عندما تكون الخادمة هي الزوجة الخفية !!!

فنجان قهوة العصر,طهي أصناف مختلفة من الطعام , تنسيق الملابس في الدولاب , تجهيز الغداء بعد يوم عمل شاق ، كومن الحليب الدافيء قبل النوم ….. الخ

أشياء صغيره تقوم بها الخادمه بدل الزوجه مع انها تتعلق بالزوج نفسه
فقيام الزوجه بها ليس مجرد واجب بل انها تزيد من خيوط المحبه بينهم
علاقة الزوجين ولكن للأسف بعض الزوجات تتجاهل ذلك

فأشياء الزوج الخاصه من

طعام _ ملابس _ مايحب _ ما يكره _ مواعيده _

كلها وسائل إما لتعميق الحب بين الزوجين ،او لتعميق الفجوه بينهما
فيجب على الزوجه أن لاتترك الخادمه تمارس دورها وتنزلها تدريجيا
عن عرشها هذا إذا لم يكن قد حلت محلها تماما في حياة زوجها

حكايات سمعنا بها وقرأنا بعضها وعايشنا بعضها وكلها يربطها خيط واحد انتماء الزوج تدريجيا الى الخادمه أكثر من الزوجه

لإحساسه بأن هذه المرأه التي تعمل بأجر شهري لديه تهتم بشؤونه أكثر من الانسانة التي تربطه بها علاقة زواج

للأســـــف…بعض الزوجات تتعذر بأبسط الامور لكي تتكل بكل شيء على الخادمه وتنسى عواقب كل هذا

فكم سمعنا عن حالات طلاق بسبب اهمال الزوجه لزوجها وعن حالات خيانة الزوج للزوجه مع الخادمه
بل والأدهى سمعن اكثيراً عن حالات تنازل فيها الزوج عن بيته وزوجته وأولاده وتزوج من خادمته وعاش معها أحلى عيشه

سؤالي : ما رايكم بهذه الظاهرة التي اصبحت منتشرة نوعاً ما ؟؟
ما السبب الذي يجعل الزوجة تأخذ هذا الموقف في بيتها وترمي بكل الاحمال على الزوجة ؟؟
هل نلتمس العذر للزوج بعد كل هذا باتخاذه الخادمة زوجة خفية او حتى علنية ؟؟
من الملام في هذه الحالة الزوج … الزوجة … ظروف الحياة والعمل … ام الخادمة نفسها ؟؟؟

موضوع حلوووووووووو
يبيله نقاش

مشكووره حبيبتي على المشاركه
فعلاا هالموضوع لازم نتناقش فيه لانه بصراحه ماكو وحده تقدر الحين تعيش بدون خدامه !

والله كلامج صج بتبوتا

والله انا الحمدالله الوالده ما علمتنا على جذي, مع انه طول عمرنا على الاقل يكون خدامتين عندنا, بس لا يمكن تخلي الخدم ترتب اغراضنا الشخصيه, اوكي تنظف لنا الغرف بس ما يفتحون ولا درج ولا كبت, اغراضنا احنا نسويها ونعدلها حتا ملابسنا, كل واحد مسئول عن روحه بنت او ولد, يعني لايمكن الخدامه تيي وتجيس اي شي من اغراض ابوي, قبل كنت اتضايق من امي انها جذي تسوي اقول شنو احنا خدم نشتغل واهما قاعدين؟؟ بس والله ما عرفت معنى اللي تسويه الا لما كبرت, وعمرها ما خلت خادم يغسلنا وحنا صغار والا يوكلنا والا يبدلنا, هذي مسئوليتها اهيا, اهيا امنا والحمدالله ما قصرت معانا, مع انها موظفه يعني مو ربت بيت و ما عندها شغل. عشان جذي عمرنا لا انا ولا خواني صار عندنا ولاء حق خدمنا مثل ما نشوف هالايام اليهال يقطون اعمارهم على الخدم والا بعضهم يبي الخدامه و مايبون امهم والا الياهل يكتئب اذا غيروا خدامته!!
واتمنى انه الله يقدرني اني اربي عيالي اذا الله رزقني مثل ما امي ربتنا, و انشاءالله الكل يحاول يسوي جذي

ومشكوره يا الغاليه على هالموضوع

والله اختي كلامج عين العقل …يعني اشوف حريم قاعده في البيت ماتشتغل وعندي حق كل ياهل خدامه وهي ماتدري عن البيت….
اعرف وحده كل طالعه وريلها بيت البيت مع الخدامه…
يعني الغلط على الزوجه…يعني لاتعطينا الخيط والمخيط….وتنسين بيتج…
احنا عمرنا ماكن عندنا خدمامه لان امي ماتشتغل مع ان مشاءالله اشكثرنا…بس لما اتعبت يابت وحده وحتى ماتسوي كل شيء الطباخ على امي والباجي عليها…حتي ماتدخل غرفة امي اتعدلها…..

والله المسئوله الاولى والاخيره عن هالشى الزوجه
لما تقط كل مسئولياتها على الخدامه وماتدرى شقاعد يصير من وراها واهى مشغوله بالاعراس والاستقبالات والطلعات
والزوج مايشوف جدامه الا الخدامه تلبى له كل طلباته اكيد بيكون بينهم الفه ومحبه وزواج بعد
وبالاخير المراه تلومه ليش تزوج عليها الخدامه

مشكوره عمري على الموضوع بصراحه مهم وانا اعاني منه:

انا موظفه واطبخ واساعد الخدامه بكل شي لأن عندي يهال بعد ثلاث بسم الله عليهم وحامل بالرابع بس غرفت نومي وترتيب كبت ريلي طبعا انا والطباخ انا بس ريلي المصيبه الكبري اللي بس يسولف مع الخدامه ملوع جبدي وايد يعطيها وجه يعني مثلا مره قالت لي: ان بيت خالت ريلي موجودين عند ام ريلي قلت لها : اشدراج واش عرفج فيهم قالت لي : بابا قال لي هذيل منو ؟ طبعا الحراره ارتفعت وسألته :ليش تسولف مع الخدامه وتعطيها وجه قال لي: اهي سألتني ، قلت له: حتي لو تسإلك المفروض تقول لها هذا مو شغلج وعيب 0

والمصيبه الثانيه عنده دوانيه وانا دايما ازهب له كل شي بنفسي ما أشوف إلا الخدامه يايتني وتقول لي: ماما اشلون اسوي القهوه؟ قلت لها : ليش؟ قالت : بابا يقول زهبيلي القهوه والشاي حق الدوانيه الليله0 هذا بيذبحني بعد ما قال لها قولي حق ماما تسوي لا ،قال لها انتي سوي القهوه والشاي ، ولما سألته : شالسالفه مو انا ربت البيت والخدامه من متي تزهبلك الأغراض قال لي: شفيها شفت الخدامه بالحوش وانا طالع وقلت لها شنو المشكله0 اتصدقون وعلى فكره الخدامه القديمه ما كان يعطيها وجه ليش عيوزه ودايما اذا يبي شي منها يقول : كلمي خدامتج خل تسوي مثلا هذا الشي حتي لو الخدامه واقفه يمه ما يكلمها ؟ شنو السالفه ما أدري قلت له: تري اذا ما يزت من هالسوالف بودي الخدامه المكتب قال لي: ايه تبين اتييبين عيوزه صح (انزين اهو شكو عيوزه ولا صغيره) اشرايكم بنات ابليز ردوا علي

انتو بس اقرو البلوتوث اللي انتشر عن الخدامه الاندونسيه……… وتشوفون خطرهن…….يا ليت كل الحريم يعتبرون منه………لو اني احس انه مفبرك………او انه عده قصص مجمعه مع بعض……..بس ينبه …….ويدق ناقوس الخطر…….

صج موضووع مهم وحساس مشكووووووووره

ATHARY
مادري شقول ياما ان زوجك على نياته من جد (وأنت أدرى).
أو أنت على نياتك فأحذري (تغيريينها مو حل بل هروب من
المشكلة زوجك ينبهك بطريقة غير مباشرة .[/SIZE][/CENTER]

عدل كلامج

الحمدلله عمرنا ماعتمدنا عالخدم إلا اللحين لانه الوالده مريضه وفوق هذا مانخليها اتسوين اغراضنا ولا تدش غرفه الوالده ولا طباخ

استغرب من اللي مايدرون عن ريايييلهم واعيالهم وبيتهم شيء كله عالخدم يارب لايبلانا

ولا سافرت الخدامه تلقين البيت كله يضيع ومايعرفون يتصرفون واليهال متعلقين فيها

منورين حبيباتي على مروركم الروعه ومشاركتكم
وللاسف انا اعرف وووووايد بنات حق كل ولد عندها خدامه يعني اربع خدامات حق اربع يهال وغير خدامه البيت والطباخ؟؟
عيل انتي وينج ؟؟ وشنو دورج والله علشان نايمه ومالج خلق؟؟؟
انا الحمدلله عندي وحده والله يبتها وزنها 50 صارت 65

لانه مو كله عليها الشغل اهيا بس تطبخ وتغسل هدوم وعيالي مو دايم عندها ولاني ما اشتغل واحب اني انا ارتب شغلي وشغل عيالي .

السلام عليكم ….

أي والله هالحركات صج تفرق أنا ما اخلي الخدامة تشيل الغدا من جدام ريلي ما أحب حتى يشوفها !!

مره سمعت ريال يقول الفلبينية ما تكلف أهدومها من المحاميد و تشتغل لك احلا شغل و ما تفج حلجها بأي كلمه !!

أعوذ بالله منهم !!

الله لا يبلينا و الله يحفظنا

تشكرات