؟

طبعاً أول شي حبيت اهنيكم بعودة النظام القديم وبإرتفاع الدرجات ^^
اكيد كلكم سعيدين و فرحانين بس لاتفرحون بتقولون هذي شتبي أنا اقولكم ليه
أنا اكثر وحده كنت ابي النظام القديم بس الصراحه الي شفته من الناس غير تفكيري

الحين احنا مساكين ونكسر الخاطر
ضاع تعبنا الكورس الأول ودرجاتنا مو لمستوانا !!
أوكي طيب شنو لازم يكون موقف المعلمات الفاضلات ؟!
ابي كل وحده تجي هني مو تهاجمني بس صج تقول شنو لازم يكون موقفها

الحين انا اداوم اتوقع بعض العبارت التشجيعيه ع الأقل من معلماتنا الفاضلات
بس للأسف انصدمت من موقفهن تهديد ووعيد !!
الكل متحلف فينا ؟؟
نعم بابا انا شنو سويت لج بالضبط ؟
تشتكين من الدرجات ؟ الظاهران معلماتنا غايبات عن الوسط السياسي ولا يدرن الدنيا من حولهن شقعد يصير فيها !!
طيب ليه هالأسلوب ؟
عشان صار عندج 12 درجه ؟؟؟

أكلم الأبله اقولها ابله تغير اسلوبج الحين وكثرت طلباتج
تقول عندي 12 درجه بطلعهم منكم !!!!
والله عيب

الحين سوت هالموقف مدرسه مصريه ما شرهت عليها قلت يمكن حاقده علينا
بس مدرسه كويتيه وتتوعد فيها
" أنا اوريكم درجاتكم تفشل والله لا اخسف فيكم الأرض"
والله ما هقيت هالموقف يصير قدامي فشله

ياليت وحده ولا اثنين جان ما اشتكيت المصيبه اكثر من وحده
قبل كانت 4 درجات كانن ساكتات ولا اسمع تهديد واحلى اسلوب منهن
هن ما يخافن مننا بس وين الجنب اللي يوجع صاحبك ؟؟
عرفوا نقطة ضعفنا فأستخدموها

يآ معلماتنا الفاضلات ~

أتمنى ان تكونن قد المسؤوليه اللي انتن فيها
وترى المعلم كاد أن يكون رسولاً
فحرام تستخدمين هالأسلوب مع ناس ضعاف يبون يتخرجون ويكملون دراساتهم ويحققون احلامهم
ترى بكره بتتحاسبون وتسألون عن هالطلاب الليكانوا تحت رحمتكم وظلمتوهم !!
الظلم ظلمات يوم القيامة ~

والمايك عندكن طالباتنا ~~

مروووووووور لعيونج